|
رد: ذكرياتى مع السيارات فى هولندا
اقتباس:
الف شكر لسيادتك على المتابعة وملاحظتك فى محلها جدا فعلا..مع اضافة بسيطة هنا من الممكن ان تجد سيارة عادية مش اصيلة لكن من الصعب جدا ان تجد امرأة غير جميلة.:HAPPY_~211: اقتباس:
العفو يا دكتور عبد السلام انا لم اقصد اى شىء يسىء لاهلنا فى المنصورة على العكس تماما.ولو تلقى سيادتك نظرة مرة اخرى على الطريقة التى تعرفت بها على صديقى محمود لعرفت ما اقصد هذا الرجل لم تكن بينى وبينة اى صداقة او معرفة -مجرد بنصلى فى جامع واحد وعندما علم من بعض الاخوة الذين يترددون على نفس الجامع -بأنى تعرضت لحادث وموجود فى المستشفى صمم ان يحضر لزيارتى ومن وقتها تكونت علاقة وصداقة حتى الان والحمدلله-وهو رجل بمعنى الكلمة وشخصية طيبة جدا وطيبتة بالفطرة وغير مصطنعة وماقصدتة من اسلوبة فى الكلام هو طريقة الالقاء فقط ارجوا المعذرة ان كان حدث سوء تعبيرمني اقتباس:
فعلا انا اقصد كدة وكل الحب والاحترام للمنصورة. |
رد: ذكرياتى مع السيارات فى هولندا
رد علي -الحاج احمد لالة - بطريقتة المشهور بها وهى ان يتحدث بسرعة غريبة ويلتفت فى كل اتجاة اثناء الحديث-رد علي قائلا -حبيبى محمد حبيبى فينك عاوز عربية اوك اوك عندى واحدة حلوة اوى ليك فولفو460gl-طبعا كل الكلام دة فى 3 ثوانى - طيب يا حاج احمد بعد ما نخلص ماتش الكورة نتكلم- طبعا خلصنا فعلا الساعة ونصف كرة قدم- وقام كل واحد من السادة الحضور بدفع مبلغ 5 ايورو لسداد قيمة تأجير الصالة...وذهبنا سويا انا مع الحاج احمد واتفقنا ان نمر على مقهى المصريين لتكملة حديثنا هناك -وبالفعل حدث - دخلنا المقهى وجلسنا وحكيت بالتفصيل للحاج احمد ماحدث مع الستروين و-قاللى فعلا اطمئن السيارة دية هنا سهلة فى بيعها والهولنديين بيحبوها فعلا-قلت لة كلمنى عن الفولفو لانى عمرى ما ركبتها قبل كدة وبالطبع شكر فيها جدا-واتفق معي ان نذهب معا صباح اليوم التالى لمشاهدتها على الطبيعة.....وبالطبع اكملنا يومنا فى المقهى مابين حديث عن - سيارة ميدو الفيرارى http://news.bdr130.net/newspics/526990.jpg -التى قام الحاج احمد شخصيا بتصليحها بعد ان وقعت عليها شجرة جراء احدى العواصف وان التصليحات تكلفت 18 الف -لان التوكيل طلب وقتها 50 الف لكنة -اى الحاج احمد -عمل واجب مع ميدو http://www.w6w.net/album/12/w6w_w6w_...28a2b3cbe9.jpg ((طبعا كل عرب هولندا عرفوا بعد كدة انها اتكلفت 11 الف فقط -الا ميدو طبعا))وكان هذا الكلام يرددة الحاج احمد لاى حد يتكلم معاة وتقريبا كان بينسى انة حكاة قبل كدة وبالتالى بيعيدة وطبعا المتلقى لازم يتفاعل معاة ويسمع باهتمام وتركيز - لو دة ماحصلش بيزعل الحاج احمد - تانى يوم ذهبنا وشاهدت الفولفو كانت سيارة فعلا جامدة جدا وعلشان غلاوة الحاج احمد ح ادفع فقط 700 ايورو ووافقت ودفعت وكلى ثقة انى ح ابيع الستروين بسهولة - ولكن هذا لم يحدث واخذت منى وقت طويل ولم يتصل بى احد يرغب فى شرائها-وفى نفس الوقت السيارة الفولفو لم تعجب اولادى(شكلها عواجيزى على حد قولهم)- وكانت احدى الحلول من صديقى وحبيبى -محمود عدوية -انى أأخذ السيارتين الستروين والفولفوا على اى جراج وادخلهم فى سيارة اخرى ولو هناك فروق ادفعها واخلص من المشوار دة..وبالفعل ذهبت مع -عدوية -على جراج هولندى-اسمة -toekomst-وكان جراج كبير ومشهور جدا عرضنا عليهم الامروطلبوا مننا ان نلقى نظرة على كل السيارات المعروضة وبعدان نختار -سوف يحددوا لنا الاسعار وبالفعل قمنا بأختيار سيارة ميتسوبيشى سبايس عائلية - وكان رد المسئول عن الجراج انة سوف يقيم السيارتين الستروين والفولفو-بمبلغ 1150 ايورو(حسبتها انا ومحمود لقينا انها مناسبة جدا) طيب عاوزين نعرف سعر -الميتسوبيشى بقى - كان ردة ان سعرها 2750 ايورو وبالتالى يجب علينا دفع الفرق لو اردنا الحصول على خدمات هذة السيارة- طبعا محمود لم يبقى هادئا وعمل المستحيل حتى هبط بالسعر الى 2250 وقتها قلت للرجل - انى سوف اترك له مقدمة -500 ايورو وغدا ان شاء الله سوف احضر الباقى-اخذت من الرجل ايصال بمبلغ ال500 ايورو -وتركت لة السيارة الستروين -وذهبنا انا وعدوية -وفجأة تذكر عدوية جراج اخر كانت تربطة علاقة قوية باصحابة وهم اشقاء عرب وبالتحديد من سوريا-وقاللى تعالى نعدى عليهم نشرب معاهم حاجة ونشوف اية الاخبار -وبالفعل ذهبنا وكان استقبالهم حار جدا وفعلا الشعب دة بيحب المصريين وبيحب طريقة كلامهم جدا وتطرق الحديث الى اين كنا وماذا نفعل هنا وكان رد محمود الذى تطرقنا بعدة للحديث عن السيارة الميتسوبيشى السبايس العائلية وفجأة قال احدهم - نعم انا اعرف هذة السيارة وهى سيارة جيدة جدا وعائلية فعلا واحنا عندنا منها سيارتين هنا فى المعرض-نظرت لمحمود وهو كذلك وطلبنا ان نلقى عليهما نظرة وكانتا قمة فى الروعة وحالتهم ممتازة والعداد تقريبا زى السيارة اللى اخترناها من المعرض الهولندى-ولكن سعرها كان مفاجأة -حينما طلب التاجر السورى مبلغ 1650 ايورو-وقتها بحلقت لعدوية -بشوية حسرة على غيظ -(((وعاملى فيها بس ابو العريف وتاجر شاطر واسكت يامحمد وسيبنى انا اتفق))) ازاى ياخونا 1650ايورو -وكان ردهم - الله هو كدة تؤبرنى خيي لشلوهذ الزلمة ماتصدجنى- ياعم مصدقينك بس السعر دة لينا احنا علشان عدوية صاحبك ولا اية بالظبط -وكان ردة -اههاااا انت يامصري عاوز تنزل من السعر -طيب شوف -السيارة هذة انا اشترتها ب1250ايورو وح اربح منكم 400 ايوروواهلا وسهلا فيكن !!! يا نهارى دة احنا اتضحك علينا بقى-طبعا محمود كان بداء يطلع نار من ودنة(طبعا صورتة ح تتهز امامىhttp://www.ra7ala.com/vb/images/smilies/biggrin.gif)ولقيتة فجاة بيقوللى يالا بيننا--على فين ياعمي -قاللى لازم نرجع فلوسنا من الجراج الهولندى ودلوقتى حالا-عندما عرف السوريين اننا تعاملنا مع جراجtoekomst-حذرونا منهم واخبرونا انة ليس بالسهولة ان نرجع عن الاتفاق--ولكن طبعا محمود كان لة وجهه نظر اخرى -خاصا وان محمود الله واكبر علية وزنة حوالى 200 ك جرام وطولة حوالى متر 90 يعنى حاجة تطمن وغير