رد: ازاي تقنع البوب او الحاج او ابوك بانك تجيب موتوسيكل؟؟؟؟
 

والله انا البوب كان رافض تماما فكره الموتوسيكل وغير كده دماغه ناشفه جدااااااااااااااااااااا فوق ما تتصوروا بس علي مين
انا كنت راكب V-Max وعملت بيه حادثه واتبهدلت وش ورجل ودراع وروحت وانا متخيط واول ما فوقت ركبت تاني والدنيا حلوه وكنت مفكر البوب هيقولي متركبوش تاني لاقيته شجعني وقالي لو متظبطش غيره ووقف جمبي عشان لاقاني متعلق بيه وبعدها بشهر كنت راكب ريسينج تاني خالص والدنيا حلوه
الفكره ان طموحك لازم يبقي ليه خيال
الموتوسيكل لازم تحترمه وتحترم قيادته وتتعلم فنونها عشان تقدر تحافظ علي نفسك
معلش انا اعرف جروب ماشاء الله فيهم ناس معديه ال55 سنه وبيطلعوا كروزينج ودي ناس بيركبوا من 35 سنه موتوسيكلات

رد: ازاي تقنع البوب او الحاج او ابوك بانك تجيب موتوسيكل؟؟؟؟
 

لا قصتي مختلفه شويه مع موضوع حبي للموتسكلات. لان انا حبيتهم من صغري كان والدي معاه موتسكل ياماها بس قديم واحد شكمان ولما كبرت في اعدادي بدات اركبه كانت مشكلته انه لازم احط زيت علي تنك البنزين. كيلو وبعد كده جبت الموتسكل بس نظرا لاني في بدايه حياتي كانت الصيدليه وكاله كل الفلوس بفرش وبكمل دواها فجبت حته صيني ماكدبش عليكم الالوان البراقه
والشكل الحلو خدعني بس الواحد عرف ان اليباني احسن مليون مره حاجه معموله انها تعيش عالطول . زي ما هشام بيقول لازم تكون بتسوق كويس جدا لانك من الاخر راكب حاجه خطر ده غير التناسق العضلي العصبي ورده فعلك لو البوب فهمته كده وركب معاك وشاف سواقتك خلاص هيبقي مطمن. انا مش بقول كده عشان انا يعني ركيب موتسكلات بس علي قد خبرتي بتحصل مواقف بتعتمد علي سرعه رد فعلك وربنا يسترها.

رد: ازاي تقنع البوب او الحاج او ابوك بانك تجيب موتوسيكل؟؟؟؟
 

فعلا بتحصل مواقف بتعتمد علي سرعه رد فعلك ودي مع الممارسه
انا الحمد لله بعد فضل ربنا سبحانه وتعالي اكتر من موقف سرعه بديهتي المدعمه مع ستر ربنا هي اللي كنت بعرف الحق نفسي بيها ومواقف صعبه واحد يقطع عليا الطريق فاجاه وواحده يرجع بضهره ومش شايفني
اللي اعرفه انك ابدا بنفسك والتزم بالطريق الصح اه غيرك مش ملتزم بس انتا لازم تبقي ملتزم عشان متبقاش غلطان

رد: ازاي تقنع البوب او الحاج او ابوك بانك تجيب موتوسيكل؟؟؟؟
 

انت عارف يا هشام النهارده وانا رايح العمل جرار نقل كبير في المقابل ودبابه مصر يعدي منه وانا ماشي في طريقي . تدي نور مفيش فايده وربنا ستر بتاع النقل هدي خالص حشان يعديه وفي الاخر برده انا اللي هديت . لو الكل احترم واداب المرور هتخف الحوادث. بس نعمل ايه الكل بيرمي الغلط علي التاني وربنا يسترها

رد: ازاي تقنع البوب او الحاج او ابوك بانك تجيب موتوسيكل؟؟؟؟
 

البوست الأصلي يتقال عليه حاجة واحدة: دمااااااااااااااااااااغ :cool: