مصر موتورز مجتمع السيارات - ايه رأيكم ورأي الناس فى شكل اللانسر الجديد؟

مصر موتورز مجتمع السيارات (https://www.masrmotors.com/vb/index.php)

- لانسر شارك (https://www.masrmotors.com/vb/forumdisplay.php?f=217)

- - ايه رأيكم ورأي الناس فى شكل اللانسر الجديد؟ (https://www.masrmotors.com/vb/showthread.php?t=18967)

رد: ايه رأيكم ورأي الناس فى شكل اللانسر الجديد؟

اقتباس:

المشاركة الأصلية كتبت بواسطة mottohotto (المشاركة 290031)

السلام عليكم
انا اشتريت شارك فول اوبشن من دبى و هى 2010 بقوه 1500 سى سى
اولا سبب الشراء
من اول ما شوفتها جذبت انتباهى بدرجه ميه فى الميه
فأنا بميل إلى الشكل الرياضى و لا احب الكلاسك او العادى او الفخم
شكل العربيه بيخوف اللى ماشى ادامك و ده حسيته و انا على الطريق و انا ماشى على 160 و اول ما اقرب من العربيه اللى ادامى بمسلفه الاقيه وسع لى طبعا انا كنت بستغرب و بقول يا عم خليك دى حته 1500 لو تعرف اللى فيها هترجع مكانك
اتارى الموضوع موضوع نفسى
ازاى
فى يوم ما كنت فى المعرض لاقيت عربيه حاطينها فى مكان عالى و راكنه راكنه تخلى اى حد يشوفها يتخض طلعت و لاقتها ايفولوشن بس سعرها خلانى انزل تحت تانى ههههههههههه
المهم و فى يوم من الايام لقيت فى لحظه عربيه وراياو انا على 160 اضطريت بسرعه اعديه و بعدها مشوفتش الا و الطريق فاضى زى ما تقول كده ذهب مع الريح
بصراحه اتخضيت مش من السرعه انما من شكل العربيه و هى خلفى و هو ده سبب ان الناس بتوسع لى اتاريها ايفو لوشن
التصميم بيدخل فيه علماء نفس و بيستوحوا التصاميم من اشكال الحيوانات و الطيور زى شركه هوندا سيفك 1800 مع العلم ان اقوى منها زى الهمر و مش بعبره
انما الانسر بوسع له غصب عنى
ركبت اكورد و برضه حصل نفس الموضوع دخله العربيه فعلا ليها رهبه
المهم رجعت لعربيتى و بقولك ان على 180 بالظبط بسوقها بطرف صباعى و راكن ايدى التانيه على الكرسى ده دليل على الثبات الرائع لسبببين
الطرق هناك مدروسه هندسيا و منفذه على ايدى خبراء عالميين
تانى سبب وزن السياره يجعلها ثابته
نأتى لقوه التجميع فهى بتعجبنى اوى هى 109 حصان
ناتى لموضوع صوت العربيه فهى رياضيه و مفيش عربيه رياضيه صوتها ناعم بل بالعكس انا ركبت حليه شكمان تربو على شان الصوت يعلى شويه و هركب ليها فلتر رياضى