كدة وكدة فهو اجنبى يعنى شعرة اسود يعنى ح يتعملة الف حساب-- ودعنا السوريين وشكرناهم على حسن الاستقبال واتفقنا ان نعود اليهم بعد الانتهاء من حل المشكلة مع جراج toekomstوعدنا الى الجراج الهولندى وجدنا الرجل الذى ساعدنا اول مرة واخبرناة اننا لا نريد اتمام الصفقة-ونريد استرداد سيارتنا الستروين وال 500 ايورو وكان ردة المبدائى-انة لا يفهم ما نقصدة وهنا ازاحنى محمود عدوية جانبا وراح رازع على المكتب بكف يدة ونظر للرجل قائلا - هات الفلوس حالا والسيارة الستروين والا فسوف تندم على اضاعتك لوقتنا-- طبعا انا فى الوقت دة كان ريقى خلاص نشف ولكن الرجل الهولندى -نظر مبتسما لمحمود عدوية ابتسامة رقيقة وقال لة -كما تحب - ولكن يجب ان تجلس اولا ونتحدث بهدوء-محمود نظر للرجل نظرة -امير الانتقام -وهم بالجلوس وهو ينظر لي انا نظرة -بتقول مش قلت لك سيبنى انا اتصرف- يادوبك مافيش دقيقتين ووجدنا ثلاث دبابات بشرية يدخلون المكتب..طبعا تبدل الحال بعدها ووجدت نبرات صوت عدوية اصبحت اهداء كثيرا والاسلوب الرقيق من الرجل الهولندى ذهب مع الريح وامتنع عن الرجوع فى الاتفاق الا فى حالة واحدة فقط الا وهى ان اخسر ال500 ايورو المقدم -وهو ما حاول عدوية الاعتراض علية وهم واقفا ولاول مرة كنت اشوف محمود عدوية (قصير) http://www.rtarabic.com/images/photo/orig/d37/995.jpg وهو واقف بجانب الثلاث دبابات بشرية والذين لم ينطقوا بكلمة واحدة فقط يتابعون الحديث--وقتها تحدث لي عدوية بالعربى وقاللى اعمل نفسك بتكلم اى حد واتصل باصحابنا فى المقهى المصريين وقول لهم اننا بنتخانق!! http://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gif يتبع <!-- / message --><!-- sig --> |
رد: ذكرياتى مع السيارات فى هولندا
غريبه جدا؟؟!!
السوريين اللي في أوروبا محترمين ومؤدبين!!!!!!!ptmnlo123pe r1127 أمال هما ليه هنا في الخليج عاملين كده ؟؟ دول هنا علي النقيض تماما ولا إيه يا كيمو؟؟ |
رد: ذكرياتى مع السيارات فى هولندا
بالطبع لم انصت لكلام -عدوية - خاصا وانة كان واضح علية التوتر وبداء يعرق رغم البرد(http://www.ra7ala.com/vb/images/smilies/biggrin.gif) ولو انا اتصلت وقلت اننا بنتخانق عقبال ما يجمعوا نفسهم وييجوا ح نكون اتروقنا وعليها نظرت لة وانا مكشر وقلت لة انت بقى تسكت خالص وسيبنى اتصرف -مانطقش بصراحة -اول مرة -يعملها- قلت لة ادينى رقم تليفون الجماعة السوريين اصحابك اللى كنا عندهم -لقيتة ابتسم اخيرا وفى لحظة كان اعطانى رقمهم واتصلت بهم وبلغتهم ان محمود عدوية بيتضرب وياريت يلحقونا..