|
رد: اسبرانزا تيجو - مميزات و عيوب
الأخ Medo Akef
شكرا على مشاركتك لكن أنا حاسس إنك متحامل شوية على صاحب الموضوع و على السيارة أولا إيه المشكلة إن صاحب السيارة يقول رأيه فيها سواء بالإيجاب أو بالسلب ثانيا صاحب الموضوع ما قالش إن التيجو أحسن عربية فى الدنيا و مفيش زيها لكنه قال مميزات و عيوب من وجهة نظره ثالثا ذكر إن فيه عيوب فى مركات كتير زى التيوتا أو التريوس دى حاجة معروفة و صاحب الموضوع برضه ما قالش إن التيجو أفضل من التيوتا أو التيريوس لكن قال إن دول فيهم عيوب زى ما التيجو فيها عيوب رابعا إيه إللى جاب سيرة الميتسوبيشى بتاعة حضرتك و رغبتك فى إنك توريه مش عارف إيه على الدائرى خامسا الفديو بتاع حضرتك جايب عربية تمنها 15 أو يمكن عشرين ضعف تمن التيجو فيبقى إيه وجه المقارنة سادسا برضه الشيروكى تمنها أضعاف تمن التيجو و محركها قوتة ضعف محرك التيجو فطبيعى تبقى العربية الأغلى أفضل و محدش يقدر ينكر الكلام ده أو يدعى إن التيجو أحسن من الشيروكى أو غيرها من عربيات الدفع الرباعى سابعا التيجو إللى صاحب الموضوع بيتكلم عنها مش دفع رباعى أصلا و ليست مخصصة للعمل خارج الطرق الممهدة - يعنى هى فعلا للفسحة فى الجنينة و إيه المشكلة فى كده و صاحب الموضوع ما قالش إن التيجو هتقطع الصحارى و الجبال ثامنا إللى معاه مليون و 400 ألف و عايز يشترى عربية لاند كروزر يبقى يا زين ما إختار و محدش ينكر كده و إللى معاه 130 ألف و عايز يجيب تيريوس يبقى إختار عربية كويسة برضه على قد فلوسه و إلغلبان إللى ممعهوش غير تمن التيجو و نفسه يركب عربية عالية و شبه عربيات SUV يبقى نقوله ربنا يبارك لك - و حافظ عليها و ما تفتكرش إنها زى العربيات الغالية التانية أخيرا أنا فاهم إنك حاسس إن إللى بيشترى عربية صينى يبقى بيضيع فلوسه و إنك بتحاول تنصح الناس لكن يا ريت من غير تقليل من شأن الناس إللى بتشترى العربيات الصينى أو بتعجب بيها لإن فى النهاية دى مسألة أذواق و ررغبات و كل واحد ينام على الجنب إللى يريحه |
رد: اسبرانزا تيجو - مميزات و عيوب
اقتباس:
|
رد: اسبرانزا تيجو - مميزات و عيوب
اقتباس:
السلام عليكم أخ Medo akefنا لسه يادوب شايف مشاركتك اللواقتى فى البداية طبعا احب اشكر اخى أ/حازم لرده الوافى اللى احتوى على معظم اللى كنت عايز اقوله اولااحب اضيف ان اللى كتبته عن العربيات التانية بناء على تجربة اصحابها و مش واحد ولا اتنين يعنى اما 5 او 6 أشخاص اعرفهم ده غير اللى فى المنتديات معاهم شيروكى ليبرتى يجمعوا على ان ثباتها ضايع بعد 100/110ده غير انها قلبت قبل كدة بقريبة واحد صحبى و هى بتاخد ملف ونفس الموضوع بالنسبة للتيوتا الياريس اللى تقربيا 75% من ملاكها سواء هنا فى المنتدى او منتديات اخرى اجمعوا على العيوب اللى ذكرتها من قبل يعنى مش بجيب كلام من دماغى الحاجة التانية انا مش بقارن التيجو بالتيوتا او الشيروكى او بعربيات تانية بس حبيت اوضح ان زى مافيهم مميزات فيهم عيوب برده وفى التقييم ده وضحت المميزات و العيوب اللى وجدتها خلال فترة استخدامى للتيجو الحاجة التالتة الفرامل كمان ممتازة جدا و اثبتت ده معايا فى كذة موقف منها كنت على طريق السفر(بورسعيد/اسماعلية) و عربية نقل كانت طايرة من جنبى و فجأة راح كاسر علياو الحمد لله روحت مفرمل جامد العربية نزلت من سرعة 110 تقريبا الى 20 فى لحظة و الحمد لله ربنا ستر فلو مكنتش الفرامل كويسة الله اعلم ايه الل كان ممكن يحصل<!