خنزيرة \ شمامة \ تمساحة
 

السلام عليكم
كنت عايز اعرف شوية فروق بين الموديلات دى خنزيرة \ شمامة \ تمساحة اللى هما e200

هل الخنزيرة هى الشمامة ولا فيه بينهم فرق

بالنسبة للثلاثة هل قطع الغيار لكلهم واحدة من عفشة وموتور والات جر ولا تختلف

بالنسبة للفتيس هل يفضل الاتوماتيك ولا المانيوال وهل الاتوماتيك بتاعها ضغط زيت ولا كهرباء لانى سمعت ان
الاتوماتيك في الموديلات القديمة وحش لانه ضغط زيت

لو العربية كاربراتير ينفع معاها بنزين 80 ويشتغل كويس ولا ايه ؟ ولو ينفع ايهما اوفر فى البنزين عربية كاربراتير مع بنزين 80 ولا انجيكشن مع بنزين 92 ولا جاز فى التوفير النهائى

بالنسبة للصاج الخارجى من رفارف وببان وكبوت وخلافه واحد ولا يختلف

الضريبة كام فى السنة للمواتير 2000 و بتفرق من بنزين لجاز ولا واحدة

لو امكن امثلة باسعار قطع الغيار يبقى كدا ممتاز جدا
ولكم خالص الشكر

رد: خنزيرة \ شمامة \ تمساحة
 

رد: خنزيرة \ شمامة \ تمساحة
 

اولا مشكوووور
ثانيا افهم من كلامك ان الخنزيرة هى الشمامة ولا ايه ؟
وبالنسيبة لتوافق قطع الغيار هل تختلف من الخنزيرة للتماحة ولا نفس قطع الغيار تركب على الاثنين ولو ممكن امثلة لاسعار قطع الغيار

رد: خنزيرة \ شمامة \ تمساحة
 

هو أكيد إن التمساحة من 76 إلى 86 ؟
إللى أعرفه إنها من 77 إلى 85 دا حتى ال 85 دى نادرة جدا
دا غير إن واحد قاللى بدايتها 78 كمان (بس أنا مش متأكد من صحة كلامه)

فأنا عايز أعرف بالتحديد

سؤال كمان هى 300 sel اللى كانت بتنزل وقت التمساحة دى إسمها إيه (عرفيا)
http://americandreamcars.com/1988mer...0sel082604.jpg

رد: خنزيرة \ شمامة \ تمساحة
 

• الشمامة هى الخنزيرة والاتنين اسمهم الكودى w115
  
• تواريخ الموديلات وفقاً للموسوعة العالمية ويكيبيديا
  
• ووفقا لنفس المصدر هناك تشابه فى بعض نظم السياراتين (الخنزيرة والتمساحة) كما ان هناك اختلافات كثيره ايضاً قد ايه الاختلافات ديه او الاتفاقات للاسف مقدرش افيدك بس اى ميكانيكى مرسيدس او فى شارع المرسيدس فى الحرفيين ممكن يفيدوك بدقة اكبر عن المتوافقات من قطع الغيار واسعارها عموماً

لمعلومات عن ال 300 sel
http://en.wikipedia.org/wiki/Mercedes-Benz_300SEL_6.3
http://en.wikipedia.org/wiki/Mercedes-Benz_W109
http://www.w108.org/

اسمها الكودى 109w