رد: لعنة عدم ثبات السيارة (يا فرحة ما تمت مع البورا)
 

يا باشا الف سلامة عليك و على كل الزملاء, و الحمد لله, جبت البورا تانى اهو, قلت اشبع نفسى منها, ملحقتش اشبع المرة الأولى.

رد: لعنة عدم ثبات السيارة (يا فرحة ما تمت مع البورا)
 

رد: لعنة عدم ثبات السيارة (يا فرحة ما تمت مع البورا)
 

يا باشا ربنا يخليك, هيا كانت مكتوبالى, انا بعت الالنترا و عينى على ال E46, و ملقتش حاجة مناسبة روحت اندرت على ال السيفيك 2007 و الأوكتافيا a5, بردو ملقيتش حاجة مناسبة غير قلقت من موضوع فتيس ال a5, و نشغلت بالمازدا 3 حبتين بس اترعبت من اسعار قطع الغيار حتى الاستيراد فيها استهبال, و فى الأخر نازل بالصدفة مصر الجديدة ابص على عربية لجوز اختى لقيت صاحب البورا واقف مع عيلته يشترى حاجة رحنا مبرشطين عليه و هو كان عندو استعداد البيع بس عاوز تشجيع :funny25: ,بس اسبوعين زن و تزبيط و خلصت فيها الحمد لله.

رد: لعنة عدم ثبات السيارة (يا فرحة ما تمت مع البورا)
 

مبروك على البوروا 2. هى موديل كام؟ وهل هى افضل من البوروا الأولى.. البوروا موديل من 2005 إلى 2008 تعمل كام اليومين دول؟

رد: لعنة عدم ثبات السيارة (يا فرحة ما تمت مع البورا)
 

أولا الله يبارك فيك يا باشا ربنا يخليك.

و هى كحالة عامة افضل الحمد لله من البورا الأولانية كعفشة و صالون, لكن كماتور و شاسيه و بوية فالاثنين متماثلين الحمد لله, الماتور و الكهرباء بحالة جيدة جدا ان لم تكن ممتازة ,الشاسيه تمام و البوية فالعربتين فابريقة بالكامل بره و جوه.

الموديل فالاثنين موديل 2000 المانى, و للعلم البورا فى مصر متوافرة من موديلات 2000 الى 2005, اعتقد 2000 الى 2002 المانى و بعد كده مكسيكى (المتأكد منه ان 2000 و 2001 المانى, لكن 2002 ناس تقول المانى بردو و ناس تقول لأ ديهمن المكسيك), الفروق بسيطة جدا عموما بين الموديلات الأقدم و الأحدث و هى كالأتى على حسب معلوماتى:

1- المعايا دواسة البنزين واير (سلك يعنى) بعد كده بأه كهرباء, و معرفش ميزة الموضوع ده ايه عموما.
2- فى اختلاف فى التابلوه الأمامى من فوق, بأه فيه زغرفه كده مش سادة زى المعايا و بصراحة شكلو احلى.
3- الطارة المعايا عريضة, فى الموديلات الأحدث بتكون رفيعة و بذراعين كده (لازم تشوفهم عشان تفهم الفرق).
4- فى اختلاف بسيط فى الكونترول يونيت و ضفيرة الكهرباء, يعنى مثلا الموديلات الأحدث ممكن تركب عليها مفتاح بريموت اوريجنال زى الفى الأوكتافيا و الجيتا, لكن عندى لازم أغير الكونترول و اضبط حاجة بسيطة فى وصلات الكونترول للضفيرة, و الموضوع سهل مش صعب بس مليش نفس العب فى العربية.
5- ممكن تلاقى اختلافات بسيطة زى مثلا لمبة تحذرك ان البا مفتوح و حاجات كده.

يعنى بشكل عام الاختلافات بسيطة جدا و سهل تعويضها, لكن يقال ان الموديلات الأقدم افضل لأنها تقفيل المانى بالكامل, المشكلة بشكل عام انك تلاقى حالة جيدة اصلا ,و اغلبية البورا الهتلاقيها من 2000 الى 2002, ثم 2005 و مش فاهم 2003 و 2004 راحوا فين, و 2005 قليلة جدا و اصحابها بيعالوا فى سعرها اوى.

طبعا فى الأخر احب اصححلك معلومة ,ان من 2006 فما فوق, ف ديه الجيتا و هى الموديل الأحدث من البورا, مختلفة تماما كماتور و عفشة و فتيس و تصميم و سعر.