مصر موتورز مجتمع السيارات - مطلوب معرفة سعر الجاك في الصين؟؟

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - مطلوب معرفة سعر الجاك في الصين؟؟ (https://www.masrmotors.com/vb/showthread.php?t=45409)

رد: مطلوب معرفة سعر الجاك في الصين؟؟

[QUOTE=د.كمال;340896]فى أعتقادى اللى معوش تمنها ميجبهاش ودى مسأله أذواق[/QUOTE

أنا مش مع كضرتك في النقطة دي يا دكتور ، لان القصة مش قصة معاه ولا ممعاهوش ، لكن الموضوع أصلا هل السيارة تستحق هذا المبلغ المبالغ فيه نوعا ما ولا لاء، ثانيا طبعا مافيش حد هايتكلم في شرا سيارة إلا اذا كان معاه تمنها اصلا، ثالثا في ظل ظروف السوق المصرية يكون المشتري تحت رحمة السوق والتوكيلات والعرض والطلب، وعلى فكرة حكاية رفع تمنها لان عليها طلب مش صحيح لأني أعرف عربيات تاني عليها طلب ولكن سعرها لم يرتفع والدليل شوف سعرها في الصين حاليا بكام وساعة مانزلت كان سعرها في الصين بكام واتحدى انه يكون رفع في الصين نص المبلغ الذي تم زيادته هنا في مصر ولك مني التحية والتقدير

رد: مطلوب معرفة سعر الجاك في الصين؟؟

دكتور أحمد واحشنى جدا والله وانا عارف ان اليومين دول عندك تصحيح امتحانات فى الجامعه وعشان كده مش عايز ازعجك واتصل بيك .
أما بالنسبه لغلاء سعر الجاك أنا معاكوا ياجماعه فى كل اللى أنتوا بتقولوه والمفروض متزدش عن 72 او 74 الف أو حتى 70 الف ....بس هو أحنا بإدنا إيه نعمله دلوقتى إذا كان الوكيل مش سائل فى حد وعمال يرفع فى تمنها ومش هامه حاجه
هنقعد كل شويه نقول كان المفروض يكون تمنها كذا وكذا ....هنبقى عاملين ذى اللى بيغنى وبيسمع نفسه
الحاجه الغريبه ان كل ما بيرفع تمنها كل الدفعات اللى بيجيبها بتتباع اول بأول....فخلاص إحنا فى أمر واقع أدامنا ينتعامل معاه واللى عايز يشترى يشترى يايشوف أى حاجه تانيه تناسبه ويشتريها وهى دى مصر ياعبله .

رد: مطلوب معرفة سعر الجاك في الصين؟؟

كلامك صح يا د.كمال

رد: مطلوب معرفة سعر الجاك في الصين؟؟

والله حضرتك كمان واحشنا يادكتور ، فعلا زي ماحضرتك بتقول أنا برجع شبه يوميا من الكلية الساعة 8 بالليل وبستغل اي وقت فاضي فيه علشان افتح النت. و أنا مع حضرتك انت والاستاذ ممفور وأنا عارف بإن الواحد بيأدن في مالطة لكن الواحد بيتكلم من سبيل التنفيس على النفس، دي حاجة ، الحاجة التانية بجد لازم يكون فيه حل للطمع اللي ساري في البلد في مصر لان البلد ماشية لورا وللأسف رايحة ناحية منحدر جامد بس للأسف الناس مش واخدة بالها.

رد: مطلوب معرفة سعر الجاك في الصين؟؟

تفعيل الحملة (خليها تصدي و موديلها يعدي) اوحملة مقاطعة السيارات الجديدة لفترة مفتوحة! يأتي في ذهني قصه حقيقية! في انجلترا كان سعر كيلو السمك ب 3 جنيهات و كان السعر ده ثابت من فتره و مرضي للتاجر و المستهلك! فمرة تجار السمك اجتمعوا ( زي التجار اللي عندنا) و قالوا متيجوا نرفع سعر السمك شوية و اهو نعملنا قرشين حلوين في وقت قصير! ( اااااه هما قالوا كده بالحرف الواحد! انا كنت معاهم و بقولهم عيب ميصحش) المهم تفوا في بق بعض و تاني يوم الناس تصحى من النوم تروح تشتري سمك لاقوه بقى ب 4 جنيهات!!!! ليه ؟ من غير ليه ! بدون اي سبب ظاهر للمستهلك! يا جماعه الدنيا ربيع و الجو بديع و الخير كتير و السمك كتير امال زودتوا السعر ليه مفيش اجابة! بدون اتفاق كل اللي بقى يروح يشتري سمك يلاقيه غلي ياخد بعضه و يمشي من غير ما يشتري (و يحلف بينه و بين نفسه طب والله ما انا شاري ! اشربوه الهي تشربوا البحر كله)
اول يوم بعد رفع الاسعار مبعوش حتى بشلن!!! الله الله ! ايه اللي بيجرى يا ولاد!!! ريس الحرامية (التجار ) ولا يهمكوا هوا اول يوم بس ! بكره حييجوا و رجليهم فوق رقابيهم و ساعتها نبيعلهم ب 5 جنيه كمان مش 4 بس و ان كان عاجبهم! تاني يوم لاقوا مفيش حد بيسأل حتى ولا معبرهم!!! تالت يوم !
رابع يوم! ولا قرش دخل جيوبهم الجشعة! ايييه يا زعيم ! العمل ايييييه! قالهم العمل عمل ربنا! (افتكروا ربنا ساعتها بس!!! ) امركوا لله نزلوا السعر, السعر رجع تاني 3 جنيه! مفيش حد برضه راضي ياكل سمك!!!! يا خبر اسود و مهبب!!!! عملوا دعاية و لفوا بميكروفونات! قرب يا عم قرب يا جدع السمك رخع للاسعار القديمة تاني علشان خاطر عيونكوا انتوا بس! علشان بنحبكوا و عارفين انكوا مننا و علينا مرضيناش نحرمكوا من السمك اللي بتحبوه! اليك يا عزيزي العميل لان مصلحتك من مصلحتنا و رضاك هو اكبر همنا لانك في ايدين امينة! السمك بتلاته جديدة لفترة محدوده و بأسعار زمان! هس هس مفيش ولا زبون و السمك ابتدت ريحته تفوح من كتر ما صدا! قصدي من كتر الركنه و ابتدى يعفن!!
المهم بعتوا واحد : قربي يا مدام قرب يا استاذ كيلو السمك ب 2 جنيه!!!! مفيش......
طب قرب والحق العرض! تصفيات الموسم السمك بجنيه (مفيش حد ريقه جري و راح جاااري يشتري و نسي ان اللي حيشتري منه ده و ينفعه كان لسه مديله على قفاه من كام يوم!!! ) السمك بنص جنيه برضه مفيش و بعد مرور شهر كان كل صيد السمك مرمي في البحر بعد ما باظ و التجار باعوا اللي وراهم و اللي قدامهم و اجتمعوا بعمدة المدينه اللي عمل اجتماع مع مجلس المدينة و باقصى قدر من الشفافيه رئيس التجار اعترف بغلطته و ابدى ندمه و اعطى تعهد ان سعر السمك عمره ما حيزيد عن 3 جنيه استيرليني و من ساعتها لحد يومنا هذا كل حاجة بتغلى اللا السمك في انجلترا لسه ب 3 جنيه!!