|
قطع غيار JAC B15
بعد التحية لملاك B15 والمهتمين بيها 00 كان عندى اقتراح وطلب ورجاء فى نفس الوقت و هو ياريت اى حد عندة فكرة عن قطع غيار العربيات التانية اللى بتتماشى مع B15 ياريت يضيفها هنا علشان تيسر الى حد ما على ملاك العربية وأنا واحد منهم شراء قطع الغيار من اى مكان بدون الحاجة المرة للتوكيل الخفى 00 أرجو الأهتمام جزاكم الله كل خير :Wkiss5:
|
رد: قطع غيار JAC B15
اقتراح حلو وجميل وانا هحاول اسال عن الموضوع دا وافيدك باذن الله في اقرب وقت ممكن :Wkiss5:
|
رد: قطع غيار JAC B15
موضوع رائع :Wkiss5: |
رد: قطع غيار JAC B15
طلمبة البنزين هيونداى النترا 2007
مساعدين خلفيين هيواندى 2007 و المساعديين الاماميين هيواندى النترا 2007 و ما بعدها منقول من موقع صينى و بالفعل أصحاب السيارات هناك عدلوا العربيات و أرفقوا الصور ممكن ادور على اللينك و ارفقوا فيما بعد |
رد: قطع غيار JAC B15
أنا غيرت مكنه طلمبه البنزين ....الكهربائى جاب مكنه طلمبه النترا ب230 جنيه وركبها ومكملتش شهر وباظت مع إن كان مكتوب عليه صنع فى كوريه (أنا شاكك فى الكهربائى ) ورحت الحرفيين ومعايا الطلمبه القديمه وإشتريت
واحد صينى ب 75جنيه وجبت واحده إحتياطى تانى وشغاله ذى الفل . |
رد: قطع غيار JAC B15
اهتمام رائع ومعلومات اروع من الأخوة الأفاضل 00 بس أنا كان ليا سؤال بخصوص العفشة وهو امتى اروح للعفشجى علشان أتطمن على عفشة عربيتى وأمتى أبتدى أعرف ان العفشة محتاجة شغل 000 وبخصوص سحب العربية لما يقل شوية عن الأول تبقى المشكلة فين 000 والتكييف لما صوتة يبقى عالى وخارج الهوا ضعيف على أعلى سرعة له 0 هل هى مشكلة فلتر تكييف ولو كانت كدة مكان فلتر التكييف فين ولا مشكلة شحن ولا اية بالظبط 0 اسف على الأطالة وأتمنى الأستفادة للجميع :fun_Meting:
|
رد: قطع غيار JAC B15
الاخ العزيز خالد تحياتى ليك
بالنسبه للعفشه متروحش لحد مادام انت فى الضمان ومع عمل الصيانه الدوريه خليهم يعملوا تربيط مسامير للعفشه فى التوكيل .......ممكن تروح للعفشجى عشان تربط مسامير عفشه لو حسيت إن العفشه سايبه شويه ومعاد الصيانه لسه بدرى عليه .....ومادام العربيه ماشيه كويس معاك متروحش للعفشجى خالص لأن كلهم عايزين يعملوا شغل علينا . عموما سألت ميكانيكى قال إن عفشه لانسر بومه تمشى معاها تمام ... بالنسبه لسحب العربيه محصلش معايا إنه قل والسحب كويس خصوصا بعد ال10 الاف كيلو الاولى ... بالنسبه للتكييف برده كويس معايا ....يمكن انت دوست على زرار غلط فى التكييف .....جرب ودوس على زرار ال auto .....لو المشكله فضلت موجوده ياريت فى اقرب زياره تروح التوكيل لحل هذه المشكله .. عموما العربيه معايا زى الفل وبحس إن من الصعب يعطل فيها حاجه وجودتها عاليه جداا ولذلك من الصعب تلاقى حد غير قطعه غيار بالرغم من وجود السياره معنا اكثر من سنتين دون اعطال تذكر (بالنسبالى كل إللى عملته هو تغيير مكنه طلمبه البنزين ولمبه فانوس امامى فقط حتى الان ) .. خلينا على تواصل وربنا يوفقك |
| الساعة الآن 12:22 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017