|
طلب مساعدة في اختيار عربية
السلام عليكم ورحمة الله و بركاته عندي كام سؤال و طبعا أملي فيكم كبير انكم تساعدوني ناوي ان شاء الله اشتري عربية في حدود ال 120 و ممكن تزيد شوية لو لضرورة بصراحة محتار جدا لان مفيش احتمال تتغير قبل 6 سنين مثلا :red_face10: معظم الوقت هتبقي التنقلات فردية و سفر يومي عشان الكلية الاوبشنز و التكيف مهمين جدا :fun_36_1_47[1]: ناس كتير قالت السيراتو جامدة .. بس بصراحة متشائم منها لأن صاحب ابن عمي نزلت منه عجلة في بلاعة مفتوحة العربية طارت بمعني الكلمة و بعدها ولعت الحادثة مشهورة اللي كانت في اسماعيلية من كام شهر وفي ناس بترشح النترا الجديدة الخليجية بيقولوا اوبشنز عالية جدا و اوفر من المصري ؟! بس هتبقي في حدود كام ومنين؟! و ايه عيوبها و مميزاتها و اخبار عوامل الأمان في الالنترا عشان قريت واحد كاتب في مشاركة قبل كدا انها صفر :09C207~188: و لو حد عنده اقتراح تاني يقول اسبابه و شكرا مقدما ع المساعدة :fun_36_3_11[1]: :fun_36_1_39[1]: |
رد: طلب مساعدة في اختيار عربية
ابعد عن السيارات الكوري جودة تعبانة ثبات زيرو
وبما انك شاب ممكن تجيب ابيزا 2011 الشكل الجديد ثبات امان جودة يكفي ان الماتور وقطع الغيار الماني من فولكس |
رد: طلب مساعدة في اختيار عربية
كلام مظبوط او ممكن تجيب عربية فولكس جيتتا استعمال 6 شهور او سنة بلكتير و هتكون كسر زيرو و الالماني مفيش بعدو :THE_PR~18:
|
رد: طلب مساعدة في اختيار عربية
اقتباس:
ولا قصدك علي قطع الغيار بس .. و يريت شوية معلومات أكتر عن العربية :shyy: وشكرا لحضرتكــ ع الرد :fun_36_3_11[1]: اقتباس:
و المستعمل يتخاف منه بصراحة شكرا لحضرتكــ ع الرد :fun_36_3_11[1]: |
رد: طلب مساعدة في اختيار عربية
ابيزا موديل من موديلات سيات بس التافيل اسباني لاكن الماتور والفتيس والعفشة كلها الماني
ومعانا سيات كوردوبا 2002 1000cc كان بتطلع من اي عربية 1500cc وبتعافر مع 1600cc ده يدل علي انها عربية محركها ممتاز بالنسبة لسعة الماتور اللي تعتبر صغيرة وكانت ثبتها ممتاز لاكن الابيزا الشكل الجديد دي طبعا ثبتها هيكون افضل محركها 1400cc مع فتيس dsg سبع نقلات الفتيس ده نفس اللي معايا في الجولف حاجة حكايا طبعا اداء خرافي انت ممكن تروح معرض سيات وتتفرج عليها وليك حرية الراي في الاخر انا بس بحاول ادلك علي حاجة تكون مبسوط منها |
رد: طلب مساعدة في اختيار عربية
اولا : لازم تحت فى اعتبارك اعادة البيع وانك ممكن تحتاج فلوسها فى أى وقت يعنى بلغة السوق لازم تجيب عربية بياعة موش تقيله في بعها .
ثانيا : سيبك من اللى بيقولك الكورى تعبان الكورى كل مدى بيثبت جودته والكورى عربيات اعتمادية بتاعت بهدله تتطلع عين العربية سفر موش هتقولك لا + قطع غيارها فى متناول الجميع الحتة اللى هتبوظ حترميها وهتحط مكانها جديد واى ميكانيكى فاهم فيها والدليل شوف قد ايه العربيات الكورى اللى فى الشارع وهنروح بعيد ليه اطلع دلوقتى وبص من بلكونة بيتكم وعد كام عربية كورى واقفة فى شارعكم :ROFL_C~118: العربيات الالمانى صحيح عربيات حلوة بس غالية جدا وفي نفس الوقت قطع غيارها نار جهنم وسيبك من الكلام الفاضى انى هي مُعمرة لانه ده نصيب وعمر ممكن اشترى الحاجة دلوقتى وتبوظ ومن وجهة نظرى الشخصية ان الالمانى لا تصلح في مصر والدليل تلاقى كام عربية جيتا واقفة على الطريق اليومين دول علشان الحر الشديد اللي بقينا زى الخليج فى الصيف والالمانى لما بيسخن اضربه بالنار ومحدش بيفهم فى تصلحية اللى ناس تتعد على صوابع الرجلين هههههه عاوز تجيب عربية كوووووول والكلام ده من وجهة نظرى متطلعش من اليابانى ثم الكورى ولذلك ارشح لانسر أكسنت rb مفيش حد عالفكرة قال عليها كلام وحش كله بيقولك عربية جبارة او النترا او تويوتا ودى تبقى كده :01F6EB~150: او نيسان صنى ودى خلاصة تجارب اه ونسيت اقولك اوعى تقرب من الصينى مع انى عارف ان فى ناس كتير هتزعل تحياتى :Wkiss5: |
رد: طلب مساعدة في اختيار عربية
متابع
والف مبروك مقدما ROSE4U |
| الساعة الآن 10:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017