وفى خلال 10 دقائق قضيناها مع المسئول عن المعرض فى محاولات فاشلة لاسترجاع فلوسنا-لكن طبعا باسلوب هادىء ومحترم مننا طبعا لا فى زعيق ولا خبط على المكتب بعدها-وجدنا--صديق عدوية السورى واسمة (موفق) وشقيقاة مش فاكر اسمائهم لكن كان فيهم واحد برضة دبابة بشرية-ومعاهم كل الناس اللى شغالين فى المعرض تقريبا موجودين فى المعرض الهولندى -طبعا وقتها ردت الروح فى جسد عدوية وقام وقف وفرد صدرة بطريقة مستفزة والغريب اننا وجدنا ان صاحب المعرض الهولندى قام ورحب -بموفق - السورى-سلامات فينك ماحدش بيشوفك كل دة وانا وعدوية بنترقب الموقف والثلاث دبابات البشرية واقفة على جنب واخوات -موفق- والشغيلة بتوعة واقفين برة-لكن بصراحة محمود عدوية عاجل موفق وسألة هو انت تعرفة -دة عمل معانا كذا وكذا وكذا -طبعا الهولندى يترقب الحوار ولا يفهم منة شيئا _وبعد انتهاء الحوار بين عدوية وموفق السورى -قام الهولندى وسأل موفق -انت تعرفه - http://images.abunawaf.com/2007/07/29/sala069.jpg قالة طبعا دة من اصدقائى ولازم نوصل لحل فى هذة المشكلة---سمع موفق الحكاية مرة اخرى من الهولندى..الذى طلب ايضا من -موفق - ان يصرف من معة وكذلك فعل ايضا الهولندى وانصرفت الثلاث دبابات بشرية وعدوية ينظر لهم بكل ثقةhttp://www.ra7ala.com/vb/images/smilies/smile.gifوتوصلنا لحل ان ادفع فقط نصف المبلغ المتبقى والذى كان يقدر ب650-ويبقى كدة الرجل عمل معانا واجب علشان طلعنا معرفة -الرجل السورى-لكن دة مايمنعش ان فعلا موفق السورى -حذر الرجل الهولندى ان يقوم بعمل اى شىء احمق مع عدوية -لانة وحسب قولة -الرجل دة خطر - (عدوية يعنى)طبعا اللى يشوف عدوية فى الموقف دة تقريبا -خس 25 ك -ماعلينا- وافقناودفع موفق السورى المبلغ من عندة وتركنا السيارة الثانية الفولفو واخذنا الميتسوبيشى وانصرفنا- ونحن نردد الشهادتين. http://www.qwled.com/vb/imgcache/88228.imgcache. اول ماخرجنا لقيت عدوية بيكلمنى بعصبية وبيقوللى -لية كدة بس لية تتصل بموفق وتخللية يسيب شغلة ويعطل حياتة ((الله مانت عارف ياعدوية))ماعلينا عديها دية !!((طبعا هو بيقول كدة وكدة قدام موفق السورى خاصا انة كان فرحان اوى لما عرف انى ح اتصل بية وفرح اكتر لما شافة قدامة)) رديت علية وفهمتة انى لو كنت اتصلت بالناس فى القهوة كانوا ح ييجوا يلاقونا اتعجنا اصلا وبعدين انت ياعدوية مين قالك تتنرفز على الناس وتهددها وتخبط على المكتب--قاللى انا كنت بخوفهم لكن طلعوا مابيخافوش وانا اللى خفت -يالا عدت على خير -بس الجراج دة بقى اللى اسمة toekomst انا مش ح اعتبة تانى ولا ح انفعهم ابدا ((على فكرة هذة كانت المرة الاولى لي ولعدوية ان ندخل هذا الجراج اصلا )) قدرت فى الحقيقة موقف عدوية ولحظات الرعب اللى عشناها--ودة مايمنعش ان موفق السورى مسك عدوية تقطيع وضحك طول الوقت وانا بصراحة مش قادر امسك نفسىhttp://www.ra7ala.com/vb/images/smilies/smile.gifhttp://www.ra7ala.com/vb/images/smilies/smile.gifhttp://www.ra7ala.com/vb/images/smilies/smile.gif بعدها ودعنا موفق وذهبنا فى طريقنا وكان يجلس بجانبى -عدوية - ومريح على الاخر ووصلنا عند منزلة وقبل ان ينزل من السيارة -قاللى -بقولك اية يا محمد مش عاوزين اى حد من اصحابنا يعرفوا اى حاجة عن اللى حصل (http://www.ra7ala.com/vb/images/smilies/smile.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/tongue.gif)رديت علية وقلت لة عيب ياعدوية -سرك فى بير- وقتها انفجر فية -قاللى لا والنبى حوش ياجن حوش -بتكلمنى كأنك ضربتلك اتنين تلاتة http://www.ra7ala.com/vb/images/smilies/biggrin.gifخلاص ياعدوية اهداء وانا مش ح اجيب سيرة لحد تركتة على وعد ان نتقابل فى المساء لنذهب سويا الى المقهى المصرية -للبحث عن بعض الترفية - المسافة بين بيتى وبيت عدوية مش كبيرة حوالى 2 كم بصراحة انا من ساعة ما مشيت من عندة لغاية ماوصلت البيت عندى وانا بضحك-عدوية صعب علية صحيح لانة حاسس ان صورتة اتهزت--لكن كل ما اتذكر ملامح وجهه افطس من الضحك وكل ما اتذكر الاختلاف الرهيب فى نبرات صوتة قبل وبعد افطس من الضحك--وصلت الى منزلى واخذت اولادى ليشاهدوا السيارة الجديدة-واخدنا لفة بيها او اخدنا زيرو على رأى اخواننا الاسكندرانية وطبعا اثناء اللفة كنت حكيت لاولادى اللى حصلhttp://www.ra7ala.com/vb/images/smilies/smile.gifماقدرتش ماحكيش بصراحة.. فى المساء وفى الموعد المحدد ذهبت الى عدوية كما هو الاتفاق وجدتة فى انتظارى -حالق دقنة ومروق-ونحن فى طريقنا الى المقهى المصرى http://www.aljazeeratalk.net/forum/u...1191719640.jpg سألنى كيف هى السيارة وشكرت لة فيها جدا وابلغتة انها نالت اعجاب اولادى--ذكرنى عدوية مرة اخرى ان لا نتحدث فيما حدث فى الجراج-وصلنا عند المقهى وبصعوبة وجدنا باركينج..برغم ان الباركينج مدفوع الاجر والساعة الواحدة انتظار قيمتها حوالى 3 ايورو وهذا النظام الملعون معمول بة فى معظم شوارع امستردام ولكن فى مناطق وسط البلد تكون التعريفة اعلى وتصل الى 6 ايورو فى الساعة وفى المناطق السكنية 3 ايورو فقط هذا كل يوم ماعدا يوم الاحد تكون مجانا ولكن باقى الاسبوع بداية من الساعة 9 صباحا وحتى 12 مساء لازم تدفع والا ... غرامة وممكن الونش ييجى كمان -المهم دفعنا ودخلنا المقهى ولسة يادوبك بنرمى السلام وفوجئنا بنوبة ضحك من كل اللى جالسين فى المقهىhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gifhttp://www.ra7ala.com/vb/images/smilies/biggrin.gif يتبع |
رد: ذكرياتى مع السيارات فى هولندا
اقتباس:
السوريين هنا قليلين جدا ومعروفين بالاسم بسبب قلتهم وعلى فكرة الملاحظ عليهم انهم قريبين جدا من المصريين فى الخصال والطباع..يمكن تكون للجمهورية المتحدة دور فى ذلكptmnlo123per122 وبالمناسبة -موفق - لما كان فى المقهى المصري بيلعب طاول ((عشرة الطاولة من 3 )) وتحت الطاولة 400 ايوروptmnlo123per111 يعنى حاجة تغيظ. |
رد: ذكرياتى مع السيارات فى هولندا
طبعا فى الوقت دة اول حاجة عملها عدوية انة نظرليhttp://www.ra7ala.com/vb/images/smilies/biggrin.gif-وانا نظرت له وكان حوار صامت ولكنى اردت القول انة (( موش انىhttp://www.ra7ala.com/vb/images/smilies/biggrin.gifمش انا والله ياعدوية )) اللى خلليتهم يستقبلونا بالضحك وجلسنا بعد ماسمعنا شوية تعليقات محترمة قابلتها انا بالابتسامة وعدوية استقبلها بغيظ .. زاد هذا الغيظ عندما قابلنا -موفق- السورى وكان مشغول بلعب الطاولة (وهو بالمناسبة من احرف لاعبى الطاولة على الاطلاق)طلب مننا نروح نجلس بجانبة وطبعا كان رد عدوية -لا خلص انت بس على مهلك واحنا منتظرينك -فى نفس التوقيت كنت قد علمت بوجود اكرم المحلاوى اللى اشترى منى السيارة الميتسوبيشى اللانسر ((اللى كنت مسميها وش السعد )) وعندما سألتة -السيارة عاملة اية معاك -قاللى يااااااااااة انت لسة فاكر دية راحت المقبرة من زمان -بس بصراحة كان وشها حلو علية اوى رجعلى بسببها من التامين مبلغ كبير اوى لانى عملت بيها حادثتين وماكنتش غلطتى--تذكرت وقتها حادثة كيس الزبالة وحادثة الطريق السريع مع صديقى -محمد عياد - وتذكرت الحادثة امام بيت اخى -وانتهى موفق من لعب الطاولة وجاء يجلس معنا وطبعا محمود عدوية بهدلة لما عرف انة هو اللى اخبر كل عرب هولندا باللى حصل معاةhttp://www.ra7ala.com/vb/images/smilies/biggrin.gifوقمت انا بدفع الفلوس التى دفعها موفق للجراج الهولندى بعد وقت قصير فوجئت -بصديقى المانى -يدخل المقهى واستقبلتة وتصافحنا وكنا ومنذ انتهاء الشراكة لم نتقابل وكان حديث ودى رائع جدا--وبالمناسبة المقهى المصري هذا واسمة (مقهى النيل) http://www.ibtesama.com/vb/imgcache2/12174.gif وصاحب المقهى اسمة -عبود -اصلا هو من المحلة شخصية محترمة جدا وخدوم جدا وعندة شعبية كبيرة ومعروف بشكل كبير طبعا المقهى هو السبب - ومقهى النيل -هو واحد من 4 مقاهى مصرية هنا -واحدة منهم اسمها -ام كلثوم- والاخرى-مزازيك- والاخيرة مش عارف اسمها لانى ماروحتهاش بس سمعت ان فى مقهى جديد تم افتتاحة -والمقهى لمصري هنا مربح جدا والسبب طبعا الشيشة---كيلو المعسل فى مصر تمنة تقريبا 14 جنية مصري ويباع الكيلو هنا حاليا بسعر 25 ايورو--هذا فى حالة بيعة بالكيلو - ولكن بالنسبة لاصحاب المقاهى الوضع مختلف لانهم يبيعونة على شكل حجارة- والحجر سعرة يختلف من مقهى لاخر ولكن اقل سعر هو 3 ايورو واغلاهم 5 ايورو ولو حسبنا فرق السعر ح نجدا ان كيلوا المعسل يصل الى سعر خيالى قد يكون اغلى من المخدرات - http://msnbcmedia2.msn.com/j/msnbc/C...d_5p.widec.jpg الكيلو الواحد بيعمل من 50 الى 60 حجر -نقول 50 فى 3 ايورو سوف تكون المحصلة 150 ايورو فى 8 جنيهات--احسبوها انتم بقى -هذا من اصل 14 جنية ثمن الكيلو فى مصرhttp://www.ra7ala.com/vb/images/smilies/redface.gif!! الجالية المصرية هنا صغيرة جدا قياسا بباقى الجاليات-واكثر جالية متواجدة هى التركية تليها الجالية المغربية--والسورنام لا تعتبر جالية -لانهم يعتبرون ان لهم حقوق فى هذة البلد نتيجة احتلال هولندا لهم فى وقت من الاوقات واستيلائهم على ثروات السورنامة-وهناك ايضا احساس عام من المغاربة والاتراك ان لهم حقوق كبيرة واصحاب فضل على هذة البلد -خاصا وان اجدادهم هم من عمروها بعد الحرب العالمية الثانية http://www.ibtesama.com/vb/imgcache2/12175.gif - والاتراك والمغاربة الموجودين الان يعتبروا