رد: واقع في مشكلة كبيرة ومليش غير ربنا ثم انتم
 

رد: واقع في مشكلة كبيرة ومليش غير ربنا ثم انتم
 

التفاصيل يا جماعة
1-ذهبت للمرور التابع لي لإستخراج شهادة بيانات للنمر القديمة اللي عليها المخالفات لإحضار ما يثبت تاريخ تسليم هذه اللوحات واعدامها
2-الموظف المسئول عن اصدار شهادة البيانات كان مصمم اني اديله فلوس رشوة او اكرامية انا عندت معاه ورفضت راح مديني شهادة بيانات عليها الرقم القديم غلط علشان ارجعلو تاني واديلو فلوس
3-ربنا الهمني مردتش ارجعلوا شهادة البيانات الغلط وقولت طب اروح احاول اطلع بيها شهادة مخالفات
4-موظفة شهادة المخالفات قالتلي الرقم ده غلط اقعدت اقنعها ان النمر دي كانت نمرتي قالتلي لأ انا ظاهر عندي النمر القديمة رقم تاني وعليه 4000ج مخالفات اقعدت اقنعها واحلفلها ان النمر الغلط دي بتاعتي (استغفر الله) قلتلي طب انزل اسأل موظف شهادة البيانات روحت واخد شهادة البيانات وخرجت شربت حاجة ورجعتلها قلتلها استاذ فلان (موظف شهادة البيانات) بيقول لحضرتك ان الرقم صح (الغلط يعني صح) وانا اصلا مرحتلوش قالتلي طيب طالما هو قالك كده هو اعلم مني
5-راحت مدياني شهادة مخالفات ان العربية مش عليها مخالفات خالص وحضراتكو عارفين ان شهادة المخالفات بتطلع برقم اللوحات الجديدة
6-مكدبتش خبر روحت واخد الشهادة وروحت جايب ورق فحص 3سنين وفحصت العربية ودفعت الضريبة وسلمت النمر كمان ههههههههه عشان اخلص منها وعلقت نمر جديدة نضيفة مش عليها حاجة
7-انا اسف مضطر استأذن ولما ارجع هكملكو
سلام

رد: واقع في مشكلة كبيرة ومليش غير ربنا ثم انتم
 

اكملكو الحكاية
اعتقد والله اعلم ان ربنا حب يكافئني عشان مردتش ادفع رشوة فحصلت الحكاية دي
في نفس اليوم قبل ماعمل كل ده دخلت لرئيس النيابة لقيتو واخد اتجازة وبيعمل عمرة روحت داخل لوكيل النيابة وبعديه مدير قلم المرور والاتنين مش عاوزين يقتنعو غير اني لازم ادفع المخالفات او اجيب صاحبها الاولاني يدفعها يا جماعة يرضيكو يرضيكو مفيش فايدة يقولولي غلطتك انك مسجلتش من اول يوم وبيكلمو بطريقة تخلي الواحد يخرج عن شعوره وينزل فيهم ضرب:khd:
والله العظيم سبحان الله لما ربنا عاوز حاجة خلاص مفيش حد يقف ادام ارادته والله ياجماعة انا كنت رايح المرور وعامل حسابي علي نسبة 1% ان الموضوع يتحل وسبحان الله وبحمد ربنا اني كان معايا في جيبي فلوس تمن الترخيص والتأمين عشان العربية 1600 سي سي والحمد لله رخصت 3سنين وسلمت النمر:10FEE3~144:
ادي حكايتي وادي قصتي اما قصة عبرة صحيح
وادي حكومتنا والداخلية بتاعتنا والناس اللي ماسكة سلطة في البلد وشغل العك بتاع الحكومة
والله كنت حاسس وانا بخلص في اجراءات الترخيص ان الموضوع هيتكشف اتاري فعلا جميع موظفي المرور بلا استثناء عالة علي البلد وعليهم غضب ربنا من كتر الحرام اللي بيحللوه لأنفسهم
وادي النظام بتاع البلد ويقولك ادخلنا الحاسب الآلي للتسهيل علي المواطنين والموظفين اساسا ميعرفوش يعني ايه ماوس وكلهم منتهيين الصلاحية
حسبي الله ونعم الوكيل
واحب اشكر كل اللي شارك في مشكلتي وربنا يكرمهم ويفرحهم دنيا واخره
:iloveyou24::vctry::joy23 ::01EDE7~120::ROFL_C~118: سوقسوق

رد: واقع في مشكلة كبيرة ومليش غير ربنا ثم انتم
 

رد: واقع في مشكلة كبيرة ومليش غير ربنا ثم انتم
 

الموضوع سهل و بسيط بس نعمل ايه فى الموظفين اللى مش عايزين يساعدوا الناس و الروتين اللى مأخرنا فى كل حاجة.
أنا كنت مرة مع واحد صاحبى بيجيب شهادة مخالفات و الموظف كان معرفته و الله اخد كل المخالفات من الملف و حاطهم فى ملف تانى و طلعت الشهادة بيضا زى القشطة:pty: