رد: تجديد بيجو 505
 

الموتور الانجكشن مش ينفع يركب عندك ياباشا والكلام دة عن تجرية كنت عاوز اغير الموتور عندى بواحد استيراد بس اية كان زيرو وبتكيفة وكل حاجتة وكان انجكشن وكان سعرة عامل كدة من تلت سنين 8 بواكى ولما اخدت الميكانيكى بتاعى وروحنا نعاين قالى الموتور دة مش ينفع عندى ليييييييييييية ؟
اولا قواعد الموتور مختلفة تماما
ثنيا تجويف الرفارف ابعدها فى الطيارة اوسع

الحالة الوحيدة الى ينفع تركبة فيها هى انك تعمل شغل فى حوض الموتور بقى شغل سمكرة ولحام ودوشة كبيرة ولحد انهاردة والله زعلان انى مش ركبت الموتور دة كان جبار بصراحة شكلة لوحدة كان حكاية وربنا معاك ياباشا

رد: تجديد بيجو 505
 

ألف شكر يا حماده باشا على الر د الموجز المفيد .

يعنى سيادتك تنصح أنى أغير الحاجات دى و أركب الموتور لو لقيت حاجة نظيفة ولا لأ؟؟؟

لأنى لو عملت كده مش هبيع العربية لكن لو معملتش كده , هفكر أنى أغيرها و أجيب مرسيدس معدل أو زلمكة 200 , زى ماربنا يرزق بأة .

رد: تجديد بيجو 505
 

العفو يا باشا انت تأمر
شوف يا يا سيدى لو انت هتنكش العربية يعنى العربية محتاجة يتعمل فيها شغل اصلا سمكرة وكلام من دة فخلاص ومالة توكل ع الله واعمل الشغل دة فيها وهات الماتور دة لانة بجد جباااااار
لكن لو العربية مفهاش شغل اساسا يخليك تفتح فيها فيبقى حرام تعمل اى حاجة الا اذا كنت عاوز تسيبها معاك
بس انا رايى طبعا انك تبيعها وتجيب زلمكة لان قطع غيار البيجو ال 505 بقت مشكلة كبيرة الفترة دى والاستيراد بقى عبار عن خردة وسعرة غالى كمان وقطع الغيار الجديد مش كويسة فالموضوع دة هيتعبك فانت قبل ما تعمل حاجة لازم تفكر وتعمل حساب كل الكلام دة
لو ودامك زلمكة نضيفة توكل على الله بس لازم تعمل حساب اسعار قطغ غيارها بردة علشان مش تتبهدل معاها فى المصاريف وسيبك من التمساحة (المرسيدس المعدل) لانها خلاص راحت عليها وزيها زى البيجو 505
وربنا يعينك ان شاء الله ويوفقك فى اختيارك وانا تحت امرك فى اى وقت

رد: تجديد بيجو 505
 

هى بصراحة العربية مش محتاجة لا سمكرة و لا أى حاجة , أنا كنت عاوز أعمل الموضوع ده بس عشان عاوز أركب تكييف لأنها مش مكيفة و بصراحة مشكلة العربية دى معايا هى بس, التكييف لأنى فى الصيف بكره نفسى من الحر و أنا عارف أنى عشان أركب التكييف , لازم الموتور تكون حالته ممتازة عشان يشيل التكييف , و بصراحة لأن العربية معانا من زمان و احنا أول يد فأنا مستخسر أبيعها و أبدأ ادور على حاجة تانية نظيفة لسه , طاب ايه رأيك لو عملتلها عمرة و جبتلها أحسن نوع بساتم , ممكن بعد التليين , أركب تكييف و لا ماينفعش؟؟؟؟

شكرا و جزاك الله كل خير .

رد: تجديد بيجو 505