![]() |
نزول ميه من الشكمان
هل معني نزول ماء من الشكمان عند التدوير ولفتره ان كده الموتور كويس علشان في واحد صاحبي قالي الميه الا بتنزل من الشكمان بيكون الموتور حلو يعني عفي ولا ايه رايكم ولا ملهوش علاقه اصلا ودي بخره علشان الصبح :fun_36_3_13[1]:
|
رد: نزول ميه من الشكمان
اقتباس:
|
رد: نزول ميه من الشكمان
هوا فعلا امت الموتور بيعرق بيبقى زى الفل بس ده 28 هى عربيتك موديل كام ياباشا ولا انت شارى موتور جديد
|
رد: نزول ميه من الشكمان
نزول المياه من الشكمان مش معناه انو المحرك بحالة جيدة فى المطلق,
انما معناه ان الاحتراق يتم بشكل جيد, و ان الكربيراتير او وحدة الحقن الاليكترونى بحالة جيدة جدا و ليس المحرك نفسه. |
رد: نزول ميه من الشكمان
شكرا لمرور الجميع بارك الله فيكم :fun_36_1_30[1]: بس الكلام عكس الا عندي انا المكنه عندي خفيفه وبتاكل زيت وفيها كمان بخره يبقي ايه الكلام
|
رد: نزول ميه من الشكمان
اخى العزيز صقر الشكمان لما ينزل مايه يبقى حاجه من الاتنين 1:ان الماتور كويس وكل حاجه فيه مظبوطه ومتناغمه مع بعضاها بكفائة عالية أو جوان وش السلندر فيه حاجه وبقى بيسرب مايه للسلندرات فلو العربيه بتاكل مايه معاك يبقى روح لميكانيكى فورا وياريت تعمل اللى هقولك عليه فى النهار وفى نور ربنا كده هتفتح غطاء الردايتير و القربه وتبص فيهم هل المايه مخلوطه بزيت فيهم ولا المايه صافيه ومفيهاش اى اثار زيت خالص وهتشوف الزيت هل لونه بقى عامل زى الطيحينه ولا الزيت عادى مفيهوش اى حاجه غريبه لو لقيت كله تمام يبقى متحوطش فى بالك وامشى عادى بس لو لقيت اى حاجه من اللى بقولك عليها فوق ديه فيجب عدم تشغيل المحرك والذهاب فورا الى اقرب ميكاننيكى وتخليه يبوصلك على الدنيا فيها ايه بالظبط ولو كان فيه المشكال اللى بقولك عليها يبقى هيعملك جوان وش سلندر وفى الحاله ديه يبقى الافضل ليييك انك تعمل طقم شنبر بالمره علشان يبقى كله مره واحده ووجع دماغ واحد وربنا ييسرلك الامور وابقى قولى هل لاقيت حاجه من اللى بقولك عليها ولا لا مستنى ردك اخوك فى الله سيد |
رد: نزول ميه من الشكمان
ازيك اخي سيد ومش عارف اشكرك ازاي وجاري العمل بما قولت وساوافيك به :08da300846c84943ae1
|
الساعة الآن 05:11 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017