المشاركة الأصلية كتبت بواسطة khaled al sharif (المشاركة 338311)

حبيبي سام معلش إتأخرت في الرد عليك بس الكهرباء قطعت ولما طولت روحت نمت
ياعم من ساعة مانجحت في إنتخابات مصر موتورز......وعقبال إن شاء الله ما تنجح في الإنتخابات الرئاسية إللي جاية في مصر وتونس يالله

صح كلامك أنا لوبصيت للألماني في التسعينات ها لاقي ليه شخصية تصميمية ومستوي جودة وتكنولوجيا متقدمة عن غيره ..أنا رأي ده يحصل داخل الجيل الواحد يعني خمسة أو ستة موديلات علي إعتبار الجيل يمثل عشر سنوات .... بس تغيير الأذواق وطفرة تكنولوجيا تصنيع السيارات مع بداية الألفية الثانية وكمان إتساع المنافسة ودخول دول جديدة فيها زي كوريا والصين ... والظروف الإقتصادية المتغير زي أرتفاع أسعار البترول والكساد العالمي وإنخفاض مستوي دخل الفرد في أمريكا وأوربا ... خلي فيه فكر ثوري في تصميم وإنتاج عربية جذابة وعملية ... طبعا أنا هنا مش بكلم بقه عن النوعيات الخاصه زي اللامبورجيني ... والجي تي ار ... وغيرها .... بكلم عن العربيات الأكثر إستخداما ومبيعا ... وها أديك دليل بص لأي عربية مرسيدس في التسعينات لحد 2000 تلاقي عربية عريضة ضخمة الحجم تتميز بالرحابه وقوة الموتور وبص لموديلات المرسيدس الحالية إقتصادية الحجم إقتصادية الموتور عالية التكنولوجيا
وده أثر علي شكل الخطوط المميزه للمرسيدس وصدقني صدقني زمان لما كنا نشوف المرسيدس جايه أو رايحه من بعيد كنا بنعرف إنها مرسيدس لاكن دلوقتي التشابه في التصميم بيخليني أحتاج أأقرب أكتر عشان أعرف ماركة العربية أنا ببقي متوقع مثلا إنها مرسيدس تطلع بي إم ولا أودي ولا ... غيرها .... تداخل التصميمات والتقليد كتر وبقه شكل العربية بيتسرق وهي لسه كونسبت ... ده إللي أنا عايز أقوله .... بخلاف إن أزواق وإمكانات الجيل ده غير إللي قبله وإللي قبله .... ولك إحترامي وتحياتي .....

المشاركة الأصلية كتبت بواسطة sam ram (المشاركة 338831)

الله يخليك يا استاذ شريف
وانا معاك ان التصميم لازم يكون مرتبط بالاوضاع السياسيه و الاقتصاديه لانها بتأثر على المواصفات و المقاييس و بالتالي الخامات و الشكل

بس انا منجحتش في انتخابات مصر موتورز ...

انا حتى مخدتش اي اصوات ...
اصلا انا مرشحتش نفسي من الاساس :08A742~169:
شكلك عارف حاجه و مخبي علي