يوجد زر احمر فى فتيس صنى 2003 اتوماتيك
اريد ان اعرف ،يوجد فى فتيس الاتوماتيك لنسان صنى 2003 زر احمر اللون صغير ما وظيفتة؟ وشكرا جدا لاعضاء المنتدى
|
رد: صنى 2003 اتوماتيك
يا جماعة حد يقول لى على وظيفة هذا الزر الاحمر وشكرا
|
رد: يوجد زر احمر فى فتيس صنى 2003 اتوماتيك
لو الزرار ده الى فى بالى يبقى نعمة عظيمة
و الله اعلم ده لما تحب تمور العربية و هى مبطلة تدوس عليه ساعتها تقدر تحرك الفتيس من P ل N و طبعا ميزتها انك لما تسد على واحد لو ركنت صف تانى يبقى فى فرصة العربية تتزق |
رد: يوجد زر احمر فى فتيس صنى 2003 اتوماتيك
خللي بالك برضه
فيه بعض العربيات الاوتوماتيك مثل الكرولا 2003 و ما فوق بيبقي فيها الزرار ده و بيكون زرار لوك للفتيس (علشان لو راكن في حته و قلقان منها او هتدي مفتاح العربية لحد و مش عاوزه يمشي بيها مثلا او هناك اطفال داخل العربية و مش عاوزهم يلعبوا في الفتيس و يدوروها علشان الامان) المهم الزرار ده لو دوست عليه الفتيس هيعمل لوك و مش هيجيب ولا غيار اطلاقا ،، و بيبقي فيه مفتاح كده شكله غريب شوية هوه الوحيد اللي ممكن تفك اللوك بيه و ده حصل مع واحد صاحبي في عربية كرولا و اضطر يروح بتاكسي للبيت و يجيب مفتاح اللوك و يرجع للعربية علشان يعرف يمشي بيها و عموما حاول تجيب الكتالوج بتاع العربية من علي الانترنت او لو حتي فيه فرصه تستشير مهندس مثلا من التوكيل |
رد: يوجد زر احمر فى فتيس صنى 2003 اتوماتيك
يريت تقرا لنا مكتوب إيه على الزراز دة و عموما هو غالبا زرار الأوفر درايف عشان في المطالع أو المنحدرات أو في الشتاء يعني ثلج أو مطر أو أي شيئ يخل باتزان العربية ساعتها تدوس على الزرار دة و هتحس بالفرق و ساعات فية ناس ممكن تشد بية لأن بيزود حرق البنزين بالتالي يزود سحب العربية في السرعات العالية ما فوق 100 و الله أعلم |
رد: يوجد زر احمر فى فتيس صنى 2003 اتوماتيك
بص ياسيدي
انا قريت المانيوال وبيقولك ان وظيفة الزرار دا انك تقدر تحرك الفتيس الاتوماتيك لاي وضع لو العربيه مش راضية تدور معاك البطارية نامت مثلا وعاوز تزقها لجنب بعيد عن الطريق تجيبه على ال N وتزق يا كبير بس متسحبهاش طبعا لمسافات طويله ودا حاجه مفيده جدا اي خدعة يا برنس |
رد: يوجد زر احمر فى فتيس صنى 2003 اتوماتيك
زي م قال الاستاذ suezboy تمام الزرار ده .عشان المفتاح مبيخرجش من الكونتاكت الا لو العربية علي p . فممكن حضرتك بعد ما تجيب العربية علي p وتشيل المفتاح تضغط علي الزرار الاحمر ده للنهاية فيمكنك تحرييك الفتيس الي اي وضع ترغبه
|
الساعة الآن 08:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017