ارجو المساعده عملت حادثه
 

السلام عليكم عملت حادثه دخلت عربيه نص نقل وعملت بلاغ بالحادثه وجت عربيه الشرطه عملت معاينه
تامين السياره تابع مصر للتامين
التلبفات اللى موجوده الان عباره عن اكصدام امامى
طنبوره اتكسرت
رفرف شمال
وممكن يكون فى مقص
دلوقت المفروض اعمل ايه تانى هل انزل التوكيل على طول ولا لازم مندوب من شركه التامين يشوف العربيه
وهل المندوب اللى يقرر العربيه تتصلح فين انا محتاج اصلحها فى التوكيل
وياترى شكره مصر للتامين كويسه ولا ايه ياريت لو حد عارف المطلوب ايه عشان المفروض اروح بكره اجيب المحضر

رد: ارجو المساعده عملت حادثه
 

رد: ارجو المساعده عملت حادثه
 

طبعا حقك انك تصلح عربيتك ف التوكيل ما دامت موديل حديث وسيبك من كلام التأمين اللي بيوديك ف ورش تبعهم برا التوكيل ويقعد يقولك اشعار ف الورش بتاعتهم اوعي تتنازل عن انك تصلح ف التوكيل و خليك غتت لان شركه مصر للتأمين ازبل شركه للتامين في مصر وربنا معاك

رد: ارجو المساعده عملت حادثه
 

انشاء الله رايح بكره التوكيل اعمل مقايسه طيب فى نقطه ساعت الحادث امين الشرطه كتب التلفيات وبعد ماكتب المحضر رفعت الكابوت لقيت قواعد الفانوس الامامى شمال مكان الحادث مكسوره وفى شرخ فى الفانوس من الجنب بس ده مش مكتوب فى المحضر ولما كلمت الضابط النهارده قال التوكيل هيكتب كل حاجه هل عادى ولا ايه ولكم جزيل الشكر

رد: ارجو المساعده عملت حادثه
 

عادي متقلقش خير ان شاء الله وبعدين دي كلها حاجات صغيره قاعده فانوس ايه ياراجل دي حماده بتاع الفيبر يضبطهالك ب 5 جنيه متقلقش وشد حيلك مع مصر للتامين لان مواعيدهم زفت زفت زفت ربنا يخرجك من الموضوع ده علي خير وحمد الله علي سلامتك

رد: ارجو المساعده عملت حادثه
 

الله يسلمك النهارده عملت المقايسه داخله على 10 تلاف جنيه
1-اعمال ميكانيكا تغير مقص+شمعدان +بطاحه مساعد+بليه عجل +شداد ميزان+علبه دريكسيون+طنابيرزوايا
ومايستجد بعد الزوايا 1200 جنيه
----------------------------------
2-اعمال كهرباء فك وتركيب فوانيس اماميه + فوانيس شبوره 200 جنيه
3- اعمال فك وتركيب اكصدام امامى +كارتيه +فرش باب خلفى شمال 200 جنيه
4- اعمال سمكرهتغير رفرف امامى شمال +سمكره باب خلفى شمال +رفرف امامى يمين +باب امامى شمال +ضبط مقدمه السياره 1500 جنيه
5- اعمال دهان -- دهان ابواب جانبى شمال +رفرف امامى شمال +رفرف امامى يمين +اكصدام 1500 جنيه
---------------------------------
قطع الغيار
1- رفرف امامى شمال
2-كرتير رفرف شمال
3- فانوس امامى شمال
4-اكصدام امامى
5-فانوس شبوره شمال
6- كساحه اكصدام
7-شبكه اكصدام علويه
8-فريم اكصام امامى
9-فردة كاوتش
10-زجاج امامى +كاوتش زجاج +سليكون
11- جنط امامى شمال
12-قنطره
13-مساعد امامى شمال
14-بطاحة مساعد شمال
15-بلية عجل
مش مكتوب اسعار قطع الغيار طبعا دى مقايسه التوكيل وصلت على التامين وعمل بيان الحادث وسبب الحادث وكمان يومين فى انتظار مهندس التامين

رد: ارجو المساعده عملت حادثه
 

قدر الله وما شاء فعل
حمدا لله على سلامتك
شوف خبير التامين وافق علي انهى اشياء ولم يوافق علي شىء
واعمل حسابك لما العربيه تخلص ان شاء الله تاخد الحجات اللي اتغيرت معاك فى معاينه السياره بعد الاصلاح مع الفواتير