رد: تاكسى جديد
 

شوف يا سيدى
مافيش تاكسى قديم و لا حاجة و لا حتى نمره و انا من الجيزه

فية مقدم 30000 و ضمانات محل تمليك و رخصة

و التاكسى المطلوب شاهين 2008 و احسن يكون 2009

ارجو اكون وضحة

رد: عاوز اجيب تويوتا افانزا
 

على حد علمي فالماتريكس 2008 بس هي اللي تركي ... اخر موديل في الشكل القديم ... لحد 2007 و الشكل الجديد كله كوري ... والله اعلم

بس بغض النظر ...
قبل ما ندخل في مقارنه بين الافانزا و الماتريكس ... هل حضرتك محتاج عربيه 7 راكب ؟؟
لأن لو كده ....يبقى المقارنه تكون مع اللوجان ...

لكن لو بنتكلم على عربيه واسعه من جوه ... ممكن حضرتك تشوف السكودا رومستر ... سواء في القعده او الشنطه ..
يمكن شكلها مبيعجبنيش شخصيا ... لكن شايفها احلا و اقيم من الافانزا ... و تستحق فرق السعر ...

وارجع اقول نعرف متطلبات حضرتك الاول من العربيه ... علشان نقدر نقترح العربيه المناسبه

ممكن تساعدونى
 

السلام عليكم
مبدأيا دى اول مشاركة ليا فى المنتدى ونفسى بجد الاقى المساعده منكم
انا نفسى فى ابيزا 2000 او فابيا هاتش باك او بونتو برضه منتكنش اقل من موديل 2000
انا مش عارفه ايه العربيه الاحسن فى دول وخصوصا انى بنت ومش عايزه اتبهدل فى موضوع الصيانه وقطع الغيار

وتانى هام انى معايا مقدم لحد حوالى 28 الف وانا سمعت ان العربيات دى تمنها مش بيزيد عن 45 الف ..... مع العلم انى اقدر ادفع لحد 1000 جنيه شهريا قسط
فممكن تقولولى انهى عربيه احسن وهل المقدم دا كويس لانى شايفه انى معدى50% من تمن العربيه وحقسط كام سنة وكمان الفايده حتبقى كام لو حدفع الف كل شهر

انا كمان بشتغل فى شركة بترول وعندى حساب بنكى فى البنك الاهلى

ملحوظه اخيره ....انا من سكان اسكندريه وفيه ناس قالولى انه فيه معرض سيارات اسمه تراست موتورز فى الابراهيمية وبيقسط المستعمل فكنت عايزه اعرف دا معرض كويس ولا فيه غيره احسن
وارجوكوا محتاجه ردكم لانى محتاجه تكون معايا العربيه على شهر 6 الجاى ان شاء الله

رد: تاكسى جديد
 

عزيزى المقدم دة كويس لما تكون هتجيب عربية وبس انما النمر هتعمل فيها اية وهى بتتباع كاش ولازم تكون معاك وطبعا انت عارف سعرها ماشية من 18 الى 20 الف
وعلشان تشترى عربية بنمر وتقسط عربية ونمر مقدمك هيكون قليل جدا
ممكن اساعد حضرتك فى انك تشترى عربية جديدة اجرة وبالتقسيط بس موضوع تقسيط نمر اجرة صعب شوية علشان انت عارف انها عمال سعرها يزيد

رد: تقسيط المستعمل
 

يا استاذ سيف انا موش عارف ارد عليك على الخاص كل شوي يقولي يلزمك خمسين مشاركه عشان تعرف ترد وانا شغال اتكلم هنا وهناك بس موش عارف اجيبهم
موش تزعل اني موش رديت عليك في موضوع عربيتي، انا كبرت دماغي من تقسيط عربيه جديده وحصلت مشاكل مع المعرض ولغيت الحجز، وصراحه بعد التفكير والتمحيص لاقيت ان سعر العربيه جيالنا من بره غاليه اصلا اروح انا مغاليها اكتر واشتريها بالتقسيط يعني ينفع يتنصب عليا مرتين مره من الجمارك اللي بتخالي سعر العربيه في اتنين واكتر ومره من صاحب المعرض، حاليا قدامي كذا عربيه مستعمله من طرف اصدقاء ليا وواثق فيهم ادعيلي ربنا يوفقني والف شكر على صبرك وتعاونك معايا
سلام