رد: بتحب انهى مدرسة فى صناعة السيارات
 

تحليل رائع يا باشمهندس
المشكله الموضوع عاوز تركيز و انا دماغي مش معايا اليومين دول لان فيه عربيه مجنناني
ناوي احكي القصه في منتدي سوزوكي علشان الناس تاخد بالها

رد: بتحب انهى مدرسة فى صناعة السيارات
 

يا جماعه بعد الجدل الحصل بخصوص الفرنساوي احب اضيف حاجه بسيطه كده


ان الفرنساوي الناس مبقتش تفضله لان التكنولجيا بتاعته معقده و متطوره جدا و في بلدنا الكلام ده مينفعش

و لكن لو هنبص علي موديلات الفرنساوي حتي بدايه الالفيه الثانيه

سنجد ان الاعتماديه فاقط الحدود


و انا اقسم بالله عربيتي عملت مليون كيلو و 154 الف بدوووووووووووووووووووووون عمره نهائي

طقم شنبر ممكن جوان وش سلندر ممكن لكن عمره لا يعني عربيه مشيه بقالها 19 سنه اهوووو و لسه

رد: بتحب انهى مدرسة فى صناعة السيارات
 

و الله يا جماعه انا مبهاجمشي السيارات الفرنسية اعتباطا

بس عن تجارب ،،

هيا مش شخصية ،، للأمانة

بس مثلا زميل ليا في الكلية اشتري ستروين ِ AX ( الصغيرة دي مش متأكد من اسمها )

ماستحملتشي معاه سنين الكلية حتي ،،

عالطول مشاكل في العفشه و الفرامل

و باعها ب 21 الف في عز غلي العربيات و جاب لانوس لنفسه و فيرنا للمدام

اللي اشتري ساعتها لانوس او اكسنت او برايد بنفس السعر بيبعها دلوقتي ب 45الف ل 35 الف

يعني مخسرشي و لا جنية

عربية 307 SW التحفة دي ،، اللي لما بشوفها في الشارع باتهبل و هيا زيرو بتطقطق في الملفات

الميجان طبعا حكاوي و قهاوي و من ناس اعرفهم شخصيا

ايمن باشا ،،

انا مش شايف اسعار هيونداي مبالغ فيها اطلاقا و لو مبالغ فيها في رينج معقول

و كيا مش مبالغ فيها خالص

باستثناء الفيرنا ( و ده حال سيارات التجميع المحلي ) و الماتريكس ( عشان بس واخدين علي سعر شكلها القديم )

ببساطة اوي انهه شركة عندها التشكيلة دي كلها تحت 120 الف جنية

الالنترا لما يبقي موتور 122 حصان بتكنولوجيا cvvt و فتيس بتكنولوجيا cvt و باور كهربا و مساعدين غاز و سير كاتينه جنزير و واخده جائزة افضل سيارة في فئتها في امريكا ( تقارير المستهلك الامريكية ) و بشكل حديث متصمم في الولايات المتحدة و بخامات تابلوه مش موجودة في اي سيارة في سعرها وكل ده ب 105 الف (خليجي فيها ايرباجز و ايه بي اس و جنوط سبور )

يبقي مين المنافس ؟؟؟

ده اقرب منافس ليها الكورولا و الشارك بتتكلم في 150 الف

انا الصراحة مبستوعبشي خالص كلمة مبالغ في سعرها خالص دي ،،،

امال الشارك و الكورولا الجديدة الجنوب افريقي و السيفيك يبقي اسعارهم ايه ؟؟؟

رد: بتحب انهى مدرسة فى صناعة السيارات
 

علي فكرة انا بتعمد مقارنشي اي اسيوي باوربي

لاني مقتنع انهم عوالم مختلفه و مدارس مالهاش علاقة ببعض

اللي بيركب اوربي ايا كان الاسيوي بالنسبة له عربية لعبة و مجرد وسيلة مواصلات

و الكلام ده سليم جدا لحد كبير

الاوربي عربيات معمولة عشان تحترم سائقها و تديله متعة قيادة و تحسسه بالجودة في كل شئ

رد: بتحب انهى مدرسة فى صناعة السيارات
 

عموما الموضوع ده

شجعني اني انقل موضوع فكاهي كاتبه م/ فادي في منتدي اخر ،،

**** سيارات العالم في عيون المصريين ****

الايطالى : ميزة و لا اتنين و الباقى اسباجيتى... مع شكر خاص من جموع الميكانيكية الى شركة فيات الايطالية!

الألمانى : ادفع كل ما فى الجيب... و اكتشف بعد ذلك أنك تركب سيارة عادية جدا!مفيش حاجة زيادة يعنى.

السويدى : ميزتها الأمان...فقط!

الانجليزى: متبصش على أداءى...بص على الى مدفوع فيه!

الفرنساوى: اذا كان مشوراك 200 كيلو فسوف تقطع ال100 كيلو الأولى فى راحة و هدوء... لوكانت سيتروين أو رينو فسوف تتعطل بك و تتركك على قارعة الطريق, و لو كانت بيجو فسوف تنقلب بك و تتركك على قارعة الطريق أيضا, ده لو عشت!

الروسى: عبق الستينات! التكييف و الباور اختراع رأسمالى.

الأمريكانى: اذا نجحت فى تحمل سخافتها و قيادتها غير الممتعة, فأنت مقبل على أزمة اقتصادية طاحنة!

اليابانى: سيارة لعبة.

الكورى: تقليد لسيارة لعبة.

الصينى: سيارة لعبة مغشوشة!

المصرى(و تمثلها شركة النصر للسيارات عملاق صناعة السيارات فى الشرق الأوسط و المأسوف على شبابها رمسيس) : لن تدفع الكثير... و لن تحصل على شىء فى المقابل اللهم الا على فرحة ركوب سيارة بعد 7 سنوات من انتظار الحجز!