مصر موتورز مجتمع السيارات - موضوع يهتم بإستفسارات الأعضاء عن فواتير الكهرباءوشركات التوزيع

اقتباس:

المشاركة الأصلية كتبت بواسطة AboNoRa (المشاركة 16526)

اهلا بيك يا روميو منور الدنيا كلها ptmnlo123per122

بالنسبة لشركة الكهرباء فالاستفسارات كتيييييييييير

اولاً ليه الاسعار عاملة تزيد على طول وبتزيد بناء على ايه ؟

الأسعار بتزيد بمعدل 5% سنويا وبقالها 4 سنين والسنة الجاية المفروض انها اخر الأحزان قصدى الزيادات

اقتباس:

المشاركة الأصلية كتبت بواسطة AboNoRa (المشاركة 16526)

ولو فيه حد عايز يعترض على الزيادة ديه يعمل ايه ؟

ده قرار من مجلس الوزراء وموافق عليه مجلسى الشعب والشورى

اقتباس:

المشاركة الأصلية كتبت بواسطة AboNoRa (المشاركة 16526)

هل تغيير العداد ليه علاقة باستهلاك الكهرباء ؟

العادات القديمة من التمانيات والسبعينات:
زمان كان حساب الكهرباء الكيلوات اللى بتتعمل بليل بسعر والصبح بسعر فا العدادات دى مش مصرية عشان كده فيه فرق بس معظم العدادات دى باظت من زمان ف العدادات الجديدة مابتجريش اكتر ولا حاجة هيا العدادات القديمة اللى بتحسب اقل
حاجة كمان ميكانزم العداد عبارة عن ملف نحاسى حواليه مغنطيس بيحرك الملف والقرص بالتبعية ومعروف ان المغنطيس بتقل قوته مع الزمن الناس اللى مركبة العدادات القديمة دى لو قدمت طلب فحص حايتظبط العداد على المعايرة الصح

اقتباس:

المشاركة الأصلية كتبت بواسطة AboNoRa (المشاركة 16526)

واحد صاحبى كانت الكهرباء بتجيلة زيادة كسر العداد (بوظة) وخلاهم جابو واحد جديد وبعدها الاستهلاك والفاتورة بقت تيجى كويسة

صاحبك ده تعبان ماكان يسأل! وطبعا دفعوه تمن عداد جديد ماعلينا اللى حاسس ان عداده فيه مشكلة ممكن يطفى النور العمومى ويبص على القرص لو لاقاه بيتحرك يبقى العداد عايز يتفحص او فيه حد سارق منه كهرباء يروح الهندسة اللى هو تابع ليها ويقدم طلب لفحص العداد وهما حايجوا يفكوه ويفحصوه ويصلحوه ويركبوه

اقتباس:

المشاركة الأصلية كتبت بواسطة AboNoRa (المشاركة 16526)

واخيرا لو واحد مسافر شهر او اكتر ولا حاجة يعمل ايه علشان يخلى مسؤليتة ومتجيلهوش مطالبات ؟

لو شهر او اتنين مفيش مشكلة انما لو 6 شهور فأكثر يبقا يروح الهندسة اللى هوه تبعها يقدم طلب ان الشقة مقفولة

اقتباس:

المشاركة الأصلية كتبت بواسطة AboNoRa (المشاركة 16526)

وشكرا مقدما يا روميو ومتحرمناش من مشاركاتك ptmnlo123per171

اى خدمة يا ريس

حاجة كمان ناس كتير بتشتكى من غلاء فواتير الكهرباء عندك فى الفاتورة فيه 4 خانات مهمين
- فوق ع اليمين بيكتب اسم الهنسة والشركة اللى انته تابع ليها.
- القراءة الحالية: ودى هيا القراءة اللى فى العداد وقت ما الكشاف شاف العداد اخر مرة.
- القراءة السابقة: ودى هيا القراءة اللى كانت حالية فى الفاتورة اللى قبل الأخيرة.
- كمية الإستهلاك بالكيلوا وات ساعة: الفرق مابين القرائتين بيطلعلنا كمية الإستهلاك واللى انته بتتحاسب على اساسها بنظام الشرائح.

ازاى توفر؟
متابعة القراءة ع الواقع فى العداد ومقارنتها باللى ف الفاتورة لما المحصل يجيلك لو لقيت فرق بسيط وده طبيعى لأن الكشاف بياخد القراءة قبل ما الفاتورة تجيلك بحوالى اسبوع او 10 ايام يبقا مفيش مشاكل
اما لو لقيت الفرق كبير اطلب تشريح الوصل وصور الوصل وخد الصورة مع القراءة ع الطبيعة وروح الهندسة اللى انته تبعها

جايبلكوا النهارده برنامج عامله بإيدى النهارده ع الإكسيل ومهوش موجود فى اى موقع غير هنا البرنامج ده وظيفته انك تدخله كمية الإستهلاك (بالكيلووات/ساعة) يطلعلك اجمالى مبلغ الفاتورة المتوقع ويقولك انت دخلت فى انهى شريحة وطبعا فيه اسعار جميع الشرائح طبقا للإستخدام المنزلى فقط
ملحوظة:لو البرنامج ماشتغلش معاك اختر "ماكرو" من قائمة "أدوات" وخفض اعدادات الأمان لمنخفض وافتح الملف وحايشتغل ان شاء الله

الملف فى المرفقات