توكيل كيا يمتنع عن صياتة الخليجي
ده صورة لاعلان نزل في ملحق الاهرام للسيارات
http://img404.imageshack.us/img404/1337/scan0001g.jpg و زي ما انتم شايفين قايلين انهم غير مسؤلين عن ضمان و خدمة هذة السيارات يا تري ايه موقف ملاك الخليجي من ده و هل ده اصلا من حق التوكيل |
رد: توكيل كيا يمتنع عن صياتة الخليجي
هو في مصر دا من حق التوكيل و ما عرفش ليه
ماهي كلها عربيات كيا و الضمان اساسا من كيا و بتدفع تمن قطع الغيار مافيش غير تويوتا فقط بتسمح بصيانه السيارات الخليجي حاليا لكن طبعا باسعار اعلي و لو عاوز ضمان تشتري ضمان من عندهم!! |
رد: توكيل كيا يمتنع عن صياتة الخليجي
اقتباس:
طوابير للحجز و اسعار مبالغ فيها مقابل كماليات اقل اعتقد ان حماية المستهلك او وزارة التجارة مش فاكر انهي الزمت كل التوكيلات بصيانة العربيات التابعة لها حتي لو مش من استيرادها و ليهم الحق في طلب 2 % من سعر العربية في التوكيل نظير الصيانة زي ال 7000 جنية بتوع سكودا كده. توكيل تويوتا من اكبر التوكيلات اللي مانعة دخول الخليجي و انا شخصيا عانيت معاهم لما كان معايا كرولا خليجي و كنت بعملها صيانة برة. اعتقد انك قصدك توكيل ميتسوبيشي لانهم بيحملوا 25% زيادة علي قطع الغيار و المصنعية . |
رد: توكيل كيا يمتنع عن صياتة الخليجي
لا حول وقوة الا بالله العلى العظيم طب اللى معاه خليجى يعمل فيها ايه
والله الناس دى بتستهبل وربنا يرحمنا جشع التجار دة |
رد: توكيل كيا يمتنع عن صياتة الخليجي
هو من حق الوكيل انه ميضمنش عربيه مش هو الى بايعها علشان مكسبش فيها و من حقه بردو يقولك الصيانه مش عندى علشان هو بيعمل مراكز خدمه و صيانه و يدرب عمال و يعمل مخازن قطع غيار بناء على عدد العربيات الى بيبيعها هو و دى كلها اثتثمارات و صاحب العربيه الى من الوكيل دافع فيها جزء من تمن العربيه!!!!
بس حتى الأن كل عربيات كيا حتى الخليجى بتعمل الصيانه فى الوكيل بس بيزودو نسبه على المصنعيات و/او قطع الغيار, و لكن من المتوقع قريباً يمنعو دخول العربيات الخليجى مراكز الخدمه الخاصه بالوكيل فقط و لبس كل مراكز الخدمه المعتمده نظراً للزحام الشديد و انتشار العربيه |
رد: توكيل كيا يمتنع عن صياتة الخليجي
لو علي الضمان يبقي من حقة فعلا
لكن الصيانة لا هو وكيل الماركة دي و ملزم يستقبل اي عربية من نفس الماركة و هو ده السبب في تدريب عمالة في الاساس و لو علي قطع الغيار مهو كده كده بيكسب فيهم و هو اكبر مورد ليهم في البلد بحكم انه الوكيل يعني برضة مصلحة و بعدين هو حر في فرض اي رسوم علي العربيات الغير مستوردة من قبله لكن يرفض استقبالهم تماما لا و بعدين هو في ايده يمنع الحوار ده كله بانة يستغني عن القليل من هامش ربحة المبالغ فيه اصلا و انه يجيب العربيات بنفس كماليات الخليجي و بنفس اسعارهم او اعلي حاجة بسيطة و انه يوفر العربية بكميات كافيه و بسعر محدد و يبديش مصلحة الموزعين علي المستهلك بكده محدش هيشتري الخليجي من اساسة و باب استيرادهم هيتقفل لوحده الا طبعا للناس العاملين بالخارج و اللي بينزلوا بعربياتهم و ده قصة تانية |
رد: توكيل كيا يمتنع عن صياتة الخليجي
اقتباس:
اما موضوع انه يوفر العربيه و يتحكم فى سعرها مع الموزعين بتوعو انا متفق معاك فيه 100% |
الساعة الآن 10:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017