المشاركة الأصلية كتبت بواسطة mshamy (المشاركة 192490)

السلام عليكم ورحمة الله وبركاته
بمناسبة دخول الصيف و إحتمال ذهاب الكثير منا الى الغردقة
أحب أصحح بعض المعلومات المقتبسة أعلاه و ذلك من واقع الخبرة العملية حيث اني اسافر على هذا الطريق بصفة شهرية تقريبا
1- السرعة من بداية الزعفرانة - راس غارب - وصولا إلى بوابة الغردقة هي 110 كم/س و العكس صحيح
2- الرادار متواجد 24 ساعة على الطريق
3- بشكل كبير ممكن تواجه على الأقل 2 رادار في الطريق الى الغردقة
4- بدايةتوقع وجود الرادار 20-30 كيلو قبل رأس غارب ثم بعد راس غارب ب 10-20 كيلو ثم في الكيلو 100 ثم في الكيلو 80 (منطقة جبل الزيت) ثم في الكيلو 50
5- السرعة بعد بوابة الغردقة الأولي (نطاق الجونه) تصبح 90 كيلو/س و هناك رادار شبه دائم على الطريق الدائري الداخلي قبل مخرج المطار و أحيانا على الطريق الدائري الخارجي المؤدي الى سفاجا
6- السرعة داخل الغردقة 60 كم/س و هناك رادارات كثيرة منتشرة داخل الغردقة و يتم تغيير أماكنها بصفة مستمرة (الحذر الكامل في طريق المطار) حيث يوجد شبه تغطية كاملة للأتجاهين
7- بعد قضاء الأجازة للأخوة المغادرين يجب الحذر ايضا في طريق العودة (على الأقل 2 رادار) الأول في الكيلو 40 و الأخر قبل رأس غارب بحوالي 30 كيلو ثم بعد رأس غارب ب 30-50 كيلو

المشاركة الأصلية كتبت بواسطة خالدخليفة (المشاركة 192848)

ملحوظة رفيعة يااخواننا
انا بقى لى يومين فى اسكندرية ولاحظت ملحوظة عجيبة ان كل الناس رغم ان طريق الكورنيش كان فاضى بيتمشو فقلت ياواد ياخالد مش معقول الشعب المصرى كله اصبح عاقل فجأة كده اكيد لازم فى واحد يجرى لكن ابدا ملقيتش وقررت امشى زيهم ولقيت نفسى ماشى بسرعة 50 تقريبا(شىء يغيظ) وقررت البحث فى الموضوع وفوجئت ان المرور هناك مالى طريق الكورنيش رادارات 24 ساعة و ف اى لحظة تطب يامعلم تلاقى الموتوسيكل (مش لجنة والظيطة دى ) جرى وراك وقال لك اركن والباقى معروف وده بسبب حوادث وفاة حصلت كتير لان الناس بتعدى الشارع جرى ولكن الشارع عريض فلو هرب من خالد هيطلع له كروزير يعنى هيسيب الدنيا هيسيبها وحمدت ربنا على الملحوظة دى وخاصة انى من اصدقاء الرادار واخر مرة جاى من ابو قير لحد المنشية فى تلت ساعة يعنى كان مش هيمسكونى وبس واعتقد هيرمونى فى البحر من الغيظ منى
ياهواة السرعة من 61 وانت طالع ( انا ممسوك 101 قبل كده ع الصحراوى) احترسوووووووووووووو من كورنيش اسكندرية

المشاركة الأصلية كتبت بواسطة oldman (المشاركة 193473)

المشاركة الأصلية كتبت بواسطة خالدخليفة (المشاركة 193631)

فى طبعا تصوير ليلى بس بكاميرات حديثة جدا لكن لم تنتشر(يظهر والله اعلم ان وزارة الداخليه ممعاهاش فلوس لانى اللى بياخدوه منى غرامات سرعة مش مكفى الكاميرات) فهى على المحور بس والمهندسين وميدان رمسيس ومنطقة وسط البلد بالقاهرة اما الرادار القديم العبيط ده فبالليل مش بيصور يدوب يدى فلاش يفوقك لو انت بتجرى يعنى بيلعبو على نفسيتك لانك لما تاخد الفلاش ف وشك هتقلق وتنزل السرعة وتمشى على مهلك
بالمناسبة واحد حبيبى فى مرور الدراسة قال وقفنا عملنا لجنة فى الاميرية لمدة 4 ساعات لمينا مليون جنيه غير لامؤاخذة شوال مليان رخص طلعنا بيها على الادارة وطبعا دول اللى مكانش معاهم فلوس تكفى ( مش بقول لكم وزارة الداخليه غلااااااااااااابة ويستحقو المعونة)
خلى بالك ياكروزير فى لجنة دايما واقفة عند مدخل شاطىء المعمورة بيقلبو على اى حكاية حزام/ سرعة/ اى تلاكيكو
واما انا علشان متعبش الداخلية وحرصا على راحتهم شلت امين الشرطة اللى كان فى الشنطة وجبت مكانه رتبه مهمة فى المرور ومعاه ييجى 50 دفتر غرامات اول ميخلصو باديله اجازة يجيب غيرهم وييجى للشنطة تانى
وبعدين انت حبيبى من ايام الجيزة ياعم كروزير الله لايرجعها ايام ههههههههه