مصر موتورز مجتمع السيارات - رحلة الى قلب اسرائيل

ذهبت بعدها الى اقاربي وكان المطعم الذي يمتلكة احدهم قريب مسافة
لا تزيد عن 2 ك م عن مكان عملي.. وجدت -أبيي- اللى هو عبدة
وجدت اخى الاكبر وكان هو مدير مطعم -أبيي- وكمان كان معاهم واحد تانى
المفروض انه قريبنا بس انا معرفهوش!!
وعلى فكرة
المطعم بتاع -أبيي- كان اسمة (كيبوتس) وكان قد اشتراة من جابى اليهودى
بعد ان عمل معة لفترة طويلة...المهم
وصلت عندهم وكان واضح علي انى سعيد على مايبدو ولذا
سالونى جميعا اية مالك فى اية انت قبضت ولا اية؟
بينى وبين نفسى قلت اية ولاد الاية دول عرفوا منين؟؟
اجبتهم بالايجاب وقال لي -أبيي - مبسوط يعنى؟
قلت له فى الحقيقة مش عارف اذا الرجل اليهودى دة غلط وادانى فلوس
اكتر ولا اية؟
قاللى اداك كام؟ ولما اخبرتة ..!! كان رد فعلة قولة....
مش معقول!!لية يعنى انت ح تشتغل مدير ولا اية؟
اما اخى فأكتفى بالنظر الي ولم ينطق والولد بلدياتنا اللى معرفهوش
جري على داخل المطعم بعصبية.. لم يبالي -ابيي- بردود الفعل
وقام بالاتصال بالمعلم جابى وبعد السلام والذي منة سألة اذا كان هذا هو
فعلا المرتب المقصود ام ان هناك خطاء ما؟
لم اعرف مايقولة له جابى وبدأت ملامح الوجوم ترتسم على وجه -أبيي-
وبعد ان اغلق الخط .. تحدث موجه كلامة لأخي الاكبر قائلا
مافيش اى أخطاء ومع الوقت سوف يزيد المرتب وهناك ايضا مايسمى بالبونص
والبونص معناة فى لغتهم انة اذا زاد ايراد المحل اليومى عن الفان جيلدر
يحصل كل شغيل على مبلغ 25 جيلدر مكافأة واذا زاد عن 3 الاف جيلدر يحصل كل شغيل على 50 جيلدر...
كست وجوة الثلاثة اقاربى مسحة من الكأبة بما فيهم اخي
وبعد مغادرتى المكان بصحبة اخر عرفت منة انة يحصل فى الاسبوع على مبلغ 400 جيلدر من -أبيي- وهو مدير المطعم
وبلدياتنا الاخر اللى ماعرفهوش يحصل على 175 جيلدر
وفهمت بعدها سبب الوجوم والكأبة...
تابعت عملى بعدها بجدية ولم اكن اجد الا معاملة حسنة جدا تعرفت بعدها على -جيلو- وهو ابن اخت جابى وجاكى وكان شاب فى مثل سنى تقريبا
وعلى فكرة اليهود يشبهوننا بشكل كبير خاصا بالطبع اليهود العرب
المفاجأة انى وجدتهم يعشقون الفنان عادل امام ويعرفون كل شئ عن اعمالة
يسمعون ام كلثوم وفريد الاطرش بشكل شبة دائم ويحفظون اغانيهم..
فى احدى المرات سألنى جيلوا اذا كان لدي الوقت ممكن بعد العمل ان نذهب سويا
فى نزهة فى وسط البلد ورحبت انا جدا وذهبنا بالفعل وقمنا بعمل جولة
فى وسط امستردام
ودخلنا اكثر من محل للملابس والاحذية وبعدها
قالى انة جوعان ودعانى لأحدى محلات البيتزا الشهيرة وذهبنا بالفعل وقبل دخولنا المحل
سألنى اذا كنت اتحدث الانجليزية اجبتة بالأيجاب فقال لي اذا نتحدث
فقط الانجليزية داخل المطعم وعندما حاولت الاستفسار -لماذا-؟ خاصا انة يجيد العربية
وانا مازلت لا اعرف الكثير عن اللغة الهولندية -قال لي
بعدين افهمك..
دخلنا ولم نتحدث الا الانجليزية وكانت فى خدمتنا بنت هولندية رحبت بنا باللغة الهولندية
وعاجلها جيلو قائلا -نحن لا نتحدث الهولندية فقط الانجليزية
وكانت تجيدها ايضا وبعد الانتهاء من تناول الطعام قام جيلو بدفع الحساب وتركنا المطعم
متوجهين الى سيارتة وبعدها سألتة لماذا طلبت منى ان اتحدث الانجليزية
فقال لي ... افهم كويس
مش مفروض انك تفهم او تعرف كل الناس انك فاهم!!
لما يعرفوا انك مش بتفهم لغتهم ح يتكلموها براحتهم.. وانت ح تفهما برضة براحتك...!!
قام جيلوا بتوصيلى حتى باب منزلى وانصرف
بعد شكرة لي على الوقت الظريف
تابعت عملى بعدها فى المطعم وكنت دائما اسمع كلام مشجع من مجدى وجاكى وجابى بالطبع
وكان هذا الكلام أقل من باقى الاخوة المسيحين -ميلاد- وسمير-
وكان ميلاد اقدمهم فى المطعم وكان متزوج من هولندية وكان اكثرهم ارتباطا بالمجتمع الهولندى
بمعنى انة عايش عيشتهم-تقريبا نسى مصريتة ولم يتبقى منها الا اللغة المصرية- وكان يفضل ان لا يتحدث بها
اما سمير فكان ترتيبة الثانى فى الاقدمية وبصراحة ربنا وبرغم تظاهرة بالتدين كان انسان خبيث جدا
وكان ميلاد ومجدى يعملون له الف حساب لأنة كان بيوصل كل اخبارهم للمعلم جابى
وفى احدى المرات سمعت صوت زعيق مابينهم وفى وجود جابى وعرفت بعدها ان السبب كان
ان فى نهاية يوم العمل بالامس قام ميلاد بالكشف عن الايراد اليومى وعرف انة كان
2950 جيلدر وهو مايعنى انة لا يوجد (بونص) اللى هو 50 جيلدر لكل شغيل!!
وعلية قام ميلاد بنفسة وبالاتفاق مع مجدى على دفع ال50 جيلدر من جيبهم الخاص
على ان يوزع علينا فيما بعد مقابل ان يحصل كلا منا على 50 جيلدر
وهو ما وافقهم علية سمير وبعدها ذهب واخبر المعلم جابى بالمخطط كلة ...!!
زاد الحوار توترا خاصا بعد حضور جاكى وتقريبا كدة ان جابى عارف ازاى ينرفز
زملائى كويس وعلية أخذ يتحدث مع اخية باللغة العبرية وبالطبع احنا مش فاهمين اى
حاجة وهو مالم يعجب ميلاد وقالة هو احنا فى اسرائيل هنا ح تتكلموا بالعبرى بتاعكم دة
اتكلموا هولندى والا اروح لحالى...
وكان رد جابى وبمنتهى الهدوء ...انا مابزعلش لما بتتكلموا مع بعض مصرى!!
ورد علية ميلاد قائلا .. لكن احنا مابنتكلمش عبري
فرد علية جاكى وبسرعة مذهلة
انت تقصد انك لا تفهم العبرية وهذة مشكلتك انت اذا اردت ان تفهم مانقول فعليك تعلم هذة اللغة!!
وكان هذا اول موقف اشعر معة بخوف حقيقى
تعاطفت كثيرا مع موقف ميلاد ومجدى وقرفت تماما من اللى اسمة سمير
وقلقت جدا من ردود فعل جاكى وجابى الغير متوقعة....
يتبع