بخلص فى اوبل فيكترا كنت عاوز ارائكم
 

انا قدامى عربية اوبل فيكترا 99 مانويل 1600 سىسى رشة برة ماعدا السقف فابريكة دواخل حالتها العامة كويسة ولسه هتاكد من الماتور والعفشة مطلوب فيها 45000
وممكن اخلص على 43000 كدة السعر كويس ولا عالى ياريت الافادة وياريت برضه لو فى نصايح من الاخوة الاعضاء ابص على ايه واتاكد من ايه فيها وكنت عاوز اعرف هى ممكن تشتغل بنزين 80 ولا لا واخبار استهلاك البنزين بتاعها ايه وقطع الغيار والسفر بيها
وجزاكم الله خيرا

رد: بخلص فى اوبل فيكترا كنت عاوز ارائكم
 

السعر اقل من الطبيعى
شيك عليها كويس
والعربيات دى لو سلمية احسن من الجديد

شيك على التكييف
جهاز الـ ABS مهم اوى يكون شغال
العفشة طبعا وحالة الموتور ودايرة التبريد

رد: بخلص فى اوبل فيكترا كنت عاوز ارائكم
 

الفيكترا عربية ممتازة وحتلاقى فيها كل اللى انت عاوزه بس لو بحالة نضيفة لانها لو ملعوب فيها هتتعبك اوى اوى ..يعنى الموتور والفتيس تتأكد انهم تمام و التكييف و الباور لو فيهم مشكلة ممكن تصرف الاف ..الموديل اللى حضرتك ذكرته سعره فى الحالة النضيفة مش بيقل عن 48 بل بيزيد عشان كدا اكشف عليها كويس ..وربنا يوفقك

رد: بخلص فى اوبل فيكترا كنت عاوز ارائكم
 

السعر مش طبيعي خالص

رد: بخلص فى اوبل فيكترا كنت عاوز ارائكم
 

للاسف اكتشفت انها موديل 1998 مش 1999 وتقربيا انا سمعته غلط ياترى فى فرق كبير بين موديل 1999 و1998 وجزاك الله كل خير على ردك واهتمامك ياكبير

رد: بخلص فى اوبل فيكترا كنت عاوز ارائكم
 

نص كلامك الاول شجعنى اوى على الشراء النص التانى قلقنى اوى وخصوصا ان خبرتى فى العربيات مش اوى على العموم انا هاخد معايا واحد بيفهم فى العربيات ولو نزلت مصر هحاول اكشف عليها فى مغسلة وانا كان معايا صور ليها من برة بس كلام حضرتك فهمت منه انى اهتم اكتر بالماتور والعفشة والتكييف وكلها تقريبا حاجات داخلية

رد: بخلص فى اوبل فيكترا كنت عاوز ارائكم
 

بص يا باشا..انا اقصد اقولك يعنى ان ممكن عربية تانية بالسعر دا كوري ولا يابانى لوفيها حاجة فى الموتور او العفشة او التكييف ممكن الليلة كلها تتلم ببساطة شديدة ...اما فى الالمانى عموما و الاوبل خصوصا بيكون مكلف فى الصيانة و مش اى حد بيصلحها..بل بالعكس الميكانيكية بيلعبوا فيها بيهلكوها ..فلذلك اكشف على الموتور و العفشة و التكييف لو بحالة جيدة توكل على الله و انا من ملاك الفيكترا بصراحة عربية متميزة فى ادائها جدا و هتعشقها اوى بس لو بالحالة النضيفة ..يعنى دور كويس اوى على الحالة النضيفة فى الفيكترا ..و على فكرة موديل 99 و مو 98 واحد فى كل حاجة مفيش فرق ..الحالة اهم حاجة..وربنا يوفقك