المشاركة الأصلية كتبت بواسطة saif el din (المشاركة 22586)

ناس كثيرة بتكلم على جشع التجار والتوكيل وغيرة وبيقول انهم هما ال بيرفعوا اسعار العربيات وانهم بيكسبوا فى العربية الواحد اكثر من 25%
احب اقول لكم الكلام دة مش صحيح وعلشان نكون اكثر وضوحا ومنرميش اى حد بكلام ونقول جشع وغيرة
دة صورة بسيطة من اسعار جمارك السيارات
وطلعا اى حد هيفهم كويس جدا ثمن السيارة كام بعد خصم الجمارك وهل انتم متخيلين هيكون ربح المستورد كام بعد خصم المصاريف والشحن
واليكم البيان
سيارة لانسر 1500 سى سى يصل الضريبة والرسوم المستحقة الى 65 الف جنية
سيارة شفولية افيو 1500 سى سى 38 الف جنية
سيارة شفولية سبارك 1000 سى سى 20 الف جنية
سيارة هيونداى النترا 1600 سى سى 37 الف جنية
سيارة بروتون جين 2 50 الف جنية
سيارة مازدا3 1600 سى سى 68 الف جنية
سيارة اسبرانزا A620 82 الف جنية ( حتى الصينى )
سيارة نيسان تيدا هاتشباك 1600 سى سى 55 الف جنية
سيارة فورد فوكاس سيدان 1600 سى سى 50 الف جنية
سيارة فولكس فاجن باسات 1600 سى سى 105 الف جنية

دة صورة بسيطة
غير مصاريف تانية خالص تفتكر لسة فى حد بيستورد شى وبيكسب فية 25% او اكثر
لازم نقوم نفسنا ونقول احنا عندنا اية وهنقدر نعمل اية قبل منطلب شى ونفضل شعب مستهلك مش منتج وكل واحد يبدا بنفسة

المشاركة الأصلية كتبت بواسطة saif el din (المشاركة 28104)

تكملة على موضوع الجمارك
الجمارك على السيارات ثلاث فئات فقط لا غير كالتالي :
1ـ السيارات ذات سعة المحرك أقل من 1600 سي سي
شاملة السيارات المسماة 1600 سي سي حيث أنها فعليا أقل شوية مثل اللانسر 1600 مثلا بتكون 1584 سي سي
اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)
الخلاصة عربية سعرها من بره 100 ألف جنيه سيكون عليها جمارك وضرائب اجمالي 61000 جنيه

2ـ السيارات ذات سعة المحرك أقل من 2000 سي سي
يعني شاملة السيارات 1800 سي سي و 2000 سي سي)اجمالي الجمارك والضرائب (205.50 %) تفصيلها جمارك 135 % من قيمة الفاتورة
CIF ثم 30 % ضريبة مبيعات (تراكمية)
الخلاصة عربية سعرها من بره 100 ألف جنيه سيكون عليها جمارك وضرائب اجمالي 205500 جنيه

3ـ السيارات ذات سعة المحرك أكثر من 2000 سي سي (ومفتوحه الى مالا نهاية(
اجمالي الجمارك والضرائب (247.50 %) تفصيلها جمارك 135 % من قيمة الفاتورة CIF ثم 45% ضريبة مبيعات
مثال : الباجيرو 3800 سي سي في السعودية سعرها حوالي 110 ألف ريال يعني حوالي 165000 جنيه يضاف لها جمارك وضرايب 247.5 % يعني 408375 جنيه يعني يقف سعر العربية في النهاية 375 573 جنيه
أرجو تكون المعلومة مفيدة خاصة للي بيفكر ينزل عربية من الخليج او من بره عموما

إختصاراً مرفق فى هذا الجدول التعريفات موزعه حسب سعة المحرك