مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   كيفية حساب قيمة التامين على سيارة جديدة (https://www.masrmotors.com/vb/showthread.php?t=105638)

Amr Gaffar 31-12-2012 06:14 AM

كيفية حساب قيمة التامين على سيارة جديدة
 
انشاء الله ناوي اشتري كيا ريو 2013 كاش

وكنت عاوز اعرف اية احسن الشركات اللى موجودة دلوقتى
وتقريبا قيمة التامين هتبقى كام وازاى بتتحسب

amr_00 31-12-2012 08:41 AM

رد: كيفية حساب قيمة التامين على سيارة جديدة
 
متابع:thnkr:

بس اعتقد ان وثاق لتأمين التكافلى اقل نسبه وشركه محترمه وشركه كويتية
ارجو من الاعضاء تعاملو مع الشركه الرد

وشركة قناه السويس شركه كبيره بردو وليها وزنها وعندها مركز كبير لصيانة السيارات

انا محتار بردو زيك مش عارف اعمل التأمين فى اى واحده فيهم

ارجو الرد من الخبراء فى التأمين والرد بكل امانه وصراحه ... لوجه الله تعالى

وتقديم افضل العروض الموجوده

احمد عدوي 31-12-2012 06:14 PM

رد: كيفية حساب قيمة التامين على سيارة جديدة
 
اولا السلام عليكم ورحمة الله وبركاته
ثانيا مبروك على السيارة مقدما
ثالثا النسبة تحسب على قيمة السيارة حسب تعريفة كل شركة
فمثلا وثاق للتامين التكافلى نسبتها 3.25 % بدون تحمل
2.65 % بتحمل
وهى من الشركات ذات السعر الرخيص والجودة الجيدة نسبيا
اما قناة السويس فنسبتها 4.35 % بدون تحمل
3.5% بتحمل
وهى شركة رائعة وكبيرة جدا في مجال التامين وكما قال الاستاذ فهى تمتلك مركز صيانة على مساحة واسعة جدا
وكفاءة عالية جدا
وايضا من الشركات الجيدة في السوق المصري شركة نايل تكافل واسعارها متغيرة حسب نوع السيارة وبالنسبة للكيا فالنسبة هى 3.5 % بتحمل اجبارى 150 جنية

mishoalex 31-12-2012 07:01 PM

رد: كيفية حساب قيمة التامين على سيارة جديدة
 
دايما تنساني ياعدوي loooooooooooooool
بالنسبه لشركه تشارتس للتامين ( AIG )
4,25 % بدون تحمل و السعر شامل مصاريف الاصدار ويوجد وثيقه تامين علي المنزل هديه ضد السطو و الحريق و الشغب و الاخطار الطببيعيه بقيمه 50000 جنيها
و التعاقد مع توكيلات ومراكز خدمه لاصلاح السياره

Amr Gaffar 31-12-2012 07:43 PM

رد: كيفية حساب قيمة التامين على سيارة جديدة
 
معلش يا جماعة انا ابيض فى موضوع التامين دة يعنى اية بدون تحمل او تحمل

mishoalex 01-01-2013 02:58 AM

رد: كيفية حساب قيمة التامين على سيارة جديدة
 
بدون تحمل يعني شركه التامين تدفع التعويض بالكامل من غير ماحضرتك تتحمل اي تكلفه
لكن تحمل حضرتك تتحمل تسبه من التعوضيض و التحمل بيختلف من شركه لاخري مثال 4 في الاف يعني لو السياره سعرها 100000 جنيها و الوثيقه فيها شرط تحمل 4 في الاف يبقي حضرتك تتحمل 400 جنيه من التعويض و ده معناه ان اي شركهتامين حاتبداء تعوضك بعد 400 جنيه ولو مثلا التعويض يقدر ب 1000 جنيها يبقيحضرتك تتحمل 400 جنيها و شركه التامين تتحمل 600 جنيها

amr_00 01-01-2013 04:19 AM

رد: كيفية حساب قيمة التامين على سيارة جديدة
 
اشكركم على الاهتمام والشرح
لو انا مأمن فى قناه السويس او وثاق وبدون تحمل وعربيه موديل السنه زيرو

عندى سؤل لو لا قدر الله العربيه عملت حدثه ومش هينفع تتصلح الشركه بتعوضنى بعربيه جديده تانيه ولا ايه اللى بيحصل

ولو اتسرقت التعويض بعربيه جديده وايه اللى بيحصل فى المواقف دى


المجموعة العربية للتأمين هى اللى بتدفع قيمه الفاتوره للتوكيل يعنى العميل مبيدفعش وبعدين ياخد الشيك لا الشركه بتدفع على طول؟ ... وايه هى قيمه القسط المجموعة العربية للتأمين %

ميتسوبيشى لانسر 2013 زيرو تقدر ب 123 الف

وتحياتى لكم


الساعة الآن 02:47 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017