رد: امن على سيارتك بدون تحمل - عرض خاص لاعضاء مصر موتورز
 

تجربتى مع مصر للتأمين ومنتج الوثيقة
 

انا مأمن على عربيتى شفرولية لانوس مع مصر للتامين من سنة وانتهت الوثيقة احب احيكلكم تجربتى
أولا شوفت اعلان على المنتدى لمنتج وثائق بشركة مصر للتأمين وهى ايمان زكريا وتواصلت معاها
وعملت الوثيقة وبعدها خلصت المصلحة خلاص اتصلت بيها اولا عندما حصلت حادثة لعربتى وكسر زجاجها
يوم الخميس بالليل واكثر من اربع ساعات اتصال ورسائل عشان اعرف اعمل ايه خاصة والنهاردة الخميس والجمعة اجازة والسبت اجازة ومش معقولة هسيب عربيتى بعد ماانكسر زجاجها وكانت هتتسرق لولا ستر ربنا
وطبعا لا رد فى النهاية فى الاخر روحت غيرت الزجاج على حسابى
وقبل نهاية السنة حبيت اعمل اخطار حادث للعربية لوجود خبطات بالعربية والفانوس وكنت هادخل فحص عشان التجديد فقلت ادخلها التأمين واحاول اتصل بأيمان زكريا للاستفسار عن الاجرأت التى تتم ولم ترد على لمدة اسبوع
واخيرا ردت بعد مادخلت العربية وصلحت وقالتى ابقى جيبلى الفواتير بعد ماتصلح فى الشركة واتخبطت فى دماغى وقلت ممكن تساعدنى فى اجراءت الشيك واستفسار عن سعر الوثيقة للعام وبالمرة اديها الفواتير وكل سنة وانت طيب ولاكأنها من مصر طيب مش مشكلة دخلت الفواتير واجراءات الروتينية ولاكانك فى مصلحة حكومية من الخمسينات ماعلينا وقعدت اسبوع والتانى والتالت واحاول اتصل بيها عشان اعرف الشيك خلص ولالأ لكن طبعا لاحياة لمن تنادى وللآن لم اخذ الشيك وبمحاولة الاتصال بيها لاجدوى
وديه كانت قصتى مع مصر للتأمين ومنتجتها ايمان زكريا

رد: امن على سيارتك بسعر مميز جدا مع اكبر شركة تامين ( مصر للتأمين )
 

شكرا على تعريفنا بذلك وانا اللى كنت ناوى اعمل تامين فيها بلا وكسة

رد: امن على سيارتك بسعر مميز جدا مع اكبر شركة تامين ( مصر للتأمين )
 

اولا شكرا لمجهود حضرتك :)
انا ليه سؤال . هل بدون نسبه تحمل شامله برضه فى حاله التصليح فى التوكيل ؟ و اللا فى الحاله دى فى تحمل ؟

رد: امن على سيارتك بسعر مميز جدا مع اكبر شركة تامين ( مصر للتأمين )
 

السلام عليكم ورحمة الله وبركاته

لقد قرات فى المنتدى عن ماحدث بحادثه سيارة الاستاذ محمد ومعاناته مع شركة مصر للتامين
http://www.masrmotors.com/vb/showthread.php?t=91576

اود افادة الاعضاء الكرام ان ماحدث حرفيا بذات المشكله حدث مع ومع نفس مندوبة التامين ايمان زكريا بشركة مصر للتامين .
الموضوع دام فى مشاكل لمدة 4 شهور والاخر تخلت عن انهاء الاجراءات والتى تعرفت بها من الموقع واخيرا تخلت عن المشكله بالشركة بعد وعود واتصالات فاقت ثمنها مبلغ التامين ولم تقدم اى شىء غير الكلام واللى زاد وغطى انها اخدت شيك التعويض بقيمة تلفيات بعض رفض الشركة اجزاء منها من الشركة ولم توصله لى ومش لاقينو فالشركة وتقدمت اليوم ببلاغ للنيابه العامه ضدها وللرقابه الماليه ضد الشركة وموظفيها المتعنتين والمتشددين بدون وجه حق ولمجلس ادارة الشركة لاهمال تلك المندوبه عن تقديم اوراق هامه تخص ملف السيارة وكذا حصولها على شيك تعويض باسمى دون وه حق وكذا الشون القانونية وبانتظار انتهاء التحقيقات والكلام ده انا باقوله علشان ماحدش يتعامل مع الشخصيه دى تانى والكلام اللى قالتو الشركة مالهاش دعوه بالشخصيه دى ولا بشغلها
معاناه مستمرة اكثر من 4 شهور بسبب مندوبه التامين حسبى الله ونعم الوكيل فيها