مصر موتورز مجتمع السيارات - محبى و مالكى الريجاتا

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - محبى و مالكى الريجاتا (https://www.masrmotors.com/vb/showthread.php?t=34162)

رد: محبى و مالكى الريجاتا

اقتباس:

المشاركة الأصلية كتبت بواسطة NicEgypt (المشاركة 427681)

الله يكرم حضرتك والله سعيد بمرورك يا استاذ طارق .. بس لاء ناقصة .. القونصولة اللى حوالين الدركسيون هههههههه زهقت منى صح ههههههههههه .. كلمت حضرتك زي مقلت لي ومردتش
عليا لعل السبب خيرا .. ان شاء الله هكلمك بكرة واتمنى اجد ضالتى لديك . اسعار حضرتك ممتازة
زى مقلت قبل كدة للاعضاء ف احد المواضيع احسن بكتير من الوكالة . ومشوار الوكالة الرخم

ان شاء الله فى اول سفريه اول شئ هشتريه هو فبره القطمه وستكون هديه منى اليك :12A96E~160:محبه فالله

رد: محبى و مالكى الريجاتا

ايه رايكم فى الريجاتا بتاعتى بعد شوية التظبيط ده اتمنى ارائكم جميعا ولو فى احسن تدلونى بالتاكيد ان انا استفادت من اعضاء كتر هنا وبشكر كل من اعطى معلومة ليفيد الغير
http://store2.up-00.com/Mar11/p6B31698.jpg

رد: محبى و مالكى الريجاتا

اقتباس:

المشاركة الأصلية كتبت بواسطة koko1312 (المشاركة 271920)

أخوانى أنا معايا ريجاتا 84 وحصلى مشكله ومش عارف لها حل غيرتلها ميه خضرا والصنايعى بيغير الميه كسر غطا الرديتر جبت واحد جديد بس مش بتاعها الأصلى ومن يوميها كل يوم الصبح وعلى غير العاده أجد الميه ناقصه حوالى زجاجه ميه كبيره ومافيش أثر للميه تحت السياره وأجد بخار ميه فى غطا زيت المكنه ولكن لما أشوف الزيت بالمقياس بتاعه أجد الزيت كويس مش عارف
هل غطه الرديتر السبب أم هناك سبب تانى
السياره أزودها ميه تكون كويسه ولكن تبيت تختفى زجاجه كامله منها....

لازم تشوف موضوع المياه ده اهم شئ فى دورة التبريد شوف الغطاء الاصلى ولو ملقيتش ممكن تقفل مكان غطا الريداتير خالص وتزود من القربة انا عامل عندى كده ومش بزود ميه الا كل تلات ايام مثلا

رد: محبى و مالكى الريجاتا

اخى الكريم المياه تنقص اثناء تشغيل السياره مع اندفاع ضغط المياه من الغطاء التالف وذلك بقوه دفع طرمبه المياه وكما قال لك العضو الكريم سلفا يجب عليك تغير الغطاء الاصلى وان شاء الله تنتهى المشكله .

رد: محبى و مالكى الريجاتا

اقتباس:

المشاركة الأصلية كتبت بواسطة elhamshare (المشاركة 3873582760)

السلام عليكم ورحمة الله وبركاته

اعزائى مالكى الريجاتا

تحية طيبة لكم جميعاً

انا الحمد لله بقيت من مالكى الريجاتا ولسه جايبها فى 3/6/2011

ريجاتا نوفا 89 الحالة العامة جيده براى اصحاب الخبرة

بس انا مش مبسوط من اداء السيارة وحاسس انها افضل من كده ولانى معنديش خبرة فى مجال السيارات مش عارف اعمل ايه ومحتار فى التعامل مع السيارة وبمشى بيها وانا خايف يحصل عطل او اى حاجة فيها ومعرفش اتصرف.

وكل اللى عملته ظبط الفرامل وغيرت البوجيهات وسلك البوجيهات والابلتين و الكوندنسر واداء السيارة اصبح افضل من قبل بس برده لسه الاداء مش جيد ....

والميكانيكى فتحلى فاتحه وقالى الماتور خفيف وعايز طقم شمبر وشوية حاجات كده قلى تكلفتها 1500 جنيه وطبعاً فى الوقت الراهن استحاله لانى لسه شاريها.

(ملحوظاتى على الاداء)
1- السيارة مخنوقه .... يعنى العربية عند الرابع سحبها كويس اول لما اجيب الخامس لازم ادوس على البدال للاخر عشان تبتدء تسحب وتاخد وقت عقبال لما تستجيب وتعدى السرعة 80.

