|
رد: اخر اسعار قطع غيار الرينو 19 والرينبو
اولا انا متشكر لحضرتك جدا بس احب ققول اني انا شفت العداد بنفسي كان 36.000 وكسر بس انا مش عندي خبرة اوي ف السيارات وهو بيدور العربية غابت سنة بسيطة خالص فهل ده ممكن يكون عيب مارش ولا ايه وكنت عايز اسال حضرتك هل هدوخ علي قطع غيارها ولا متوفرة وهل هي غالية مقارنة بمثيلاتها ف نفس الموديل واكرر شكري لحضرتك ودايما تفيدنا وكل سنة وانت طيب
|
رد: اخر اسعار قطع غيار الرينو 19 والرينبو
اقتباس:
يعنى مش بالضروره انه يكون فيها مشكله كبيره وبالنسبه لقطع الغيار فهى موجوده فى كل حته ومنتشره جديد واستيراد والاسعار مكتوبه هنا يا باشا فى الموضوع انت بس خدلك جوله فيه وهتلاقى اسعار حاجات كتير فيه وربنا يوفقنا جميعا للخير وكل سنه وانت طيب يا باشا |
رد: اخر اسعار قطع غيار الرينو 19 والرينبو
كويس يا رجاله افتكرت حاجه
سلك دبرياج تركى ب 35 جنيه |
رد: اخر اسعار قطع غيار الرينو 19 والرينبو
انا متشكر جدا علي سرعة الرد وانا فعلا قرات اسعار قطع الغيار وانت بأمانة طمنتني انا كنت فعلا قلقان لان ناس كتير قالتلي ده فرنساوي وقطع غيارها غالية بس انا كده اطمنت بنفسي الف شكر وجزاك الله عنا خير الجزاء
|
رد: اخر اسعار قطع غيار الرينو 19 والرينبو
العفو يا باشا احنا اخوات ولازم نفيد بعض وربنا يباركلك فى العربيه الكويسه المحترمه اللى الناس كلها بتقلقك منها وهى مفيهاش اى حاجه تقلق وعلى فكره الرينبو فلتر الهوا بتاعها ب15 جنيه يعنى حتى مش ب25 زى عربيتى
يا باشا متقلقش من الكلام ده لان العربيه والله فعلا كويسه جدا وثابته اوى وده هيريحك وبأذن الله ربنا يوفقك للخير ان شاء الله |
رد: اخر اسعار قطع غيار الرينو 19 والرينبو
الف شكر لاهتمامك يا غالي
|
رد: اخر اسعار قطع غيار الرينو 19 والرينبو
بوب حبيبى
كل سنه وانت طيب كنت عايز اضبط العربيه كلها وكنت عايز منك يا حبى الاسعار والاماكن: 4 باب وينفع يكونو كلهم كهرباء شكمان كامل اسطوانه ديبرياش بلوازمها نظام الباور للدريكسيون العفشه الكبالن الشنب الكربراتير الموتور ال1400 ده لو كان هيخليها زى الزيرو الكابوت وكده تمام قوى يا بوب |
| الساعة الآن 04:04 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017