ان شاء الله نويت اشتري opel vectra b2 2002
 

السلام عليكم ورحمه الله وبركاته

ان شاء الله نويت اشتري اوبل فكترا بي 2 ويارب اعرف الاقي حاجه موديل 2002
وفي خلال الكام يوم اللي فاتوا جمعت معلومات عن الموديل ده وعرفت انه بينزل ب نوعين للمواتير
الموتور الاسود والموتور الاكوتيك
ومحتار
لما اشتري يفضل انهي موتور وليه
وهل يفضل الاوبل انه الفيتس يكون مانيوال
وهل الموتور ال 1600 يكون كويس ع حجم العربية وتقل العربية مش يكون تقيل عليه

واخيرا سمعت عن موديل cdx فهل من السهل اني الاقي الموديل ده ومتوسط سعره بيكون في حدود كام؟

وايه الكماليات اللي متوفرة فيه ومش متوفرة ف باقي الموديلات ( بمعنى اني لو عاوز ازودها ع موديل مش فيه هل هتكون مكلفة )

واخيرا عاوز مساعدتكم في اختيار العربية
وكل املي انها تكون عربية بيتي متصانه وتكون بعيدة عن سكك التجار

رد: ان شاء الله نويت اشتري opel vectra b2 2002
 

على حسب معلوماتى
الموتور الاسود بتاع منصور فى الـ B2 هو 1600 سي سي مانيوال
انما الـ 2000 سي سي هو ايكوتيك
فعلى حسب انت هاتجبها مانيوال ولا اوتو انما مش متوفر اوتو 1600 فى الموديل دة
الـ CDX هى هى مواصفات الـ CD بيزيد عليها اعتقد فتحة السقف والفرش بيكون جلد وكسوة الابواب جلد والزجاج الخلفى كهرباء وطبعا عتب وفوانيس شبورة والطنابير الخلفية سكاكين والجنوط خمسة مسمار
بالنسبة للمواتير وبحكم السعر الجديد للبنزين مش عارف هاتعمل فية اية هلى هاتجيب الـ ايكوتيك 2000 سي سي ودى تعتبر مغامرة ولا هاتتصرف ازاى
نصيحة تعالى نستنى زميلنا الفاضل عمرو السيسى يفدنا لانة متخصص اوبل

رد: ان شاء الله نويت اشتري opel vectra b2 2002
 

بالنسبة للموتور فهل لو اشتريت ال 2000 سي سي و جه موضوع الدعم هل لو غيرت الماتور بواحد 1600 هل لازم ينزل بكل حاجه خاصه به فيتس وكنترول وكل حاجه ولا موتور بس؟
ولو منفعش هل ينفع اركب غاز؟ (لو 2000)

الزميل الفاضل عمرو السيسي كان رد عليا في مشاركة في موضوع اخر و كان رأيه
فكنت عاوز اعرف اجماع الأراء
وعاوز المساعده لو حد قدامه عربية كويسة يرشحها لي

رد: ان شاء الله نويت اشتري opel vectra b2 2002
 

والرائع كارادمير
كان نصحني باني اشتري زيرو صيني بس مش برتاح مع الصيني

رد: ان شاء الله نويت اشتري opel vectra b2 2002
 

وكمان المهندس عمرو السيسي كان رشح لي ال m 11
بس اتمنى انى اجيب العربية في حدود ال 50 علشان مش اقترض عليهم

رد: ان شاء الله نويت اشتري opel vectra b2 2002
 

لا كولة الا القرض
اما اننا ناخد بكلام استذنا CARSADMIRE فى زيرو او كسر زيرو على اد فلوسنا
او اننا نجيب
بى 1 CD اوتو 2000 سي سي الموتور الاسود احادى الحقن هتلاقيها فى رنج المبلغ اللى معاك
لان الـ CDX اعتقد اقل حاجة فيها 60 الف
لو هاتجيب وتغير موتور بيركب عليها الـ 1600 ايكوتيك اوتو 101 حصان اللى بينزل فى الاسترا
بس غالى وبينى وبينك اللعب فى العربية بينزل من تمنها اوى وخصوصا ان الموتور دة مشهور ان الكنترول بتاعة بيحصلة مشاكل

حاجة محيرة صح
وخصوصا ان الاوبل تكييفها ضعيف ووحدة الـ ABS تملها تبوظ ونقول الصراحة ان صالونها مش بوسع حجم العربية
فى مقابل ثبات وخدمة شاقة وشكل وبرند نايم وحاجات كتير حلوة ........ اية الحل

رد: ان شاء الله نويت اشتري opel vectra b2 2002
 

بالنسبة للقرض ان شاء الله مفيش فيه شبهه حرمانية لاني هقترض من شخص قريب لي وسأسدد بدون فائدة علشان كده عاوز اقترض أقل مبلغ ممكن

بالنسبة للزيرو فهو هيعلي لي مبلغ القرض شوية وكمان مش محب لعربيات الصيني الصنع لاني ان شاء الله لا نيه لي في بيع ما اشترية حاليا لفتره قد تتجاوز ال 5 سنوات
سبب تعلقي بالاوبل هو انها الماني و عربيتي السابقة 131 كانت الماني الصنع وكنت الاحظ فرق بينها وبين اي 131 كنت بركبها
واسم الاوبل كاسم له وزنه اعتقد وان العربية من فتره كبيرة وهيا حافظة مكانها في السوق ( ع الرغم من انتشار الكوري)
معلومه ان تكييف الاوبل ضعيف دي جديده عليا هل ضعيف بمعنى انه مش بيوصل للكنبة الخلفية ولا بمعنى ايه؟
ووحده ال abs مالها

كنترول الاوتو كنت قرأت انه بيتعمل له عزل عن حرارة الموتور وكان ذكر اخوان مقار واعتقد ان سعر العزل 250 جنيه

معنى ان صالونها مش بنفس حجم العربية هل معناها ان الصالون مش واسع؟

انا رحت للاوبل علشان تكون سيارة عائلة بالنسبة لي وعلشان اقدر آآمن على عيلتي وانا راكبها