-- google_ad_section_end --> الحاجة الرابعة انا مقولتش ان العربية بتاعة شد و كلام من ده بس بالنسبة لى سحبها ممتاز و اداءها مرضى جدا الحمد لله فيه واحد صحبى لسه جايب شيروكى 2008 الشكل الجديد 3700 سي سي من شهر تقريبا المهم اما خليتو ساق التيجو بتاعتى بيفتكرنى بشتغلو اما قولتلو ان الموتور بتاعها 1600 سي سي طبعا الفرق لصالح الشيروكى فى العزم و السحب بس مش فرق 1600 ل 3700 سي سي كان فاكر التيجو معدية 2000 سي سي و علشان سيادتك بس تبقى عارف هو كمان معاه لانسر 2007 و قاللى شتان فى العزم بين التيجو والميتسوبيشى و مكنش متخيل ابدا ان التيجو الصينى تكون كدة خالص بس خيبت ظنه حاجة كمان انا مش فاهم ايه علاقة الفيديو اللى انت جايبو ده للهامر اللى هى اكتر من 5000 سي سي و معدية 800 الف جنيه بالموضوع اصلا المقصود باضافة الفيديو ده للتيجو فى التقييم لتوضيح انها برده ليها القدرة للمشى فى الطرق الغير ممهدة و بالتالى القدرة على المشى فى شوراعنا المليئة باالمطبات و الحفر بكفاءة عالية و دى من احد مميزاتها(اعتقد ان كفاية ان عربية زى التيجو بالسعر ده تدخل الرالى و تكمل السباق و تاخد مراكز كمان) انت شايف ان سعر90 الف جنيه كتير فانت حر دى وجهة نظرك فى النهاية احب اضيف ان الحمد لله العربية تعتبر صفقة رابحة و لسه عند راى انها تستاهل اكتر من ثمنها بحوالى 3 أضعاف ممكن تشوف مدى انتشارها الكبير فى الوقت القصير ده اد ايه وكمان بتتباع اعلى من سعرها الرسمى من 4 الى 6 الاف جنيه مما لايدع مجال للشك ان منطقيا كدة مينفعش عربية مش ناجحة تتباع باعلى من سعرها ولا ايه؟؟؟ |
رد: اسبرانزا تيجو - مميزات و عيوب
اقتباس:
|
رد: اسبرانزا تيجو - مميزات و عيوب
العربيه سعرها زاد 3000 جنية يا شباب يعنى بقيت ب 82900 كل الأنواع بتنزل فى السعر ودى بتزيد ده معناه ايه ؟؟؟؟
|
رد: اسبرانزا تيجو - مميزات و عيوب
اقتباس:
لو انت مش عجباك العربية انت حر بس مفيش داعى تقول كلام مش صحيح و ملوش لازمة يعنى ايه انا اول واحد تشوفه يقول الكلام ده على الياريس ؟؟؟ ممكن تدخل على اللينك ده للاستاذ/abonora بيتكلم فيه عن تجربة الياريس http://www.masrmotors.com/vb/showthread.php?t=8680 ده بس واحد من موضوعات كتير بتتكلم عن العيوب نفسها سواء هنا فى المنتدى او منتديات اخرى ده غير اللى انا اعرفهم فى بورسعيد عندهم العربية و بيقولو نفس الكلام بس مش ده مجالنا لبيان مميزات و عيوب الياريس ومش عارف ليه انت مصمم اللى انا بقارن التيجو بعربيات تانية !!!! انا بس اديت امثلة لعربيات تانية فيها عيوب زى ما برده فيها مميزات وده كان بناء على تجارب اصحابها لتوضيح ان زى مافيه عربيات صينى فيها عيوب كمان فيه يابانى و امريكانى فى عيوب برده الموضوع ده انا عملته بناء على طلب احد الاخوة الاعضاء فى المنتدى لتوضيح مميزات و عيوب العربية و ليستفيد منه جميع الاخوة الاعضاء زى ما نا استفدت و مازلت باستفيد كتير من اراءهم بالنسبة لموضوع انتشار الاسبرانزا, فيه عربيات تانية صينى أو كورى أو حتى اوروبى كتير و فيها كماليات اكتر من الاسبرانزا و مع ذلك لم تنتشر ولا حد بيسمع عنها حاجة اصلا و اعتقد يعنى ان معظم الناس اللى اشتروا الاسبرانزا تعبانين فى الفلوس واكيد يعنى مش حيرموها فى الارض مش عارف موضوع ايه بالظبط اللى اتحسم !!!! مش عارف بجد انت عايز ايه بالظبط |
رد: اسبرانزا تيجو - مميزات و عيوب
ربنا يباركلك فيها
|
| الساعة الآن 03:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017