رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم عندي مشكلة مش لاقي ليها حل الي الان
انا اشتريت عربية رينو سينيك 2000 اوتو , الفتيس لما باخد النقلات من ال P الي R الاقي هبدة جامدة في العربية و بترجع كاني راكب نص نقل
ثانيا لما بأخذ الغيارات الاقيها مش ثابتة علي الشاشة و بتتنقل من D الي 2 الي N و العربية متبرجلة و احيانا بتظهر علامة D3 علي التابلوه
حاولت من كام يوم ادخل علي الكنترول بتاع العربية عند الكهربائي قالي بيدي error ومش عاوز يدخل علي الكمبيوتر بتاع العربية و لا الفتيس والعربية معايا متبرجلة و احيانا اجيبها علي D و طبعا مش ظاهر علي التابلوه وامشي و لما بدوس فيها تيجي عند سرعة 100 كم في الساعة و بحس ان في هبدة و ترجع تاني للسرعة اللي قبلها ممكن 80كم ده معناه ان الفتيس مش بينقل ؟
ارجو الافادة سريعا الله يكرمك
حاجة تالثة انا في مرة دوست علي العربية جامد و لما كانت تيجي الهبدة بتاعة النقلة الرابعة اروح دايس بنزين لحد ما وصلت السرعة 160كم و الار بي ام الي 5.5 لقيت العربية دخنت و وقفت علي الصحراوي اكشف عليها لقيت في تنشيعة زيت بين الفتيس و الموتور و سألت ميكانيكي قالي دا زيت احمر يبقي قربة فتيس وانا بصراحة معرفش يعني ايه و هل ضروري اغيره والا ازود زيت و بس ؟ خصوصا اني حاسس اني اتدبست في العربية و صارف عليها لحد الان 4000 جنيه و مفيش نتيجة
ارجو الافادة بالله عليك

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

اكشف بالجهاز عند حد تاني
لو مدخلش يبقي فيه مشكله في الباس (bus) بتاع الكومبيوتر

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم ياباشمهندس
انا معايا عربيه نيسان صنى 2009 اشتريتها مستعمله من فتره قريبه و انا حاليا فى السعوديه
المشكله ان العربيه فيها نتشه مع كل الغيارات
غيرتلها زيت و فلتر للجير
اول مره غيرتلها زيت الميكانيكى قالى ان الزيت القديم سايب رواسب جوه و لازم تغير الزيت تانى بكره بعد م تمشى بالعربيه شويه عشان الرواسب تنزل و فعلا روحت تانى يوم غيرت زيت للمره التانيه حوالى 3 لتر و نص
لكن المشكله فضلت زى م هى
روحت فحصتها كمبيوتر . الراجل فحصها و هى ماشيه على الطريق قالى الكمبيوتر مش جايب اى مشكله فى الفتيش و الحساسات كلها كويسه و المشكله ممكن تكون فى الكلاتش و الجير محتاج يتفك و يتوضب او هاجيبلك جير بوكس مستعمل
و ممكن تمشى بيها على كده لمدة 6 شهور لحد الكلاتش ما يجيب اخره و ساعتها لما تجيب على d هتلاقى الجير فاضى تروح مغير الجير بوكس
المشكله انى لو سمعت كلامه و مشيت بيها على كده انها ساعات بعد م بامشى بيها حوالى 100 كيلو كده و انا فى الطريق لو هديت شويه و بعدين دوست بنزين
الـ rpm بتزيد اوى و تقريبا على سرعة 100 كم/س و مش بترضى تنقل على الغيار اللى بعده و دى حاجه بتسببلى مشكله على الطريق لكن مش دايما بتعمل كده
بصراحه مش عارف هل كلامه صحيح ولا المشكله دى بسبب حاجه تانيه
ياريت تفيدنى لانى مش بافهم فى الميكانيكا خالص و جزاك الله كل خير
اسف على الإطاله

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

المفروض ينظف الفالف بودي ويتاكد انه كويس

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة