ايه رايكو فى الماروتى ؟ عاجل
 

يا ريت تنصحونى بجد
عاوزة اشترى عربية بالتقسيط مقدم 13 الف و قسط 500 جنيه شهرى و لقيت الماروتى مناسبة ايه رايكم قريت عن راى ناس بيقولو انها خفيفة وما تستحملش و عفشها وحش و قطع غيارها مش متوفرة و ناس تانية قالت انها ممتازة و قطع غيارها رخيصة ومتوفرة فاحترت ومش عارفة اعمل ايه

رد: ايه رايكو فى الماروتى ؟ عاجل
 

عزيزى ممكن تحديد استخدامك للعربية هيكون ازاى يعنى مشويرك وشغلك
ثانيا يختلف الناس فى اى عربية حسب متطلباتهم وفى انسان يحافظ على العربية وفى انسان عنيف فى استخدامة الى اى سيارة
بس تعال نتكلم فى عدة نقاط مهمة
اولا الماروتى كعربية صغيرة فهى موجودة ومحافظة على موقفها من سنين والى الان ودة يعنى قطع غيارمتوفرة ورخيصة
ثانيا لو بتسافر كثير واستخدامك للعربية كبير فهى مش هتساعدك بقوة مش معنى كدة ان دة عيب انما هى استخدامها بسيط
ثالثا احنا عندنا مزانية ودة ال يحكمنا فى اختيار السيارة علشان كدة انا بسال عن اسخدمنا ليها
ولاحظ ان لو احنا عيزين عربية قريبة منها هنجد انواع كثيرة بس كل دة مش انك تتجة الى نوع اخر انما ال اقصدة حدد استخدامك للعربية بوضوح علشان اقدر اساعد حضرتك
للاستفسار السريع
0125485222

رد: ايه رايكو فى الماروتى ؟ عاجل
 

شكرا اخى على اهتمامك استخدامى ليها داخل القاهرة ممكن اسافر مرتين فى السنة لمشوار زى الاسكندرية مثلا و انا ساكنة فى 6 اكتوبر و شغلى فى وسط القاهرة وسواقتى هادية ومش سريعة
بس كمان فيه راى بيقولو ان الماروتى مفيهاش اى وسائل امان وكمان لو تعرف انواع تانية تناسب ميزانيتى يا ريت تقولى
مشكور كتير

رد: ايه رايكو فى الماروتى ؟ عاجل
 

رد: ايه رايكو فى الماروتى ؟ عاجل
 

طب ممكن اعرف اسعار عربيات فيها تكييف مناسبة لميزانيتى يعنى مقدم 15 الف و قسط من 500 ل 600

رد: ايه رايكو فى الماروتى ؟ عاجل
 

شوفي اعربيه الايديا
بس الماروتي عن تجربه مع بنت خالتي و انا بستعمل العربيه زي عربيتي لقيتها حلوة عى قد فلوسها و هيا برضه استعملها وحش لقيتها ظريفه
بس اكتوبر لوسط البلد كل يوم ماظنش انها هاتعييش معاكي
بس شوفي الايديا الصيني 1000 سي سي 4 سلندر كماليات بتكنولوجيا ياباني من تويوتا حسب كلام الوكيل و الجرايد

رد: ايه رايكو فى الماروتى ؟ عاجل
 

لا لا لا لا لا .... الماروتى دى لعبتى بقى ....
أستاذة شيرى ... انا معايا ماروتى 2008 اشتريتها من سنة بالظبط و أنا ساكن فى مدينة نصر و شغلى فى 6 أكتوبر و رغم إن المشوار كبير إلا انها و للحقيقة مشتكتش منى خالص على الرغم من ان العربية اللى قبلها كانت لادا بمعنى انى كنت " بتعافى " على العربية شويتين بحكم التعود

* مميزات الماروتى
واسعة من جوة بالنسبة لشكلها و حجمها
سحبها جميل و على أد إمكانياتها بتمشى بسرعة
طبعا - بتتركن فى أى مكان
عن تجربة ... قطع الغيار متوفرة و أسعارها كويسة و مناسبة جدا ... دة غير إن ليها كتير من مراكز الصيانة و محلات قطع الغيار اللى منتشرين فى مصر .... صحيح ان عربيتى ماشية بقالها سنة بس لكن كنت بسأل على الحاجات من باب العلم بالشئ
إستهلام البنزين هاااااااايل .... بتستهلك حوالى 20 لتر لكل 420 - 450
بتستقبل مختلف أنواع البنزين مع انى بعاملها كويس و بحط 92 إلا انى لما اتزنقت مرة و حطيت 80 كانت ماشية كويس
سافرت بيها اسكندرية حوالى 5 مرات و مشتكيتش ... مع العلم انى كنت بريحها كل 80 - 100 كيلو ... لمدة 10 دقايق

أما بقى العيوب
لو ربنا هيوفق حضرتك فى شرا الماروتى فلازم تنسى الشنطة تماما - مع ان العربية فيها إمكانية طى الكنبة لكن برضه هتفضل مساحة الشنطة صغيرة حبتين

العربية خفيفة فعلا و أى مطب جامد أو حفرة هتحسى بيهم بجد ... ورغم انهم مش هيأثروا فى العفشة - ودة اللى يثبت ان عفشتها قوية إلى حد ما -

إنعدام وسائل الأمان - ما عدا الحزام طبعا

العربية بتيجى فاضية بمعنى الكلمة ... حتى ان الفرش فى الأرضية لازم مالك العربية يروح بنفسه للسروجى عشان يفك الكراسى و يركبه...... "الفرش بييجى فى شنطة العربية "

الثبات بتاعها مش أد كدة

و فى النهاية دة مش إعلان لبيع عربيتى لا سمح الله ... لكن بأمانة دى عيوب و مميزات العربية من وجهة نظر مجرب ... و على الأقل هى عربية أثبتت كفاءة من سنين على العكس الصينى - اللى مش برتاح له خالص -

و ربنا يوفق حضرتك للى فيه الخير
أشرف