|
|
رد: لماذا تجاهلت قناة الجزيرة القاهرة فى زيارة اوبما
يعنى حضرتك تقصد كانو يعملو ايه يغطو مثلا زيارة الرئيس لجامع السلطان حسن والاهرامات ولا ايه ؟
|
رد: لماذا تجاهلت قناة الجزيرة القاهرة فى زيارة اوبما
يعنى لو كنت قرأت المقال الافتتاحى لجريدة الجمهوريه من أسبوعين تلاته و شوفت الهجوم الشنيع
على الشيخه موزه زوجة أمير البلاد و التهكم و التريقه اللى احنا مالناش حل فيهم ! كنت عرفت السبب ! و على كل السياسه المفروض ما فيهاش زينب ( على رأى فؤاد المهندس ) ! Dr. Bolbolan |
رد: لماذا تجاهلت قناة الجزيرة القاهرة فى زيارة اوبما
يا دكتور انا بعتز بمقولة محمد هنيدى (وربنا امريكا بتستهبل يا فوقية) لاكن السياسة مفيهاش زينب ديه مش عارفها
فكرنى بيها ptmnlo123per162 |
رد: لماذا تجاهلت قناة الجزيرة القاهرة فى زيارة اوبما
للأسف التوتر المصري القطري اكبر من مجرد توتر اعلامي ...
ووضح اكتر اثناء الغزو الاسرائيلي الاخير مع بدايه العام 2009 ... حين دعت قطر لمؤتمر طارئ و رفضته مصر ... للأسف قطر بتحاول تهميش الدور المصري في المنطقه و البحث عن دور اكبر من مساحتها ... ومصر طبعا لا ترضى بهذا .... لكن السؤال العجيب ... هل العلاقات الديبلوماسيه للامم و البلاد العربيه ... تتأثر بشعبيه ( غيره ) زوجات الحكام و الرؤساء ؟؟!!!!!!!! |
رد: لماذا تجاهلت قناة الجزيرة القاهرة فى زيارة اوبما
أنا لا أدعم موقف قطر ! رغم انى أكلت عيش و ملح و سمك هناك لمده طويله ! لكن قصدى أنه ليس من
المروءه عندما تختلف مع شخص ما تقوم معايره بمراته أو أمه ! هذا على مستوى الآفراد ! أما على مستوى الصحف و الدول ده يبقى شىء مخجل و حتى حقير ! على الآقل عارفين ليه ؟ علشان مابتسمعوش ايه اللى بيتقال على نسوان مصر كلها بما فيهم أحبائكم و أهلكم و كمان ما بتعرفوش ايه اللى بيحصل للناس اللى بتاكل عيش و بتدارى جنب الحيط هناك بعد كلام الصحف ده ! أما يا أبونورا أنا قصدى السياسه مافيهاش زينب زى فؤاد المهندس فى فيلم و مسرحية ( أنا و هو و هى ) و بات ليله مع شويكار اللى اعتقد انها مرات النمساوى المجرم ( نمر مطر رعد) و جاب له واحده معفشكه علشان تتعرف عليه اذا كان هوه اللى بيت مع مراته ولا لآ وكان اسمها زينب ! و حيث أن فؤاد المهندس كان فى القصه محامى فهو قال قولته الشهيره ( القانون مافيهوش زينب ) ! عرفت التشابه و الصله ؟؟؟ سيبنى بقى أستريح شويه لآنى نهجت أو هنجت بعد الكلمتين دول ! ptmnlo123per1106 Dr. Bolbolan |
| الساعة الآن 11:04 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017