رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم رحمة الل وبركاته
المشكلة عندى بيكون فيه صوت خشونة جامدة بعد ما اعدى مطب مثلآ او اهدى جامد
وابدأ امشي
بسمع الصوت ده لما بدوس بنزين بعد المطب لازم اخف رجلى خالص لغاية ما العربية تشد شوية
الصوت ده مكانشي موجود قبل كده
العربية نيسان قشقاى j10
فتيس cvt
وحاجة كمان فيه صوت ونة على طول ظهرت بقالها فترة علمآ بأن العربية ماشية ٨٥ الف كيلو
والف شكر على سعة صدركم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم
أنا معايا نيسان صنى 2004 ، 1300 سى سى لاحظت انها بتنقل متأخر و كمان فيه صوت زنه بسمعها مع النقل و فيه احساس بالنقله من الاول للتانى جامد شويه.
أنا غيرت زيت الفتيس بموبيل 320 بس مكنش فك الفلتر
هل العربيه دى طبيعتها كده عشان هى 1300 و لا فيه عيب حساسات مثلا عندى

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

لوسمحت انا شارى عربيه هوندا 2005 هى عامله 175 الف كيلو وكنت عاوز اغيرلها زيت الفتيس لانى اتلاقيت رحته تقريبا محروق ولكن واحد صاحبى لما سألنى هو اتغير قبل كده امتى قولتله معرفش فنصحنى انى مغيروش لان ممكن يكون فات عليه اكتر من 60 الف كيلو وخف فساعتها التروس اخدت على اللزوجه الحفيفه وطبعت على كده ولو غيرته بزيت جديد الفتيس هيبوظ فهل الكلام ده صحيح ولو مش صحيح فممكن تقولى اعمل ايه وايه افضل زيت استخدمه وجزاك الله خيرا على الموضوع المفيد ده

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

حضرتك لازم تغير الزيت وبسرعة
مفيش زيت بيطبع مع الفتيس
لو حضرتك مغيرتوش دا معناه انك هتخلي التاكل مستمر لحد ما يقف خالص وساعتها هتغير الفتيس بالكامل
والله اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

المشاكل دي كلها بره الفتيس ملهاش علاقة بالفتيس لازم حد يكشف علي العربية ويعرف الونه والصوت دا منين
واللع اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السيارة كيا كارينز 2011 هاي لاين (الشكل القديم)
اسمع صوت زنة عند الغيار من الثالث للرابع فقط اوتوماتيك
النقل عادي جدا والسحب طبيعي
فقط هذا الصوت يظهر عند التحميل على السيارة وتأخير الغيار من الثالث للرابع

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

مساء الفل
انا معايا نوبيرا 2001 نوبيرا 2 اتوماتيك حصلت مشكلة كنت مسافر من القاهرة للاسكندرية وكانت العربية زى الفل تقريبا مشيت حوالة 170 كيلو وبعدين كان فيه زحمة على الطريق هديت السرعة شوية ولما الدنيا فكت حبيت ازود السرعة لقيت العربية الفتيس مابيقبلش الار بى ام بيعلى والغيار مابيجيش مشيت لغاية لما وصلت اسكندرية على الغيار الاقل وبسرعة لاتزيد عن 80 علشان محملش على الموتور
ولما العربية بردت لقيت الزيت بتاع الفتيس زى ميكون محروق خالص
زودت كيلو وجربت طول المدة اللى انا فيها فى اسكندرية كانت كويسة ومافيش مشكلة وانا راجع امس من اسكندرية للقاهرة كانت حرارة الجو عالية جدا والعربية سخنت جد بالرغم من انها كانت ماشية كويس لغاية البوابات بتاعة اسكندرية واضطريت اقف ابردها ولاحظت ان العربية بتسخن تخلى الفتيس يسقط فى الغيارات تبرد شوية تشتغل كويس لدرجة انى جيت من اسكندرية فى 7 ساعات او اكثر
حد يقولى اتصرف ازاى واعمل ايه