مصر موتورز مجتمع السيارات - استفسارات عام 2012

معلش يا جماعه انا سجلت مخصوص عشان اجاوب انا شوفت قبل كده فى اسكندرية شركة بتقسط مش شركة معرض وسألته قاللى الفوايد فى السنه 13% وبيتهيألى انها تبع بنك مش متأكد بس ممكن تروحلة وتسألة انا مش فاكر اسم الشركة لكن فاكر مكانها كويس اوى

على شارع ابو قير بعد نهاية سور نادى سبورتنج فى محطه بنزين وبعدها على طول ب 50 متر

قصادة كوبرى سموحة وقبل سيدي جابر بمحطه وانت رايح من محطه مصر طبعا ولو انت جاى من الناحيه التانيه رشدي مثلا يبقي بعد سيدي جابر بمحطه واحده بس على ايدك اليمين معرض معروف وكبير مش فاكر اسمه ولا سجلت نمرتة لان لقيت الفوايد استهبال بصراحه البنوك احسن كتير من المعارض ده رأيي الشخصي لكن هو الميزة انه بيقسط استعمال

وفى واحد تانى فى العجمي بيقسط بردو اسمه العباسي لكن تسهيلات فى السداد مش قسط بمعنى الكلمه يعني عرض عليا مرة عربية نوبيرا كانت عامله 45 الف قاللى ادفع 25 والباقي على سنه بس الصراحة هو معرفة وقاللى انه موقف القسط بعد الثورة عشان المشاكل لكن احنا جيران وهو صاحب واحد معرفة

ليا اقتراح بلدي شوية لو حتجيب عربية استعمال اعمل جمعيه احسن او اتنين حتلاقيها احسنلك كتير لانك حتدفع فوايد ونفس قيمه القسط هو قسط الجمعيه

كل بتوع قسط العربيات بيشوي فى الناس وهو حقه بصراحه العربية غالية ودى فلوس قاعدة ولو مجابتش مبلغ كويس يطلعها ليه؟؟ وكل كام واحد ملتزم يجيلك واحد مش ملتزم فلو الربح مش كويس واحد يضيع شغل 5 او 10 عملاء كويسين غير المناهده فى المطالبة بالاقساط انا منعته عندى فى الشركة بسبب القرف اللى بيحصل ده بطلع قسط للشركات بس ومش اى شركات كمان وبضمانات قوية
وبردو ربنا يستر

واسف على الاطاله واتمنى اكون افدتك واتمنى بردو ان المعلومة المشرف ينقلها للي يسال عن حد فى اسكندرية بتاع تقسيط انا معرفش الراجل الاولانى ولكن انا حاولت اساعد والله اعلم اسأل قبل ما تشتري عشان مبقاش دبست حد وانا مشتريتش منه بردو عىل فكرة

السلام عليكم