رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

ايه اخر تلاخبار

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

معايا لانوس اوتو 2000 بتظهر لمبة pwr ونتشة ورجة بالعربية والسحب ضعف عن الاول وكنت مغير الكرتيرة علشان اكلت بيها مطب بس بردوا قبل ما اغيرها كانت بتظهر انا حاطط فى الفتيس زيت حوالى 6.5 لتر لما غيرت الكرتيرة وكمان بحس انها ما بتنقلش غيارات ممكن حد يفيدنى علشان انا لسه شارى العربية من 4 شهور تقريبا
ياريت اللى عندة حل يرد عليا تليفونى 01000316324 وشكراااااااااااا

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم
لو سمحت انا عندي سياره النترا 2007 اتوماتيك خليجي من فتره كده و انا ماشي بتحصل نتشه و الاقي العربيه بقت مكتومه و مش بتشد رحت اشوفها علي جهاز الاعطال قالي مفيش حاجه و رحت مره تانيه و هي مكتومه قلي الفتيس معلق و انه عمله restart المشكله العربيه رجعت تاني برضو تعمل نتشه و بعدين تبقي مكتومه و مهما ادوس بنزين الاقي عداد rpm بيعلي و مش بيرجع زي ما تيجي تنقل من سرعه لسرعه تانيه و الموضوع بيحصل اكتر في السرعات البطيئه
وساعات لما بتحصل ببطل العربيه و هي علي الD و بعدين و هي مبطله انقل علي N و بعدين ادور الاقيها بقت تمام امشي بيها شويه يرجع الموضوع تاني
ارجو الافاده

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

السلام عليكم بعد التحية والتقدير لحضرتك .... معاك عبدالله لو تفتكرنى ... عندى الفتيس خراطيم التبريد بتاعة الرداتير فيها دقه زى الساعه بس عاليه ومحسوسى لو حطيت ايدك على خرطوم وبتاع الرداتير حل الخراطيم ونفخ فيها وقالى مافيش سدد فى علبة رداتير مش عارف السبب الموضوع ده وهيا واخده غيار او n بس لكن p لا مافيش حاجه ... افادكم الله

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

اشتريت سيارة شيري a11 موديل 2005 منذ شهرين وهي مغيرة موتور جولف 3 وفتيس جولف 2 أتوماتيك، غيرت الزيوت كلها من أسبوع .. اليوم وأنا راجع البيت وجدت فجأة ال d مش بتسحب خالص زي مايكون ممور واجيب على R تمشي عادي .. طفيت ابسيارة وبعد فترة شوقت زيت الفتيس ﻻقيته مش ناقص وجربت تاني ﻻقيت نفس الوضع .. أيه الحل؟؟

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

باشمهندس روميو

بالله عليك لو تعرف رقم تليفون ميكانيكي شاطر في الجيربوكس الامريكي هنا في قطر ياريت تدلني عليه

لأن الإنفوي اللي معايا موديل 2003 موتور 4.2 وطبعا 4 * 4 غيرت لها الجيربوكس بواحد مستعمل واشتغلت كويس لمدة شهرين وبعدين ظهرت مشكلة تانيه في الجيربوكس وطبعا الضمان على الجير المستعمل هنا 3 ايام بس

المشكله هي اني لو خليت الفتيس على رقم 3 بتمشي العربيه زي الفل بس طبعا بتوصل لغاية الغيار الثالث بس ومش بتنقل ، لكن مشي وسحب بيكون ما شاء الله عليه

اما لو خليت الفتيس في وضع درايف D بتنقل العربيه النقله الرابعه لكن لو وهي على النقله الرابعه ضغطت على البنزين عشان اعدي عربيه مثلا بتقعد تبدل بين التالت والرابع وتشوف الار بي ام قدامك بيرقص مرتين او تلات مرات وبعدين يشبك التالت وتبدأ تسحب بعد ما تكون اتهزت مرتين تلاته زي ما قلتلك

رحت لواحد ميكانيكي سوري قالي دي بوجيهات او كويلات ، غيرت البوجيهات والكويلات ونفس المشكله

رحت لميكانيكي تاني فلسطيني قالي مخ الجير عايز يتغير (( valve body )) طبعا ده بعد ما طلع مقياس الزيت وقالي ان الزيت الحمدلله مش محروق

انا بصراحه مش عارف اصدق كلامه ولا لأ

بس انا حاسس انها فعلا مشكله سيلونويد بيعلق او ضعيف ، بس اي واحد مش عارف

دورت على النت لقيت ان الجير فيه 2 سيلونويد للنقلات وفيه حاجه تانيه اسمها tcc وحاجه اخيره اسمها pwm

طبعا الميكانيكي عشان يريح دماغه حايغير الفالف بودي كله بكل اللي فيه ويريح نفسه بس الموضوع ده حايتكلف 1500 ريال

مش عارف تنصحني اعمل ايه

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

لو سمحت انا عندة صوت رزعة بتجيبلى لما اطلع من p الى r كشفت ع القواعد قالى سليمة ..روحت لميكانيكى تانى قالى الكوبلن الداخلى فيه بووش..رحت لورشة تخصص لتصليح الفتيس قالى دى كرونة الفتيس ..وعاوز يسقط الفتيس ويصلحها ..وهل دى سهلة التصليح ولا خطر ..ارجو الافادة وشكرا