مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- تأجير السيارات (https://www.masrmotors.com/vb/forumdisplay.php?f=92)

- - استفسارات 2009 (https://www.masrmotors.com/vb/showthread.php?t=86985)

رد: سؤال عن أسعار إيجار السيارات ؟؟

نس تفكيرى با باشمهندس اسلام ولكن الشهر هيكلف من 2000 الى 3000 بالراحة حسب الموديل والنوع وبيكتبك وصل أمانة على بياض واحذر من النصابين فى الموضوع ده لأنه ممكن يدبسك فى تصليحات انت ما تسببتش فيها ويشكيك بوصل الأمانة مثل ماحدث مع أخى

رد: سؤال عن أسعار إيجار السيارات ؟؟

السلام عليكم ورحمة الله

الاسعار حاليا " حسب احد المكاتب فى الدقى " : دايو 1300 مانوال : من 95/ 120" سيارة سيئة بالنسبة للايجار "
لانسر 2008 : 160- 190 اتوماتيك فول اوبشن

اخر مرة اجرت فيها كانت من سنتين قبل مربنا يكرمنى
اجرت لانسر 2007 لمدة شهر بـ 4600ج\
دايو 3 ايام .. اليوم = 150ج

ومش فاكر اية تانى بس ليا نصيحة
اولا : لازم تتأكد من مصدقية المكتب المتعاقد معة ومدى سمعتة
ثانيا : السيارات التى تعاملت معها من خلال 3 مكاتب للاسف سيارات سييئة للغاية
وطبعا حضرتك بما انك صاحب سيارة هتقدر تعرف حالة العربية كويس
ولحل المشكلة دى ببساطة اطلب من المكتب انة يبعت حد معاك تجرب العربية شوية
ثالثا : يفضل ان تكون السيارات ملك المكتب وليست ملك لاشخاص وتعمل لدى المكتب " فقط يفضل "
رابعا : للاسف الثلاث مكاتب الذى تعاملت معهم عبارة عن اشخاص غير مؤهلة للعمل تماما
رغم ان مقرها فى اماكن راقية جدااااااااَ .. لدرجة انى فى مرة رحت علشان اغير زيت للعربية على حسب العقد لقيت صاحب المكتب بيدخن سيجارة كبيرة وتخينة وفى دنيا تانية خــالص ! " زيت اية ؟ عربية مين ؟
خامساَ : يجب ان تقرر بان يؤرخ ايصال الامانة وان يكتب بة ثمن السيارة ولا يكون على بياض / كما تأكد عند استلامك للايصال بأنة هو نفسة الذى قمت بالامضاء بة / وليس ايصال مزور بتوقيع مشابة لتوقيعك من اجل استخدامة فى اي وقت يشاء هو .
سادساَ : الشهر لدى بعض المكاتب 30 يوم فقط واحيانا 29 يوم - لذا يجب ان تتأكد من ان الشهر 31 يوم ويحدد كتاريخ بداية ونهاية فى العقد وليس بكلمة " شهر " او برقم " مهمة جداَ هذة النقطة "
سابعاَ : ان وفقك الله فى سيارة لدى قريب لك او صديق او حتى تأجر ليموزين بسائق - او تاكسى العاصمة صدقنى افضل بكتيييييييير جدا وارخص احياناَ عن تجربة . لك تحياتى استاذ سامح

رد: سؤال عن أسعار إيجار السيارات ؟؟

شكرا على الرد المفصل

رد: سؤال عن أسعار إيجار السيارات ؟؟

كلام سليم لكل اللي رده في ناس كتير بتستغل الحكاية دي وبتنصب على الناس بس حكاية ايصال الامانة دي اللي انا اعرفه اني بيمضيك على تمن العربية مش على بياض وبيسلمك رخصتها وكل حاجة ... بس ما اظنش حكاية بيدبسك في الاصلاحات دي لأن عرف تسليم العربية للايجار بيكون انه بتطلع مع المستأجر بتبصوا على العربية وانت بتاخد ملاحظاتك الكاملة عن اي عيوب وبتتسجل في عقد الايجار وكمان االخبطات اللي انت استلمت بيها العربية كل ده بيتكتب في عقد الايجار بالظبط وفي التسليم بيستلم منك العربية في حال انك لو في حاجات جدت عن المكتوب في العقد انت مسئول تصلحها او بتسيب مبلغ تحت الحساب عشان التصليح وطبعا في ناس كتير بتستهبل عشان كدة لازم في حكاية ايجار العربيات دي الواحد يروح لحد معرفة او يكون موثوق فيه يعني انا مثلا بأجر عربيتي اهو عشان تسد اقساطها طبعا لكن بصراحة كل ما يجيلي حد ما اعرفوش يطلب ايجارها برفض عشان لو جرالها اي حاجة انا هالوص بيها وحلني بقة اما التأمين يديك اي حاجة والله اعلم .. ربنا يستر ... انا رشحتلك يا أستاذ سمسم الشخص اللي هايجيبلك المفيد ومن الاخر وشوف انت عايز ايه هو رقم تليفونه 0109696901 مش عارفة بقة احنا ممكن نحط نمر تليفونات ولا ايه بس ابو نورا بقة لو اعترض يلغي الرد وخلاص .. كلمه وشوف انت عايز ايه هو ماعندوش عربيات كتيرة لأنه بيعتمد في شغله على عربيات معارفه للايجار وحين الطلب وهو في الاساسا شغال في تعليم قيادة السيارات مش في الايجار بس بيعرف ناس كتير يقدر يجبلك منهم احسن الخدمات واحسن الاسعار فشوف ايه المناسب ليك..

رد: سؤال عن أسعار إيجار السيارات ؟؟

يا أستاذ سمسم ! أنا شايف ان كلام الآنسه أو السيده نورا طمان كلام واقعى و موزون !

و فيه شهامه و جدعنه قل أن تجدها فى النصف الآخر ! و فاهمه كويس ! واذا أخذت سيارتها على ما أعتقد ح تكون

أريح بكتير من اللى ما تعرفوش ( و الله أعلم ) !

Dr. Bolbolan ptmnlo123per1127