|
رد: حكايتى مع التأمين...و النصب العظيــم !
يا دكتور مستحيل طبعاً اكون شوفت الرسالة ومش هرد عليها وكمان ازعل فاكيد الرسالة موصلتش لاى سبب
عامة سيف اتصل بالراجل وهو قال انه عنده ما يثبت بيه صحه موقفة وفى انتظار ما سيأتى به من اثبات لتبرئه ساحته عما ورد فى حقة من اتهامات كالتالى 1- عدم تسديد قيمة البوليصة 2- التزوير والتلاعب فى مستندات الشركة 3- كون ما فعلة معك حصل قبل كده بشهادة الشركة نفسها وطبعا اكتر حاجة محيرانى فى الموضوع ان الشركة تكون محتفظة بيه لحد دلوقتى لو هو عنده سجل من المخالفات بالشكل ده عامة كلها ساعات ان شاء الله ونعرف كل حاجة |
رد: حكايتى مع التأمين...و النصب العظيــم !
اقتباس:
الوقت حتى لا يتهمنى أحد بعمل فرقعه أو انى أؤثر بالسلب على الموقع بأى شىء ! ولما انت لم ترد أنا فهمت انك غير مهتم ! القصه اللى أنا حكيتها يعلم الله كما قلت لم أزيد حرفآ فيها عن ما حصل ! وصدقنى لم أهدف للتشهير بأحد لكى يبرأ ساحته ! صورة الايميل مازالت عندى ! والايصال السليم بعد شهر من تاريخ تسليمه الفلوس طبعآ عندى ! طب فيه حاجه تانيه ! طبعآ بعد ما زميلى راح مكتبهم و فجر المسأله ! تانى يوم هوه عمل مشاركه فى المنتدى وكتب فيها على مساعدته وباسمها الحقيقى انها نصابه على كيفك و بيحذر الناس من التعامل معها ! و هوه ده السبب اللى جعلنى أرسل لك الرساله الللى قلت لك عليها لكى ألفت نظرك الى مشاركته ! عمومآ هوه ح يحاول يلزق العمليه فى مساعدته ! بس مش هيه اللى جت لى البيت ولا هيه اللى أخدت منى الفلوس ولا هى اللى بعتت لى الايميل المزور ! فيه مثل بيقول " اذاكان اللى بيتكلم مجنون يبقى اللى بيسمع عاقل ) ! Dr. Bolbolan ptmnlo123per1127 |
رد: حكايتى مع التأمين...و النصب العظيــم !
عزيزى الدكتور بولبلان طبعا انا كلمت حضرتك لما قرات الموضوع واخذت نمرتك من وائل وبقولها تانى انت لو مش مستريح وعايز اى مساعدة ان شاء الله اقدر اساعدك وال انا مستغربلة انك الموضوع من مدة ولم تسال او تحاول انك تستفسر عن وضع التامين رغم انك لما كنت عايز تشترى العربية سالتنى اكثر من مرة ومشترتش من عندى صح طيب لية معملتش كدة فى التامين مسالتنيش لية ولما حصلت المشكلة مقولتش لية وبلغتنى على العموم ال حصل حصل واتمنى انك لو محتاج اى شى تقولى وربنا يسترها دة الجزء ال يخص حضرتك صح
كون اننا ننتظر ونشوف رد الشخص التانى دة مش تشكيك فى كلام حضرتك انما من اساس العدل اننا نسمع ونعرف راى الطرفين ونشوف الطرف الثانى هيقول اية صح وفى النهاية اتمنى اننا نوصل الى افضل صورة من التعاون بين جميع الاطراف بما يحقق اكبر قدر من الفائدة لكل الاعضاء فى المنتدى |
رد: حكايتى مع التأمين...و النصب العظيــم !
اقتباس:
ما عرفت انه لم يدفع الفلوس ! لآنى عرفت انى غلطت و لو لم ينتهى الموضوع نهايه سعيده يبقى أنا أخدت جزائى ! أنا راجل واقعى ! بأحلم آه ! وساعات بأحلم ان فيه ملايكه بين البشر ! بس ساعة الجد ولما الحلم بيتحول لكابوس بأصحى من النوم ! ولا أحمل الآخرين أخطائى وبأعترف بخطئى ! وأنا كما ذكرت سابقآ لم أرد من الموضوع انى أشهر بالرجل ! لآن الضرب فى الميت حرام ! ولكن غرضى ان الناس تاخد بالها من اللى ممكن يحصل ! وأنا اتعودت فى كل مجالات حياتى أحاول أنا الآول درء المفسده واذا لم أفلح يبقى نستعين بصديق بعون الله ! أنا لم أشترى سياره من عندك لآنى فهمت انها خليجى وأنا كنت رأيت النيوسيراتو فى السعوديه ولم تعجبنى ! كمان انت قلت لى انك لقيت واحده بس بالمواصفات اللى أنا عايزها بس لون غير اللى أنا عاوزه ! وكمان بدون ضمان بس قلت لى ممكن نشترى لك ضمان ! وأنا مع احترامى لك مصدقك بس مش مصدق التوكيلات انها ممكن تعامل الضمان المشترى ده معاملة سيارة التوكيل ! السر الآخير بأه ! انه لم يكن معى ثمنها كاملا والتوكيل كان ح يأخرنى 4 شهور كانوا كافيين أجمع الباقى ! و لم أطلب منك تساعدنى فى التأمين لآنى أحرجت كيف أنى لم أشترى السياره منك وأطلب منك تشوف لى شركة تأمين ! قدر الله و ماشاء فعل ! وصدقنى تعلمت الدرس وأى مشكله تقابلنى لا قدر الله مستقبلآ ابقى استحمل رزالتى عليك بأه ! ههههههههههههه Dr. Bolbolan ptmnlo123per122 |
رد: حكايتى مع التأمين...و النصب العظيــم !
شكرا يا دكتور لموضوعك المفيد وربنا يسترها معانا كلنا
وشكرا لابو نورا وللاستاذ سيف |
| الساعة الآن 04:16 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017