مصر موتورز مجتمع السيارات - هل لمسطره الرشاشات دور فى زياده استهلاك البنزين

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - هل لمسطره الرشاشات دور فى زياده استهلاك البنزين (https://www.masrmotors.com/vb/showthread.php?t=83257)

رد: هل لمسطره الرشاشات دور فى زياده استهلاك البنزين

اقتباس:

المشاركة الأصلية كتبت بواسطة samirayad (المشاركة 654306)

ينفع تقيسهم بنفسك

لو تقدر تستخدم جهاز الأفوميتر

بعد ضبط تدريج القياس على وحدة الأوم

مقاومة الرشاش الطبيعيه لمحرك 1600 سى سى أو 1500 سى سى

بتتراوح من 11.6 إلى 12.4 أوم

انا فعلا بستخدم الافوميتر والجهاز متوفر معايا بس ممكن اعرف طريقة القياس ازاي وهحتاج افك الرشاشات ولا وهيا مكانها راكبة
:Wkiss5:

رد: هل لمسطره الرشاشات دور فى زياده استهلاك البنزين

اقتباس:

المشاركة الأصلية كتبت بواسطة samirayad (المشاركة 654051)

راجع هذا الرابط

http://www.masrmotors.com/vb/showthr...d=1#post654046

على فكره

حساس البوابه مش شرط يظهر على الأسكانر

tps اللى هو حساس البوابه اللى هو فوق البوابه؟؟
ممكن صوره يا استاذ سمير بعد الاذن

رد: هل لمسطره الرشاشات دور فى زياده استهلاك البنزين

اقتباس:

المشاركة الأصلية كتبت بواسطة waleed_d82 (المشاركة 654316)

الموضوع سهل جدا

هتفصل بس فيش الرشاشات

هتبص تلاقى مكان مابيركب الفيشه فى الرشاش طرفين

هما دول بتوع ملف الرشاش

قيس بأه وعيش وخد القراءات

والرشاشات مكانها على المكنه

رد: هل لمسطره الرشاشات دور فى زياده استهلاك البنزين

اقتباس:

المشاركة الأصلية كتبت بواسطة mazen mazen (المشاركة 654319)

tps اللى هو حساس البوابه اللى هو فوق البوابه؟؟
ممكن صوره يا استاذ سمير بعد الاذن

حساس البوابه غير بلف الأيدل كنترول

فحساس البوابه مسئول عن تعريف وحدة التحكم

بأن السواق دايس على البنزين أد إيه

وبيكون راكب على نهاية أكس البوابه من الجانب المقابل محوريا بالضبط

لبكرة الأكسراتير

وجواه بأه قصص وحكايات

وبيعمل تحت نظرية المقاومه المتغيره

( بوتنشيومتر )

زى مقتاح الصوت ( الفوليوم ) بتاع الراديو بتاع زمان

شوف المنظر التشريحى عامل إزاى

http://www.aa1car.com/library/tps.gif

قرص البوابه THROTTLE VALVE ...نصه مرسوم قدامك

وفى الجانب إلى مقطوع منه نص القرص

( الشمال لأعلى ) بتتواجد بكرة الأكسراتير

الراكب عليها واير البنزين

والحساس باين من جوه حاليا أمامنا

لو تلاحظ أن أكس البوابه بيركب عليه الحساس

فى أمتداد أكس تانى صغير

( جوه الحساس ) على نفس محور أكس البوابه

وأكس الحساس الصغير ....إللى على أستقامة

أكس البوابه

عليه زراع متحرك عمودى فى نهايته

( أبو سهم قدامك )

نهاية الزراع المتحرك ( بوز السهم )

بتتحرك على مقاومه ثابته

لإستقطاع قيم منها مع ضغط السواق على الدواسه

النظريه دى فى هندسة الكهرباء بتسمى

بالبوتنشيومتر
000000000000000000

بالشكل ده ومع ذهاب إشاره لوحدة التحكم فى

صورة 5 فولت أو أقل

حسب وضع الزراع المتحرك على المقاومه

الثابته

بتعرف وحدة التحكم

البوابه مفتوحه أد إيه

وبيتعمل بأه حساسبات ضخ البنزين من

الرشاشات

مع إشارات حساسات أخرى زى الماب والحراره

والشكمان وخلافه

من خلال برنامج مبرمج داخل ذاكرة وحدة

التحكم

وبناء عليه

بيتم تحديد ال PULSE WIDITH

أى الزمن المقرر لفتح الرشاشات

حسب الحمل المطلوب من المكنه

بناءا على جميع المتغيرات الطبيعيه

التى تمر بها المكنه

رد: هل لمسطره الرشاشات دور فى زياده استهلاك البنزين

اقتباس:

المشاركة الأصلية كتبت بواسطة samirayad (المشاركة 654324)

شكرا واحلي حاجة انك مش بتبخل علينا بأي معلومة :Wkiss5: