مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة roshaomar (المشاركة 1030554)

ليه العربية عندى ساعات مش بتدور على وضع ال n وساعات تدور عادى وهى على n هتجنن ومش عارفة السبب انا عربيتى كيا سيراتو 2014 :pty:

انهيبتور سويتش inhibitor switch

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم
والله انا عندى مشكلتين مدوخنى ارجو ان الاقى ان شاء الله الحل معاكم
اول حاجة انا معايا اوبل فيكترا موديل 2001 ومكنة 2000cc ولسة مغير الفتيس الى مجننى
اول مشكلة فية
ان فى نقل السرعات مابين 3و4 بلاقى العربية بتنط بمعنى بتخبط مع النقلة 4 بس مش ديما لما بكون قارص على الغيار يعنى لما بجيب 100 او 120 الموضوع الخبط دة بيكون عالى اوى بس لما بخلى السرعه 80 او اقل بشوية بيكون لاموضوع الخط دة اخف اوى بس محسوس ووبرضو مع النقلة مابين الاول والتانى
تانى مشكلة
نقصان الزيت الفتيس
عملت كل الى يتعمل جوانات غيرت اولسيهات الكبالن غيرت اكتر من مرة علشان كل مروح لمكانيكى يقلى الى كان مركبو كان مش مركبو صح زى محنا عرفين
ارجو لو فية مكان صح ويعملى المشكلة دة بما يرضى الله ياريت تدلونى علية علشان انا والله زهقت من العربية دة
اسف للاطالة
اشكركم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة حسام البورسعيدى (المشاركة 1030537)

اسف جدا لو ردى كان متأخر .. وقدر الله و ما شاء فعل ..

اول نصيحة ليك يا ريت تغير الصنايعى عديم الضمير ده ..

تانى حاجة ربنا يعوض عليك فى الفتيس ولازم تجيب فتيس تانى للاسف واوعى تعمل عمره تانى باى حال من الاحوال ..

يا باشا ولا يهمك وشكرا لذوق حضرتك يا ريت لو تنصحني بحد كويس في الفتيس الاوتوماتيك يكون امين ورخيص لان انا جبت اخري وربي يعلم..

اقتباس:

المشاركة الأصلية كتبت بواسطة q_pidmusic (المشاركة 1029885)

السلام عليكم
انا معايا جيلي باندا 2011 اوتوماتيك وكانت جابت فتيس المهم اني عمرته واكن معلق مبيجبش رابع وبعد الدوخة عملته في مركز مشهور في جسر السويس اتعاملت معاه قبل كده المهم ان فيه بعض الملاحظات حبيت اني اعرضها على حضرتك عشان تفيدني:
1- تأخير بسيط في الغيار من الثاني للثالث الصبح ولسه العربية بارده وبتتحسن بعد اما العربية توصل لدرجة الحرارة العادية لدرجة اني بحس ان الثاني والثالث بييجو مع بعض.
2- الطلعة بتاعت العربية اول ماتجيب ال D مبقتش زي الاول يعني بقت اضعف شوية واما قولتله على الموضوع ده قالي بالعكس انت تقلق من الطلعة العفية دي
3- كنت جاي من الاسماعيلية من اسبوع وانا رايح ماشي على سرعة 100 وزي الفل وانا راجع يادوب خارج من البوابات وسمعت صوت زي تزييق كده والعربية مفيش فيها عزم المهم وقفت على جنب وجبت ال N وبعدين ال D اعربية مبتتحركش جبت ال R رجعت عادي فضلت جايب ال D ودوست جامد كذا مره لقيت فجأة العجلة الشمال فركت في الارض كأن حاجة كانت معصلجة ومشيت بعد كده عادي جدا
-فياريت حضرتك تفيدني عشان انا قلقان وي ومش متطمن واسف للاطالة.

Sent from my D2302 using Tapatalk

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة q_pidmusic (المشاركة 1030770)

يا باشا ولا يهمك وشكرا لذوق حضرتك يا ريت لو تنصحني بحد كويس في الفتيس الاوتوماتيك يكون امين ورخيص لان انا جبت اخري وربي يعلم..

Sent from my D2302 using Tapatalk

للاسف والله ماجربتش حد فى الفتايس الاتوماتيك الا فى بورسعيد ومقدرش انصحك بحد انا سمعت عنه ومجربتوش وطبعا علشان العربية مش ماشية اكيد صعب تجبها هنا ..

عموما انت كده كده محتاج فتيس استيراد يعنى فك وتركيب على طول مفيش تصليح .. فانت محتاج صنايعى يكون شاطر وامين ومش لازم متخصص فى صيانة الفتيس نفسه ..

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

رد: اي مشكلة في الفتيس الاتوماتيك - مشكله غريبه في فتيس اكسنت RB 2016

اولا السلام عليكم و رحمه الله

هحاول اشرح مشكلتي بدقه و اختصار و هنتظر رد الخبراء

عربيتي اكسنت 2016 اتوماتيك
اللي بيحصل ان العربيه بتكون علي الرابع و بعدين بشيل رجلي من علي دواسه البنزين فبتقل السرعه تدريجيا لحد اما تبقي حوالي 40 كم في الساعه و مع ذالك بيفضل الغيار الرابع موجود يني العربيه بتفضل علي الغيار الرابع رغم ان السرعه بطيئه جدا. و بطبيعه الحال لما بحاول طلع تاني بالعربيه و ادوس بنزين جامد علشان اجمع سرعه السحب بيكون ضعيف و العزم واقع و ده لان العربيه بتكون علي الرابع مع سرعه منخفضه
الكلام دهبيحصل وانا علي الاوتوماتيك او المانيوال. مفيش فرق.
حلها الوحيد اني اتحكم انا بنفسي في الغيارات من السيبترونيك و طبعا ده مش كويس لانه بيحرمني من مميزات الاوتوماتيك

ارجو الافاده لاني اتعرضت اكتر من مره لمواقف كانت ممكن صعبه و انا سايق بسبب العيب ده و كنت هعمل حدثه امبارح لكن ربنا ستر

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم
عندى النترا 2008 البداية كانت مشكلة بالفلاته والعربية لما بتسخن بتطلع ثالث وطبعا ان كنت مشيت عليها المهم غيرت الفلاته فكان فيه نتشه على كل الغيارات غيرت الفالف بودى ظهرلى عيب غريب وهو ان العربية لما بتبقى بارده الصبح بيبقى فيه هبده على D او R المهم العربية غيرتلها اكتر من بلف لكن العيب نفسه فى الاخر غيرت الفتيس كله بس كان فيه نتشه على بن الثالث والرابع حطيتها على الجهاز قريت P0734 عملنا ريسيت والعربية بقيت تمام وجربت العربية امبارح العربية هبدت جامد بين الغيار الثالث والرابع وكتمت ولما بقف تماما واطلع بتكركر كانها متلته وبعدين تهبد بطلت العربية ودورتها تانى اتظبطت لكن النتشه وساعات تفويته بتكون بين الثالث والرابع وحطيتها على الجهاز تانى نفس العطل P0734 (4TH GEAR INCORRECT RATIO ايه العمل افيدونى