الجيل الرابع--وكلنا يعلم انة بعد انتهاء الحرب رفضت الحكومة المصرية ارسال عمال لتعمير هولندا فى وقت وافقت فية الحكومتان المغربية والتركية--وفيما عدا ذلك نجد اناس من جميع الجنسيات اللى فى الدنيا-ولكنهم اقلية مثل المصريين والمصريين هنا تجدهم فى جميع مناحي الحياة-بداية من اساتذة فى جامعات واطباء رؤساء اقسام ومستشفيات ومنهم ايضا جنرالات شرطة حتى عمال نظافة والاغلبية المطلقة تجدها فى مجال المطاعم مابين اصحاب مطاعم ومابين عمال فى مطاعم وايضا فى اخر كام سنة اصبح الكثير من المصريين يعملون كسائقى تاكسى--لا يوجد اتحاد للمصريين هنا بالمعنى الصحيح ولكن هناك اجتهادات من بعض الاخوة القدامى هنا -وبمناسبة ذكر القدامى- يقال ان اول مصري جاء الى هولندا من 800 سنة ولا اعرف مدى صدق هذة المقولة - ولكن ومن خلال تجربتى ومع اناس قابلتهم بالفعل -هناك عدد كبير من المصريين جاء الى هنا بعد حرب 73 مباشرا- وهم اصبحوا عواجيز الان ولهم احترام من الجميع ومازال حتى الان يأتى كل يوم مصريين--هناك من يصبر ويتحمل وهناك مالا يطيق الغربة والبرد ويكون الرجوع قرارة.. برودة الجو هنا تؤثر على المشاعر الا من رحم ربى..وكما هو الحال فى كل مكان -المصريون هنا مختلفين -لكلا منا فكرة وامكاناتة وحلمة الذى يتمنى ان يحققة.تعلمت الكثير والكثير عن السيارات بصفة خاصة وبالفعل انا اقود السيارة حسب القانون وبمهارة فائقة ولكنى ايضا اعترف انى فى ميكانيكا السيارات ضعيف جدا وبرغم اهتمامى الدائم بنظافة سيارتى واهتمامى ان تكون دائما رائحتها زكية الا اننى مقصر فيما يتعلق بالصيانة الميكانيكية المهم نرجع للمصريين. خلال سنوات عدة قابلت الكثير والكثير منهم -قابلت من علمنى وقابلت من تعلم منى هناك من جاء هنا لتحقيق حلمة البسيط الا وهو ان يمتلك -بقرتين- او جاموستين((الكلام دة حصل فعلا )) -ولهم منى كل الاحترام -قابلت من جاء هربان من مصر بسبب احكام قضائية او هربا بقوت الشعب المصري وقابلت من اقيم علية الحد وفرقوا بينة وبين زوجتة وفر هاربا من مصر قابلت من يبحثون عن الحريات المختلفة ومن يسعون للحصول على حق اللجوء السياسى ووقتها ينكرون انهم مصريون ومن يبحث عن حق اللجوء الطبى والجنسى والعقائدى بالاضافة الى اللجوء السياسى وهو الاشهر بين العامة واغلبيتنا لا يعرف الكثير عن الانواع الاخرى من اللجوء. وقابلت من جاء للتمتع بجمال البلد وقابلت الكثير من الشخصيات العامة فى مصر الذين يحضرون الى هنا للتمتع بجمال البلد على حساب بعض الاغنياء المصريين هنا -قابلت فنانين كثر يحضرون من اجل حفلات للجالية العربية قابلت من جاء لحضور دورة تابعة للشرطة الهولندية من ظباط شرطة مصريين ولكنة قرر الهروب والعمل كعامل نظافة فى المطاعم والان اصبح صاحب مطعم-قابلت من لعب الشيطان برؤسهم وصادقوة واصبح الخمر والقمار هو حياتهم وخسروا كل شىء ولا يقدرون على العودة وضاع منهم كل شىء -قابلت من جاء ليفوز بشهادة علمية تضعة بين الصفوة فى مصر قابلت من جاء للتجارة