مصر موتورز مجتمع السيارات - احدث طرق النصب (خد حذرك من ضبط ضغط الأطارات)

اقتباس:

المشاركة الأصلية كتبت بواسطة Felefel Ahmed (المشاركة 629007)

السلام عليكم
معلش هطول عليكم
طريقه النصب أنك بتكون 90% علي طريق سفر
لو بنزينه
بتدخل تحط بنزين
يسيبك حتى تقف امام طرمبه البنزين
يقولك أسفين يا فندم مفيش بنزين أو لو فيه يحوطلك
أول ما تمشى بالعربيه يوقفك ويقولك (خلي بالك يا فندم الفرده مريحه , ربنا يسلم طريقك)

طبعا بيشاور علي الفرده الأمام يمين (مش ممكن تشوفها)
شي طبيعى انك تشوف امامك بتاع كاوتش داخل نفس البنزينه فتروح عليه يزودها

أول ما تروح تزود (هتلاقى 2 صنيعيه) ألي قدام هيزود الفرده (طبعا هو مش بيزود) ويقولك اطلع قدام (هيحاول يزاولك 30 ثانيه بس علشان متنزلش من العربيه)
بعد كده هيقولك يا باشا ممكن ثواني تنزله جنب العجله ويسألك (أي كلام )
هو الدركسيون مش بيرمي معاك؟ هو انت مشيت علي زجاج
المهم هيحسسك ان فيه مصيبه
ويقولك اصل أكيد فيه خرم
ويبدأ يقاولك علي سعر الخرم (بعد ما يطمن علي سعر الخرم) انت ملكش مفر علي طريق سفر هتعملها عنده يعنى هتعملها (حتى لو عارف انه نصاب) (أثبت؟)
المهم يرفع العربيه ومن الأخر الجنب ألي من ناحيته (فردتين العجل اليمين) هيطلع منهم من 10 الي 20 خرم (طبعا ده بيعتمد علي سرعته فى خرم الكاوتش)
حضرتك شايف بعنيك خرم خرم بالدور (مش ممكن تكدبه)

نفس الكلام لو واحدبتاع كاوتش مبيخفش ربنا (للأسف كتير أوي الأن)

اللعبه كما يلي

- فى البنزينه حضرتك بيتألك (الفرده مريح حتى لو سليمه) حصلت معايا ونزلتله من العربيه (ومرمط بكرامت أهلهم الأرض) اصل انا معايا منفاخ بضغط بتوعي

- صنيعى الكاوتش معاه (حرف T) بمشبك صوبع ونهايه ال T عباره عن مغراز (المغراز زي مسمار حاد جدا)
بينزل يوطي وبيخرم الفرده بسرعه مهوله وهستيريا
(طبعا 90% من الخرام بتكون فى الحتت الواطيه من الكاوتش مش فى النقشه العاليه)
90% من الخرام بتكون في محيط 20 سم فقط
طبعا التيوبلس مع خرم حاد ورفيع مش هيعمل صوت

رجاء رجاء رجاء
متزودش عجل عربيتك عند أي حد متعرفهوش
ياريت لو معاك منفاخ كهرباء (بيتباع فى كل حته الأن)
المنفاخ هيصونك يعنى لو تيوبلس ونامت العجله فى أي حته مش محتاج تغير الفرده (كوريك وأستبن ومفتاح وشحم ) وجع دماغ (مجرد تنفخ الفرده وتروح لأقرب بتاع كتوتش)

لو مضطر تزود تدخل بالعربيه بسرعه وتنط من العربيه جنبه قبل ما يقرب من العربيه

أماكن مؤكده فيها النصب ده

أول 2 بنزينه طريق القاهره الأسكندريه , مفيش عندهم بنزين (كاوتش بس) (دول انا متخيط فى فردتين عندهم) منهم لله , الثالثه ناس محترمين ويعرفو ربنا

طريق ا الأسكندريه القاهره بعد واحه عمر مباشره

ألي يعرف أماكن تانيه يبعت علشان نحذر الناس

فعلا دة اللى بيحصل انا قفشت الواد وهو لسة بيخرم الفردة فقلتلة ابعد ايدك فهو عمل نفسة مش سامع وراح مكمل وعمل خرم واحد طبعا بهدلتة وعمل الخرم بعشرين جنية رميتهملة على الارض وفضحتة امام العربيات اللى جاية وبعد ماعملة بخابور قلت لة انت مابتفهمش الخابور غلط على التيوبلس انت ما عرفتنيش انك هتعملة بخابور لية شيل الخابور واعملة لحام سريع داخل الفردة وهزئتة لانة ما بيفهمش فى الصنعة واوهمتة انة امتلك محل لتصليح كاوتش فى مدينة السلام فعمل اللى بقول علية وهو هيموت وشيلتة الخابور وانا دفعت ثمن لحام السريع اللى هو 20 جنية طبعا البنزينة دى فى نازلة كوبرى الهايكستب اللى فى اول مصر الاسماعيلية اول نازلة الكوبرى على يمين الكوبرى ومكان بتاع الكاوتش خلف البنزين 80 فى الوش فعلا ناس ما تعرفش ربنا :12EA7A~153: تحياتى لك ولكل الموجودين