|
رد: نصيحه عن الاسبيرانزا
يعنى نشترى مستعمل الصينى عااااادى
|
رد: نصيحه عن الاسبيرانزا
بصراحه كلامك كأنك بتتكلم على لساني
اما بشوف ناس كتير قوي بتنحاز لنوع او ماركه او موديل في عربيه ويعتنقه مبدأ ليه ويدافع عنه ويستميت في ال رعايته ( ههههه كأنه ديانه ) وفي نفس الوقت تلاقي واحد تاني بيهاجمه ويهاجم العربيه اللي بيتستميت التاني في الدفاع عنها...... مع انك لو بصيت للانسر ( اللي الناس بتعشقها وتؤمن بيها غيبيا ) حتلاقي عيوب ولو بصيت للانوس ( اللي الناس بتقول عربيه تجيبها وتنسى اعطالها او صيانتها ) تلاقي عيوب ولو بصيت للفيرنا ( اللي الناس بتقول موتور مركبينله عربيه ) حتلاقي علل كل كل كل الانواع دي وغيرها كتيييييييييير مليانه عيوب وخفايا وبلاوي وكل ماركه ليها انصار بالملايين وعليها أعداء ومهاجمين بالملايين وفي الاخر مش حتلاقي العربيه الكامله أبدا أبدا (( على الاقل في مصر ) وفي الخارج بالنسبه للعربيات الفئه A العاليه أنا فؤجئت ان دودج شالنجر العربيه اللي بتمشي بقوة 3200 حصان فيها عيوب الناس بقت تقول دي عيوب صناعه وخامات رديئه رغم انها فئه رياضيه ولازم كانت تتعمل بشكل قياسي عالي وحتى الفلوكس بيتيلز اللي العالم كله جابها وعشقها كانت فيها عيوب قاتله مش مجرد عيوب وخلاص وهو عيب الدواسه بتاعة الفرامل مكنتش بترجع لورا تاني بعد الدوس عليها وكانت ضفيرة الكهربا بتولع العربيه وحتى البورش كانت فيها عيوب خلت الشركه رجعتها تاني للمصنع وحتى في العربيات العاديه كلكم فاكرين عيب التويوتا اللي فات صاحبي مثلا عربيته جيب شيروكي مستحملتش الطريق الصحراوي بتاع اسكندريه وضفيرة الكهربا ولعت العربيه ولاستر بنا كانت راحت في الكازوزه تخيلو عره صحراوي تولع من حرارة الطريق!!! يعني للأسف مفيش اي عربيه ممكن توصل لدرجة الكمال والكفائه الكامله لان اللي صنعها في الاول والاخر بشر والبشر في الاولا والاخر مش كاملين دول قابلين للخطأ والصواب وبالتالي لايمكن يوصولو انهم ينتجو عربيه كامله 100 % اللي يهمنا في الاول والاخر معادله الناس مش واخدين بالهم منها وهي 1/ سعر العربيه والجانب الاقتصادي. 2/ كفائة العربيه من قوة موتور الخ. 3/ إستعمال العربيه ( شخصي أم عائلي ) 4/ قطع الغيار والبنزين والصيانه ( من تكلفه الى توافر قطع الغيار الجيده ) يعني اللي عاوز عربيه لازم يفاضل بين المعادله دي وينسق احواله الماديه معاها يعني ميكونش محتاج عربيه صغيره على قده ويروح يجيب فان ب140 ألف ويقول البنزين غالي وميروحش يجيبلي عربيه 2000 سي سي غاليه وقطع غيارها غاليه وبنزينها شفاط مبيونش ويقعد يقول دي حريقة بنزين ودي معرفش ايه ... وميروحش يجيب عربيه صيني ضعيفه ويفضل يشتكي من العفشه والصيانه الرديئه المستمره لازم لازم يفاضل حسب المعادله دي عشان يقدر يقتنع باللي حيجيبه او ناوي يشتريه عشان ميرجعش يشتكي ويولول بعد كده لازم يلازم يعمل معادلة سعر مقابل الاداء أو مشاكل مقابل الصيانه او إستهلاك بنزين مقابل قوة موتور أو نوع سياره مقابل قدر الاستعمال وكل واحد يوازن حسب رأيه الشخصي ده رأيي ويارب يكون متوافق مع رأي صاحب الموضوع ... وتحياتي |
رد: نصيحه عن الاسبيرانزا
اقتباس:
تقبل خااااااااالص تحياتي علي كلامك GIFT4UROSE4UGIFT4U |
رد: نصيحه عن الاسبيرانزا
كلام جميل ميتقالش حاجه بعده وده برضه اللى أنا بقوله
|
رد: نصيحه عن الاسبيرانزا
اقتباس:
اولا الف شكر على تعليق حضرتك ثانيا انا مش قائد جيش وله حاجة بس نيجى نتكلم شوية بالعقل عربية فيها اوبش اكثر من سعرها لية......... هتخلى الواحد يفكر 100 مرة فى العربية وتروح دماغك لحاجات زى فى حاجة فى الماتور فى حاجة فى العفشة فى حاجة فى ديفيرة الكهرباء فى حاجة فى قطع غيارة الخخخخخخ وحاجات كتير محدش عارف السبب زى اما كان سعرها 67 الف ودلوقتى 63 الف لية يبقة فى حاجة ونفسي بردة يا استاذ باسم وحضرتك واستاذ احمد تركبو عربية تانية غير الاسبرانزا وتكون عاملة مثلا 60000 الف كيلو وعربية لانوس مثلا وعاملة نفس الكيلوات ودى ودى بيتعمل صيانتها فى التوكيل واتفرج على الفرق فى كل حاجة فى العفشة فى سحب الماتور فى استهلاك قطع الغيار فى البنزين فى التكييف فى حاجات كتير ......الخ ممكن ساعتها تقدر تعرفوا انا قصدى اية مش من باب الهجوم وخلاص طبعا حضرتك او استاذ احمد تقولي لاء انا سوقت اوبل او لانسر ونبتدي نقارن طبعا مافيش وجهة مقارنة فرق السما من العما ياريت نحط العربية فى الوضع الطبيعي وبره فى الاول والاخر دي وجهة نظر مش فرض راى يعنى مش معقول انى انا اجي اقول ان العربية الاسبرانزا ضيقة مينفعش لكن الاستاذ احمد على طول الخط العربية مفهاش عيوب وبردة نحترم وجهة نظرة ثالثا : برده العربية صينى وقطع غياره غير معمرة وغالية وده برده راي |
| الساعة الآن 01:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017