مصر موتورز مجتمع السيارات - التحايل "الاخوانى"!!

https://scontent-ams3-1.xx.fbcdn.net...a0&oe=589E77FB

ده الفيديو اللي صوره عمرو الليثي وبتشيره الجزيرة
هرد على كذا نقطة وزي ماكان عندككم طولة بال وانتو بتسمعوه ، ياريت يبقى عندكم طولة بال وانتو بتقرروا
الاخ سواق التوك توك بيسال عن السكر والرز ، واضح ان مفيش حد بلغه ان السكر والزيت والرز كان بيتلم من السوق في الشهور فاتت
ومباحث التموين قبضت على ناس مخزنيين ما يزيد عن 450 طن سكر في مخازن القاهرة واسكندرية والشرقية
يعني خلصنا من الانفاق ظهرت لنا المخازن
الاخ بيلقح كلام على الجيش والمؤسسات الامنية
حد يقولو بص حوليك وشوف اللي معندوش جيش عايش ازاي
الاخ بيقول مشروعات قومية مالهاش لازمة
حد يبلغه ان المشروعات دي شغلت اكتر من مليون شاب زيه وعائدها للدولة هيحس بيه في خلال كام سنة كمان وهيشتغل في المشروعات دي اد اللي بيشتغل فيها حاليا 5 مرات
الاخ بيقول اليابان جات تتعلم مننا الحضارة
حد يبلغه ان اليابان منهضتش غير بالمشروعات العملاقة اللي هو في اول الفيديو قال انها مالهاش لازمة
قبل ما تصرخوا وتقولو مصر مش عجباكم
بصوا في مرايتكم واسالو نفسكم انتو بتعملوا ايه يعجب مصر
بترمو زبالة في الشارع بترتشي بتنصب بتزوغ من شغلك بتغش في تجارتك ، بتسرق زباينك ،، يا اخي ده انتو بترمو العيانين الغلابة برة المستشففيات وعلى الارصفة ،ده الحيوانات بتعذبوها والحمير بتدبحوها ، بتعذبوا اطفال الملاجئ وتهينوا كبار السن والعجزة ، اديان ربنا بتسبوها وتلعنوها ، ناس معاها الافات وبتشتغل في التسول وتخطف عيال ، الحاجة تشرتيها ب 10 ومش عايز تبيعها باقل من 20
الغش والنصب بتعتبرو فهلوة ، لما بيجيلك سايح بتبقى عايز تقلبه وتطلع اللي في جيبه
اشارة مرور مش عارفين تحترموها
مش بتعرفوا تكلموا بعض الا بالشتايم بالام والاب وسب الدين
اسالو نفسكم ليه سكتوا 30 سنة والمرض والعشوائيات والفقر والفساد بيضرب في البلد
ليه سكتوا لما جه شوية صيع عملاء منظمات حرقوا منشات الدولة وخربوها وباعوها في سوق النخاسة الاجنبية
وجه بعدهم جماعة ارهابية تاجرت بالدين والاعراض وخانت البلد دي وباعت ملفاتها واسرارها لقطر وتركيا وامريكا
اللي اتحملته البلد دي مفيش بلد تقدر تتحمله
بس محدش بيحس ولا حد بيقدر وارجع واقول اصلحوا من انفسكم لعل الله يصلح احوالنا جيمعا
لا وشوف مين اللي شغال على السوشيال ميديا بيندب بخته وزعلان على مصر اللي بيكتب تويتات بوستات يقول للاجانب متجوش
اللي بيشتم بلده وبيقبض من منظمات اجنبية
اللي مرمي في حضن قطر وتركيا وبيصرف ملايين عشان يسلح مليشيات تخرب مصر ، اللي بيفرح لما جندي يموت او طيارة يحصل فيها حاجة
اللي بيشمت ويفرح ويدعي ربنا تخرب
عمرو الليثي الجبان سمع شكوة المواطن للاخر بس عشان هو مش اعلامي نضيف ولا محترم مردش ومعلقش ومنشرش اي كلمة يرد بيها على شكوة المواطن
ساره فهمى