الامكانيات و المتانه و طلائها ضد الصدأ حاجه مميزه جدا
العربيه و شكلها يشرف فى اى مكان يعنى رياضيه و برستيج
المطبات بقه انا اكلت حته مطب عكسى يعنى حفره على سرعه 120 لانى غلطت و خرجت عن الطريق و نسيت الداخله فإضطريت انى ادخل بعد الخط الاصفر على شان اخد مخرج كوبرى و لاقيت نفسى لابس فى الحفره و خرجت العربيه بدون اى اهتزاز و لا اصابات و الحمد لله
بالنسبه لوزن السياره دى يا جماعه اتعملت للشباب و الرجاله اللى بتحب تطور اداء عربيتها يعنى تقدر تركب تربو و فلاتر و شمعات احتراق مع طقم سلوك و بدون ما تغير شكمان و لا تضطر تركب الكيت و الاسبويلر و لا مساعد هتلاقى عربيتك داخله اى حلبه سباق و بثبات عالى جدا
جنوطها مناسبه جدا 16 بوصه
نصائح لك ان كنت ناوى تشرى
تركيب باركن سينسور امامى و خلفى حتى لو محترف مش عيب لان الخدش هيزعلك اوى و ربنا يبعد عنك الخدوش
تركيب فاميه قانونى على شان الشمس
طلاء السياره بجاردكس بتاع الوكاله هو غالى بس هيخلى العربيه فعلا محميه من اى خدوش نتيجه التلميع باى فوطه
لو عاوز شكلها زى الجى تى ركب حليه شكمان محترمه تعمل لها 400 جنيه بس ايطالى و نوعها مبطط زى الجى تى
اشترى ضمان للسياره بحوالى 3000 جنيه ده مدته 3 سنوات اى قطعه تقدر تغيرها اصلى و مجانا حتى لو ماتور كامل لا قدر الله او اى سنسور او جير اتوماتك و على فكره الوكيل فى الخليج مش بيصلح ده بيغير على طول بالجديد و بيبدأ يعد الضمان من اول و جديد على القطعه بس اللى اتغيرت
الموضوع طويل معلش بس هو يستحق انت هتدفع ما يوازى 160 الف جنيه مصرى شامله الجمارك
اخر حاجه بقه جميع مواقع السيارات عامله تقييم محترك خمس نجوم
اه بالنسبه للبنزين
بحط 50 لتر بيكفينى 800 كيلو متر بدون تكييف
بالتكييف 700 كيلو نفس الكميه
اى سؤال انا فى الخدمه
شكرا

فعلا كلامك واسلوبك جميل وعرضك شيق .... ده فعلا رأي واحد ركب العربية... مش اى واحد يقلك انا بسمع من صحابي ..اصل الناس بتقول ...
تسلم ...

رد: ايه رأيكم ورأي الناس فى شكل اللانسر الجديد؟

اولا احنا عندنا بومه 1300 اوتو اللي اغلب الناس بتشتكي منها! العربيه دي اخويا جاب بيها 185كم/س على طريق السويس مرتاح و مشي بيها كده و احنا راكبين معاه اغلب الطريق!!!! و كان بيدي غرز خفيفه على سرعة من 140 - 150 !!! التسارع بتاعها من 0-100 طبعا مش حيبقى في 5 ثواني لانها مش ايفو ولا سيارة سباق !!!! يا جماعه دي عربيه عائلية متوسطة الحجم مش عربية سبااااااااااااااااااااااا ااااااااااااااااق!!!! اللي عايز سباق يجيب الايفو و للعلم ميتسوبيشي عمرها ما حتفلس مع انها كيان مستقل و مش داخلة في شراكات جدية مع اي دولة في العالم! يعني هيا زي تويوتا و الشركة دي ( قسم السيارات) تم تأسيسها في 1917 و اول سيارة عملتها
http://upload.wikimedia.org/wikipedi...nd_workers.jpg http://bits.wikimedia.org/skins-1.5/...gnify-clip.png
Workers at Mitsubishi Shipbuilding Co., Ltd alongside one of the prototype Mitsubishi Model A automobiles.

Mitsubishi's automotive origins date back as far as 1917, when the Mitsubishi Shipbuilding Co., Ltd. introduced the Model A, Japan's first series-production

رد: ايه رأيكم ورأي الناس فى شكل اللانسر الجديد؟

و جي السياره الرياضية لميتشوبيشي اكليبس http://www.youtube.com/watch?v=RkKqeVNRiP0

رد: ايه رأيكم ورأي الناس فى شكل اللانسر الجديد؟

اقتباس:

المشاركة الأصلية كتبت بواسطة mottohotto (المشاركة 290031)

كلام راجل فاهم بصراحةFLASHCar
شكر وتقدير

رد: ايه رأيكم ورأي الناس فى شكل اللانسر الجديد؟

طب بالنسبة للالنترا 2012؟
انا حاسس انها اوسع كتير جدا من الشارك وموتورها اقوي وعفشتها بأه مش عارف هل هي زي الشارك ولا لا
وكمان شكلها وتابلوها اشيك كتير من الشارك