|
اعلانات بيع السيارات على النت ايه رايكم فيها ؟
بصفتكم خبراء في السيارات واساتذتنا في هذا المجال عندي سؤال
ايه رايكم في اعلانات بيع السيارات علي النت فيه مواقع كتيرة عليها اعلانات فانا عاوز رايكم من واقع الخبره العمليه - هل العربيات دي كويسه فعلا زي المواصفات دي؟ - هل فيه نصب فيها؟ - هل ممكن يكونوا تجار بيعلنوا عن عربيات ؟ يعني بكل بساطه كده عاوز خلاصة الكلام في العربيات المعروضه في المواقع دي ويا ريت اي حد عنده تجربه يقلنا عليها سواء كانت كويسه او وحشه للعلم والافاده يلا بقي مستني الردود الجبارة وشكرا مقدما لكل من يقوم بالتعليق |
رد: اعلانات النت
مفيش حكم مطلق على حاجةمحددة
مواقع البيع على النت زيها زى السوق فى ناس كويسة والعكس فى تجار عربيات وناس بتملك العربية ما تعتمدش على اللى بتشترى منة العربية هل صادق ام غير زلك ما تعتمدش هل العربية كويسة ولا هلكانة اعتمد على نفسك فقط وعلى مهارتك فى الشراء وفى الاول والاخر توفيق ربنا سبحانة وتعالى |
رد: اعلانات النت
اقتباس:
|
رد: اعلانات النت
لا ازاى بقى
ان شاء الله هتلاقى اللى حضرتك بتدور علية بس ما تستعجلش وناوى على اية ان شاء الله |
رد: اعلانات النت
اقتباس:
|
رد: اعلانات بيع السيارات على النت ايه رايكم فيها ؟
تخيل يا باشمهندس انك بتدور على عربيه فوصيت البواب يشوفلك حد عايز يبيع عربيتة ويبلغك وبعدها بقى البواب كل ما يشوف عربيه فى الحته عليها للبيع او بواب زميلة يقوله على عربيه يجي يقولك
هى الانترنت زى كدة بالظبط بتنقلك اعلان وحقيقة ان العربيه للبيع مش اكتر وكل الاحتمالات بعد كدة وارده منها انها تكون عربيه بيتى او صاحبها يكون تاجر او صاحبها يكون بيتى بس جايبها من تاجر واتغش فيها وعايز يصرفها او يكون بيتى بس مبدهل العربيه او او او كل الاحتمالات واردة فى سوق المستعمل سواء كان اعلان على الانترنت او فى جرنان او نزلت سوق الجمعة المهم يكون عندك استعداد لاختبار العربيه واللى بيبيعها كمان وتتاكد بنفسك من حقيقتها وكتجربة شخصية انا بقالى اكتر من 4 - 5 سنين دلوقتى بشترى عربيات وببيع عربياتى من على النت واشتريت عربيات بمئات الالف من على النت عادى جداً المهم اكشف عليها كويس اساسيات وورق وكل حاجة والخلاصة اللى بيعرف يشترى مستعمل ممكن يشتريها وهى طايرة .. فى الفضاء حتى مش بس على النت :) بس المهم تكون بتعرف تشترى مستعمل وحط تحتها مليون خط |
رد: اعلانات النت
ان شاء الله تلاقى زى ما قال mr_astra المهم تذاكر العربيه كويس وتركبها اكتر من مرة وتشوف اكتر من حالة ومتاخدش قرار بسرعة الا لما تعمل ده وبعدها هتلاقى نفسك قادر تميز احسن بين الحالات والموديلات بعدها لازم يكون عندك ميكانيكى كويس ومضمون توديله العربيه يبص عليها لو سعرها وحالتها العامة عجبتك اذا تمام تبداء تشوف ورق العربيه وحوارات المرور والف مبروك مقدماً
|
| الساعة الآن 02:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017