* كتير قوي انك تجيب الرابع على 80 .. هات التالت افضل لانك كدة بتقل العربية بنفسك وبأيدك انت اللى بتقلها كدة .

2- الدريكسون احياناً بيبقى تقل وفجأة بيبقى خفيف.

* الدريكسيون خفيف على اسكاترا .. لكن لما بتكون العربية واقفة ع الارض مش بتتحرك اكيد بتكون تقيلة .. لما تخلي
العجلة تلف شوية وانت بتركن او بتطلع من ركنة هتلاقية كويسة معاك .. يعنى خلي العجلة تمشى شوية عشان تخف

3- فى المطبات بجيب التانى واجى اطلع العربية بتترجرج.
* طبعا دة شيئ طبيعي .. ياراجل تانى !! اطلع ع الاول بعد المطب مش الغيار التانى .. لو رجرجت محتاج تظبط كهربا
وباردو هتبقى تقيلة معاك بس هتطلع بدون رجة .. سبب الرجة .. الكهربا واطية بتاعة الموتور والافضل اطلع ع الاول
مش هتلاقى رجرجة .

4- الفتيس فى الخامس و الخلف مبيجيش بسرعة لازم اتقل عليه عشان يلقط
ا*لخامس والمرشدير لو فيهم مشاكل يبقى محتاج تغير غوايش ليهم وممكن بلية .. وعلشان تغيير دول لازم الفتيس يتفك
وهيكلفوك جديد حوالى 400 ج تقريبا .. بدون مصنيعة طبعا .. وياريت تغير البرميل .. لو تقدر تعمل عمرة للتفيس
عند بتاع فتيسات افضل .. هيغير لك الغوايش البايظة + بلية + برميل .. لما تبدء بأذن الله تبقى تقولي واقول لحضرتك
ارخص وافضل مكان تجيب منة الحاجات دى .. العبد الفقير الى الله اصبح موسوعة قطع غيار للريجاتا .
لو عملت عمرة للموتور والفتيس انسى العربية بعد كدة .. علماَ انى عملت كدة عمرة للموتور وعملت عمرة للتفيس
والاتنين تمام الحمد لله .

5- فى المطبات الكثيرة بحس ان العربية بتتغربل ورجرجه من كل مكان
* دة شغل عفشة طبعا .. لازم تعدي على عفشجى يبص ع المقصات والجلب والعفشة عموما ويشوف محتاجة تربيط
ولا محتاجة تغيير اي حاجة .. علماَ انك لو عديت على اي صنايعي هيكلفك فلوووس .. يعنى هتعدي يكون معاك فلوس اوكى؟
معكش بلاش تروح لحد .

أسف للاطالة بس انا محتار لا اعرف ميكانيكى كويس يبص عليها ويقلى الحقيقة ولا كهربائى ولا عفشجى

ارجو الافادة ورأيكم ايه اللى اعمله عشان يتحسن الاداء واللى يعرف صنيعى كويس يقولى لو سمحتم انا ساكن فى الزاوية الحمراء

وشكراً لكم على سعة صدركم

* ياااة انت ف الزاوية .. على كدة يعتبر جيران .. انا شقتى ف حدايق القبة .. بس الميكانيكى بتاعى والعفشجى عند
جامعة القاهرة .. حوالى نص ساعة او ساعة الا ربع من الزواية لعندة .. ونصيحة منى مهمة جداَ متخليش حد مش فاهم
يلغب ف العربية .. انا لسة خسران 1200ج راحو ف الارض علشان خاطر حتة جاموسة لعنة الله علية معرفش يظبط العربية
وطبعا كرهنى ف الدنيا وف العربية .. وبقيت اصلح العربية من اول وجديد وابدء من جديد تانى بمبلغ جديد واعطل نفسى
اسبوع تانى !!! فدايماَ دور على صنايعي ممتاز يريحك مش ياخد اللى ف جيبك ويقولك اخري كدة حلوة كدة !!!
لو محتاج ميكانيكى او عفشجى بس عند جامعة القاهرة قولي . واهلا بيك ف الرابطة ..

ستجد نفس ردي هناك .. العريبة مريحة وحلوة وشبابية ..

رد: محبى و مالكى الريجاتا

انا معايا ريجاتا موديل 84 بقلها معايا 5سنوات بصراحة عربية جميلة جدا وقطع غيرها رخيصة وعالية عن الارض بصراحة عربية جميلة انا المشكلة الوحيدة اللي في عربيتي انها لا يوجود بها تكيف فقط لكنها ممتازة واقتصادية جدا والله ما هاين عليا اغيرها