ومنهم من يعود ومنهم من لايعود وتعجبة الحياة هنا--قابلت لاعبى كرة حضروا من اجل الاحتراف-ومازالت تربطنى باغلبيتهم صداقة قوية- ولعبت الصدفة ادوار هامة فى مقابلة شخصيات عالمية-وكنت يادوبك بسلم عليهم-ممثلين من هوليود ومطربين جاز وبوب-قابلت شخصيات سياسية كبيرة برضة بالصدفة وكان بينى وبين بعضهم حوارات طويلة.. واتذكر يوم ذهبت الى عملى وكنت وقتها مدير اول مطعم فى هولندا مخصص للمكفوفين- وطبعا المكفوفين يعملون بة اما الزبائن فهم -اصحاء- ووقتها علمت ان (((( فيم كوك ) http://www.ra7ala.com/vb/attachment....2&d=1266502681 رئيس وزراء هولندا السابق سوف يأتى اليوم ومعة اعضاء حزب العمل وعددهم 14 رجل وامرأة وحتى لا تحدث اخطاء قررت ان اساعدهم انا فى كل شىء - وبالطبع كانت تجربة جديدة عليهم ان يتناولوا طعام فى غرف مظلمة ظلام تااااام- ووقتها هممت بمصافحة http://www.ra7ala.com/vb/attachment....3&d=1266502706 (((( فيم كوك )))) وقال لى نحن جميعا نضع ثقتنا فيك--ورديت علية بقولى عليك ان تثق في فأنا مصدر ثقة عند اولادىhttp://www.ra7ala.com/vb/images/smilies/biggrin.gifوضحك كثيرا وكان يوم رائع وعرفت من خلالة ان رئيس وزراء هولندا لابد ان يكون هناك -كوب- لبن رايب برفقة اى طعام يتناولة واصبحت انا فيما بعد اتناول اللبن الرايب يوميا.. اتذكر وقت ان قابلت (( يوهان كرويف )) اسطورة كرة القدم الهولندية وكان وقتها معة اللاعب ( فرانك دى بوور) وهو لاعب دولى سابق ايضا وسلمت عليهم ودار حديث عن الكرة قصير جدا وبالفعل كان حلم من احلامى ان اقابل (( يوهان كرويف )) قابلت -روود جولليت- http://www.ra7ala.com/vb/attachment....4&d=1266676136 روود جولليت مهاجم منتخب هولندا الفذ اكثر من مرة وابنة يلعب ايضا كرة قدم وفى نفس المرحلة السنية التى يلعب لها ابنى-وهو شخصية رائعة ومتواضع لابعد حد كل هذا واكثر مررت بة تجربة كبيرة وخطيرة والحمدلله لا توجد عداوات بل لي اصدقاء فى كل مكان ودائما ما اجد من يقف بجانبى وانا بدورى لا اتأخر عن احدا.. وكسبت حب واحترام الجميع والان. ارى اننى سوف اتوقف عن سرد باقى الاحداث وقد تركت اخر 5 سنوات لم اقترب منهم ولم اذكرهم وقد يأتى حينهم!!!!!!!! الان اسمع احدهم ينادى علي -صوت يأتى من بعيد.... من بعيد ....من بعيد الصوت يقترب ويصاحبة الان هزة فى كتفى وقد اصبح الصوت اكثر وضوحا محمد ..... محمد .... محمد انت روحت فين ؟ افقت من سباتى على صوت صديقى الذى جاء لوداعى قبل سفرى لاول مرة!!! وهو يقول لي ! لسة ماجاوبتش على سؤالي؟ تمت <!-- / message --><!-- attachments --> |
رد: ذكرياتى مع السيارات فى هولندا
وانا اللى كنت بحب محمود المصرى ده انته طلعت حكايه يا استاذ جنيدى
بس بما انى محلوى عايز اسال كام واحد قبلته من المحله هناك وانتى دلوقتى عايش فى مصر ولا لسه فى هولندا ولو فى مصر يبقا قعدة كام سنه فى هولندا |
| الساعة الآن 10:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017