رد: اي مساعده في الاكسارا انا جاهز
 

بص ياباشا انا هاحاول افيدك علي اد معلوماتي
1- لمبه ال S و النجمه دي بتنور في حاله انه في خطأ في الفتيس والخطأ بيتسجل في ساعتها علي الكمبيوتر وده بيكون لأكتر من سبب منها الأسباب الأتيه هابتدي بالشائع منها :-
1 - بلوف ضغط الزيت ودول اشهر الأعطال في الفتيس ده ال هو AL4
حضرتك بتقول انك غيرتهم هل غيرتهم الأصلي وعند مين لأن في منه صيني مضروب و ب 600 جنيه الأصلي ب 1000 جنيه وتركبهم عند حد ثقه
ثانيا الزيت هل غيرته بالزيت الأصلي ولا لا
2 - لو الزيت سخن أو قديم برده يعمل نفس المشكله
3- حساس النقلات وفي حاجات تانيه كتير
اللمبه دي بتنور والفتيس بيعمل lock علي الغيار التالت علشان يحمي الفتيس من انه يبوظ لحد ماتشوف المشكله مسجله عطل ايه علي الكمبيوتر
ممكن تكلمني يمكن افيدك اكتر واقولك علي واحد كويس تروحله ده رقمي 01068811884
بس اوعي تقول كرهت الستروين بسبب مشكله قابلتك كل العربيات بتعطل متزعلنيش منك

رد: اي مساعده في الاكسارا انا جاهز
 

1- صوت صفارة ولا زنه لو زنه ده العادي بتاعها انا عندي كده وتسمعها وانت بره العربيه
2- عداد الحرار بيبتدي اصلا من 60 وبيبدي يرفع تدريجي بعد ماتمشي بالعربيه شويه مش كتير معني انه مش بيتحرك يبقي في مشكله وهل لما بتشغل التكييف بيرفع ل 90 مره واحده ممكن يكون سلك حساس الحراره او الحساس نفسه فيه مشكله

3- لمبه air bag منورة علاطول طب لو الكلاكس لسه شغال تحمد ربنا هو غالبا محتاج انك تعمل ريست للعطل من علي الكمبيوتر وتشيله لأنك لما فكيت الدركسيون اكيد الفيشه اتشالت غير كده هاتبقي عاوزة شريط air bag

4- فرد الكاوتش عندك 100 100 دي بتاع الكاتلوج انا عندي حاطت 60 ومافيش حكه ولا حاجة ممكن تكون الكرتيرة البلاستيك نفسها تكون فكه وبتحك في العجل

رد: اي مساعده في الاكسارا انا جاهز
 

_________________________ _____________________-
اولا جزاك الله خير على الرد -1 - الصوت اللى طالع من الطلمبة هو صفارة طويلة ومزعجة مش زنة وبتحصل لما امشى اكتر من ساعة
2- الكاوتش الحكة واضحة من جوة الكوتش والمسافة بينة وبين الجسم العربية من جوة قريبة جدا ولما العربية تحمل اكتر من 2 وتاخد مطبات تعمل علامة حاكة

رد: اي مساعده في الاكسارا انا جاهز
 

ممكن تروح لحد يبص علي طلمبه البنزين ممكن يكون الموتور بتاعها
بالنسبه للكاوتش هو الي قدام ولا الي ورا والحكه من فوق ولا من الجنب
ولو من فوق قدام هل العربيه واطيه لأن كده هاندخل في قصه العفشه
ولو من ورا العربيه فيها ريجلاش بتعلي وتوطي منه

رد: اي مساعده في الاكسارا انا جاهز
 

السلام عليكم ورحمة الله الاعضاء الكرام انا معى اكسار2 عندى مشكله فى الكهربه لما تكون العربيه شغاله والنور منور واقفل الكونتك اول سنه النور يطفى والعدادت تسقط لتحت مره وحدة وبعد ثوانى ينور النور تانى وشاشة الكاست كل ما اضبط الساعة والتاريخ يتغيرو وبتيجى وتروح كمان الزجاج بتع الباب الشمال مابرفعش اوتوماتك ولازم كل ما اجى ارفعه يطلع سنه وارفع يدى من على الزار وارفعه تانى وهكذا لحد ما اقفله ارجو المساعدة للعلم ان كل شيى كان مضبوط وحصل كل ده فجه مع بعضوه ارجو المساعده وشكرا