مصر موتورز مجتمع السيارات - التحايل "الاخوانى"!!

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - التحايل "الاخوانى"!! (https://www.masrmotors.com/vb/showthread.php?t=77806)

رد: التحايل "الاخوانى"!!

خبر لذيذ أوي , تاجر حشيش جاب صفقة حشيش كبيره و سمّاها ( توكلت على الله ) , بيقول عشان ربنا يبارك لي فيها و مايتقبضشي عليا , بس اتقبض عليه !! , تلاقيك ماكنتش متوضي و انت بتسمّي الصفقه يا مولانا .
الخبر ده مش مفاجأه بالنسبالي , الحدوته كلها بتمشي بالعدوى , و العدوى هنا اسمها ( التجاره بدين ربنا ) , التجاره بالله مش مع الله .
الإرهابي اللي بيقتل و يفجّر و يحرق محولات كهربا و الإرهابي اللي بيدعمه بالتأييد و التفنيد و حتى الدعم المادي و طريقة شرح عمل قنبلة بدائية الصنع !! , مستحيل هتدخل صفحته عالفيس إلا و تلاقيها مرشقه بأيات قرأنيه و أدعيه , و طبعا صوره و هو بيصلي و هو بيحج و شوية كلام من اللي بيخلي الناس يتشحتفوا .
و الموظف الحرامي المرتشي اللي السبحه مش بتفارق إيده , مابينساش أبدا انه يعمل عمره كل سنه و يحج كل سنتين تلاته و طبعا موائد الرحمن أساسي , عشان ربنا يبارك له في الرشوه و الفلوس اللي سرقها .
و الشيخ الضلالي البهلول بتاع الجهاد و البكاء و الشحتفه , اللي عمل عشرات الملايين من خطابه الديني الضلالي , و سكن في فيلل و قصور و رمى شباب جاهل في سكة الإرهاب تحت مسمى الجهاد و حور العين اللي مستنيين على نار .
و مولانا تاجر الحشيش بتاع صفقه ( توكلت على الله ) , مفيش فرق , تجاره بالدين , شيزوفرنيا النصابين و الإرهابيين و اللصوص , اللي في النهايه يلزمها شريحه معينه أو قطيع معين من الشعب بتخدعهم الصوره في الحرم أو الدقن الجميله أو موائد الرحمن أو كلمتين في الدين أو فلان ده مسمي بنته عائشه مع إنه ارهابي و ابن كلب ( مش عارف هيفرق معايا ايه اسم بنته عائشه ولّا جولدا مايير ؟ ) .
شريحة البلهاء دي هي الخطر الأكبر على مصر , و الحل لازم يكون عند الدوله , الثقافه و التوعيه , للبيت و الجامع و المدرسه و الإعلام و الدراما , مطلوب خطة شامله متكامله للمواطن من يوم ما يتولد يتعلم و يفهم و يستوعب , ماتخليش حد يضحك عليك بإسم الدين , ماتخليش حد يركبك , ماتبقاش حمار , الحمير لا يدخلون الجنه , الحمير يدخلون الزريبه و الزريبه مفهاش حور عين , الزريبه فيها مداود و مختمه و تبن و برسيم .
منقوووووول

رد: التحايل "الاخوانى"!!

تصفيه 12 وإصابة 8 من عناصر بيت المقدس جنوب رفح إثر قصف مدفعي لتجمع العناصر التفجيرية داخل مجلس بدوي بقرية نجع شبانة الحدودية جنوب رفح
تسلم الاياااااااادى

رد: التحايل "الاخوانى"!!

أسرار اللقاء الأخير بين أوباما و"الإخوان" في البيت الأبيض
كشفت صحيفة أمريكية عن كواليس اللقاء الذي جمع بين مسئولين من إدارة الرئيس الأمريكي السابق باراك أوباما ومحمد سلطان نجل القيادي بجماعة الإخوان الإرهابية صلاح سلطان قبل أيام قليلة جدا من إخلاء القصر الرئاسي.
وقالت صحيفة «freebeacon»، إن إدارة الرئيس الأمريكي بارك أوباما حرصت على دعم قيادات جماعة الإخوان حتى أخر يوم لها في البيت الأبيض، رغم تعرضها لانتقادات عنيفة بسبب استضافة أعضاء تلك الجماعة التي يعتبرها بعض المشرعين في الكونجرس "منظمة إرهابية".
وأشارت الصحيفة إلى أن محمد سلطان مواطن أمريكي لكنه مرتبط تماما بجماعة الإخوان نظرا لأن والده صلاح سلطان قيادي كبير فيها، وسبق حبسه في مصر بعد ثورة 30 يونيو وحتى منتصف 2015، وحكم عليه حكم عليه بالسجن لدوره بدعم "الإخوان" والتخطيط والمشاركة في احتجاجات دامية بعد إطاحة مرسي، وأفرج عنه بعد إضراب عن الطعام الطويلة بفضل جهود إدارة أوباما.
ولفتت الصحفية، إلى أن هذا اللقاء كشف عن كذب محمد سلطان الذي كان يدعي أن ليس يكون عضوا رسميا في جماعة الإخوان، مشيرة إلى أنه توجه بالشكر للرئيس أوباما على مساندته للجماعة طوال فترة حكمه.