الحقوني يا لوجانية .............لوجي بعافية شوية و محدش عارف يعالجها
الحقوني يا جماعة لوجي تعبانة قوي ILIL... من اسبوعين فجأة بقيت تبطل و تكركر و تعمل حاجات غريبة و ماكنتش بتدور اصلا ... لغاية ماودتها التوكيل قالولي محتاجة ثروتل بادي جديد و طبعا مش موجود و هي في الضمان طبعا مش هجن في عقلي واروح اشتريته من بره لاني عرفت ان تمنه 1300 جنيه
و من ساعتها و هي تعبانة و مستنية الثروتل و محدش عاوز يجيبهولها انا خايفة يحصلها حاجة روحت بيها التوكيل قالولي منقدرش نعملك حاجة لازم تستني قطعة الغيار روحت بيها ورشة عندنا في اسكندرية متخصصين في الرينو ناس محترمة جدا مشفتش زيهم ماشاء الله المهندس عمل حاجات كده و قالي خلاص كده مش محتاجة حاجة تتغير و قولتله ظبطلي الدبرياج عشان لعبوا فيه في التوكيل عملوا حاجة مش مظبوطة وظبطه تاني يوم خرجت بيها زفتني في الشارع :00020080:و انتوا عارفين الشعب المصري بس يلاقي بنت لازم يحرق دمها حتى لو ماشية زي الفل فما بالكوا و العربية مبطلة و مش عاوزة تمشي في كل اشارة كأني حبة اريح شوية في نص الشارع:waving: روحت في ساعتها رجعتلهم قالي العربية مافيهاش حاجة زي الفل و قالي هاخليلك الدبرياج على ظبطة الشركة قالي اكيد ده عيب سواقة لانه جربها كانت زي الفل معاه و من ساعتها و هي مش طبيعية خالص مش عارفة اعمل ايه الغريبة انها بتبطل حتى و انا مش حاطة رجلي اصلا على الدبرياج مش غريبة دي؟؟ و النهاردة كنت دايسة بنزين علآخر متخيلين و لا كاني دايسة حاجة مؤشر الآر بي ام في مكانه انصحوني اعمل ايه مع بتوع التوكيل و اللا فعلا مش محتاجة اغيرلها حاجة؟؟؟:fun_36_1_44[1]: |
رد: الحقوني يا لوجانية .............لوجي بعافية شوية و محدش عارف يعالجها
:shyy: تشخيص التوكيل إحتمال صح وإحتمال عطل فى دواسة البنزين أو حساس البوابة أنا لو مكانك خناقة فى التوكيل ومحضر وتهديد بفضحهم فى الجرايد والمنتديات و شكوى فى حماية المستهلك هتلاقى العربية اتعملت ( متجربة ) و1000 سلامة للوجى وربنا يشفسها |
رد: الحقوني يا لوجانية .............لوجي بعافية شوية و محدش عارف يعالجها
والله كلام حضرتك ده احزنى جداااا وده يعتبر دليل قاطع وقوى ان فعلا زى ما انا قولت وهقول ان حاجها اللوجان للاسف مش متوفرة ولو متوفرة مش رخيصة بس كل شوية يقولك ديه حاجتها رخيصه رخيصه فين بقى وادينا زى ما حضرتك بتقولى كدا ثروتل بودى بره التوكيل كمان يعنى مش فى التوكيل لا ده بره التوكيل ب 1300 جنية يعنى بجد حراااااااااااااام وعلى العموم حضرتك اصبرى شوية على التوكيل يمكن ربنا يفرجها عليهم ويجيبوه
|
رد: الحقوني يا لوجانية .............لوجي بعافية شوية و محدش عارف يعالجها
اقتباس:
اقتباس:
بجد و الله ربنا يباركلك على اهتمامك مع انك مش لوجاني و مع كده من اول الناس اللي ردت عليا |
رد: الحقوني يا لوجانية .............لوجي بعافية شوية و محدش عارف يعالجها
اقتباس:
|
رد: الحقوني يا لوجانية .............لوجي بعافية شوية و محدش عارف يعالجها
على جمعية حقوق المستهلك وش ..... مفيش حل غير كده .... ازاي التوكيل معندهوش قطع غيار للعربية دي ؟؟!!! ... انا لو مكانك اخد بعضي واعمل شكوي وافضح التوكيل ... والمشكلة تتحل ان شاء الله
|
رد: الحقوني يا لوجانية .............لوجي بعافية شوية و محدش عارف يعالجها
اقتباس:
و اكرر تاني حضرتك كلك ذوق والله على المشاركة مع انك مش لوجاني لان بلاحظ من بعض الاعضاء التحيز لعربيته كانها دينه و ماينصحش حتى عضو تاني لو معاه عربية غير زي ماحضرتك نصحتني:GROWIN~12: اقتباس:
بس عندي سؤال مهم جدا .. مشكلة زي مشكلة الثروتل بادي دي مش بيقى ليها بوادر ؟ يعني لو العربية اتقحصت كمبيوتر من شهر و نص من ظهور المشكلة مش المفروض تظهر في الفحص؟؟ |
الساعة الآن 03:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017