|
الى اصحاب الخبرة | LADA 2107 VS FIAT 132
سلام عليكم يا شباب ، انا عضو جديد فى مصر موتورز ، اسمى انس من اسكندرية ، بما اني ان شاء الله هشتري عربية ، اشتركت فى الموقع عشان اكيد هزورو كتيير الفترة اللي جاية ونستفيد بخبراتكم القوية
نويت اشتري عربية ، لكن محتاج نصيحة منكم | اشتري لادا 2107 ولا فايت 132 ؟؟ مع ذكر العيوب والمميزات فى النوعين . وشكرا جزيلاً لكم ... تقبلو تحياتي |
رد: الى اصحاب الخبرة | LADA 2107 VS FIAT 132
اقتباس:
اولا ياريت تشاركنا في رابطة ال محبي السفينه 132 وده الرابط بتاعها http://masrmotors.com/vb/showthread....80993&page=194 اولا الفيات 132 كانت ومازالت اسطوره من اساطير الفيات اولا حجم السياره مصنف من السيارات العائليه - العربيه كركوبه تحس انها ركوبه وحاجه محترمه وفخمه عكس اللادا تماما - لو جبت واحده نضيفه وعملت عفشتها كلها مره واحده الماني او بولندي انساها تماما تحس انك راكب فعلا مرسيدس موتورها لايقارن بالادا تماما موتور اتنين كامه ناعم عن اللادا جدا جدا اتنين كامه يعني جبار ومتصدقش انها بتاكل بنزين لو الموتور مظبوط بتعمل 180 في الصفيحه دي لو 2000 سي سي حتي الموتور لو مظبوط وسليم اعطاله نادره عكس اللادا متصدقش حد ان حاجتها غاليه كله موجود الصاج هو اللي ممكن يكون غالي شويه وفي الاستثماري سعره معقول يبقي الموتور افضل من اللادا العفشه اقوي من اللادا واريح ومتعه بجد سهل انك تجيب بيها سرعات عاليه 140-150-160 وياسلام لو 2000 سي سي ممكن لحد 180 واكتر ثبات لو الشاسيه سليم ممتاز الصالون اوسع وافخم من اللادا بس يكون صالون 2000 او كداب 2000 شكلها مقبول عن اللادا تماما عفشتها لو سليمه اعطالها قليلة بالنسبه لللادا وخصوصا حكاية البيض المقرفه اللي بيملص في اللادا انت من اسكندريه واللادا كتير هناك اه وبتاعت شغل اه ممنكرش ده بس كركوبه ومتعه وراحه ونعومه وفخامه ال 132 ومحدش يخوفك من قطع غيارها احنا راكبنها ومفيش ادني مشكله وبتاعت سفر اكتر من اللادا وانا من رأيي اركب دي ودي وسوقهم وهتعرف ان كلامي صح وممكن تركبلها تكييف عادي جدا وممزاتها كتير بس انا كلامي مش مترتب حاليا وطبعا كانت بتنزل بجنوط اسبور مروحه وياريت تشاركنا في الرابطه وانت تعرف كل حاجه عنها وانت لو نازل القاهره بلغنا في الرابطه ونتقابل ولو عرفنا نجيلك اسكندريه هنقابلك برده بس اهم حاجه انك تجيب عربيه شاسيه وبودي سليم وانت تتمتع بيها |
رد: الى اصحاب الخبرة | LADA 2107 VS FIAT 132
الف شكر aimooo ، على الرد وان شاء الله هاخد بنصيحتك :)
|
رد: الى اصحاب الخبرة | LADA 2107 VS FIAT 132
ملحوظه بسيطه
ممكن يكون الكلام اللى فوق صح لكن ال لادا لسه بتنتج الى الان وبالتالى قطع غيارها هتكون موجوده وحديثه ال132 اعتقد انتهت اواخر الثمانينات بالتالى قطع الغيار كل شويه هتقل ولو مش فارقه معاك يبقي فى الحاله دى سيبك من الاتنين وهات لك بيجو 504 |
رد: الى اصحاب الخبرة | LADA 2107 VS FIAT 132
الفيات 132 اسطوره
انا عندى واحده وايمن معاه واحده ومصطفى عاطف معاه واحده انا عندى 2000 سى سى مكيفه باور وسنتر وازاز كهربا واعطال بسيطه جدااا لا تذكر تصدق ان عربيتى لحد دلوقتى لسه معمرتش والموتور بسم الله ما شاء الله شغال بنسبه 95 % وبكفاءه عاليه لدرجه انى النهارده الصبح كنت فى مشوار الساعه 6 الصبح وكنت مقفل الامبير ماشى 180 كيلو وعديت توياتا واكسنت ار بى وبصيت فى المرايا وشوفت مدى التعجب على وشهم من ان عربيه 132 ماشيه فى مصر بقالها 32 سنه ولسه فيها عزم وقوه انا اقولك اشترى 132 اساسيات سليمه وانت هتدعيلى |
رد: الى اصحاب الخبرة | LADA 2107 VS FIAT 132
اقتباس:
حاجه لا تقارن بمواتير الكوري والصيني وممكن الياباني الحديث ثانيا عمر قطع الغيار بتاعت 132 ماكانت مشكله اولا معمره عكس اللادا ولو المفروض منركبش 132 علشان قطع الغيار غاليه ونادره يبقي في عربيات اولي منركبهاش زي ميتسوبيشي جالانت داتسون تمانينات بيجو 304 305 مرسيدس 190 و200 سبعينات وتمانينات كابريس ثالثا ال 132 ناعمه جدا عن اللادا ودي ميزة الفيات عموما انما اللادا فضيحه علي الطريق في الجري حتي لو زيرو دايما عفشة اللادا بتقلق اللي راكبها انا شخصيا اعرف 4 عندهم لادا كلهم عملو حوادث بسبب ملص البيض ربنا يبعد عنك ويحرسك ويعافيك ويبعد عنك شرها لما نيجي نقارن صح يبقي بين ال 132 والبيجو 504 بس من وجهة نظري ال 132 اشيك من البيجو ال 132 بدون ادني معاناة تقفل بيها 150 - 160 ولو زودت عادي بالنسبلها انما اللادا تنحرها علشان توصل للكلام ده |
رد: الى اصحاب الخبرة | LADA 2107 VS FIAT 132
اقتباس:
|
| الساعة الآن 09:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017