|
رد: عندي مشكلة محيراني
اقتباس:
ثانيا اسف اضطريت امشي من النت امبارح لظروف خاصة ولم اتابع معاك امبارح ثالثا بقى ودي الاهم انا عندي مروحتين واحدة على السربنتينة ودي تشتغل اول مابشغل التكييف ومروحة الريداتير ودي مابتفصلش خالص اثناء تشغيل التكييف وعند اطفاء التكييف ترجع تفصل وتشتغل عادي بس انا عندي ملحوظتين 1-مش قادر اميز ان عندي سرعتين لاني مش سامع الا صوت واحد بس يعني المروحة بتاعة الريداتير مالهاش الا صوت واحد بس فهل هي شغالة على السرعة الاقل على الرغم ان فيشتها ب3اطراف متوصلين ونفس الحكاية لترموستات الريداتير متوصل بفيشة 3 طرف 2-مروحة الريداتير مش مغطية كامل مساحة الريداتير زي مروحة السربنتينة اللي مغطية مساحة السربنتينة كلها فعندي المروحة تقريبا مغطية نصف مساحة الريداتير والنصف التاني علية بقية قميص المروحة فحبيت اشوف حل للموضوع دا اني اغير القميص واجيب مروحة تغطي كامل مساحة الريداتير وهو مقاسة 54 سم في 33 سم الريداتير اللي راكب فيها هو العريض بتاعها وجايبة من التوكيل بس من غير المروحة بقميصها كانو قدام من الاول ايه رايك ؟؟؟اسف على ازعاجك |
رد: عندي مشكلة محيراني
اقتباس:
في الغالب أثناء تشغيل التكييف وتشغيل مروحة سربنتينة التكييف بيكون الهواء الداخل على الرادياتير ساخن وبالتالي مروحة الرادياتير في الغالب بتفضل شغالة مع التكييف زي مروحة التكييف وهذا طبيعي في كثير من الحالات وأنا أفضله لأنه عندما تشتغل المروحتين يتحسن أداء التكييف اقتباس:
طالما المروحة داخلها ثلاثة أسلاك والثرموستات له ثلاثة أطراف فهذا يدل على أن المروحة سرعتين والمفروض أن السرعة المنخفضة تعمل أولاً لكن لو حصل إن الحرارة إرتفعت أكثر من اللازم في هذه الحالة تعمل السرعة العالية والفرق في الصوت عشان تسمعه لازم تكون فاتح الكبوت طيب أحياناً الثرموستات أبو ثلاثة أطراف بيكون فيه طرف بايظ وبالتالي المروحة مبتشتغلش وقتها إلا سرعة واحدة وعموماً هناك طريقة أخرى وهي أن نجعل مروحة الرادياتير تعمل بالسرعة العالية بصورة دائمة في حال تشغيل التكييف مع مروحة التكييف وبالتالي تزداد كفائة التكييف والسيارة تبرد اقتباس:
هذا الوصف تماماً موجود عندي في الجولف وبرضه المروحة ثلاثة طرف والثرموستات ثلاثة طرف والحرارة عسل على الآخر ولما العربية بتسخن المروحة تشتغل سرعة واطية والعربية تبرد والمروحة تفصل وعمرها ما وصلت إن السرعة التانية تشتغل حتى في أحر يوم في السنة وأنا متأكد إن السرعتين سلام وكذلك أطراف الثرموستات سليمة والرادياتير عندي هو الصغير لأن الجولف لها رادياتير عريض وآخر نحيف رفيع مع الملاحظة إن شركة سيات تعتبر أحد أتباع فولكس يعني غالباً الأجزاء عندنا واحدة اقتباس:
لكن هل له داعي من وجهة نظري ليس له داعي لأن ما أعرفه أن بعض أنواع قميص المروحة يكون مصمم بحيث يكون بيسحب الهواء من كل أنحاء الرادياتير ويخرجها من المروحة ولو كانت صغيرة لكنها قد تكون سريعة وقوية بما يجعلها بقوة المروحة كبيرة الحجم بعض السيارات يكون بها عيب في تصميم مروحة الرداياتير كما في الشاهين وانا وضحت ذلك وتخيل اني إكتشفت أنه في تركيا تم إصدار نوع جديد من مروحة الشاهين بشكل مختلف وقميص مختلف عن الفاشلة الأولى وتنتجه شركة ماكو وهي شركة قطع غيار أصلية لذلك انا لا أظن أن عندك عيب صناعة في مروحة الرادياتير لأن أظن أنها هي نفسها عندي في الجولف وغالباً نفس الموتور اللي عندي برضه - |
رد: عندي مشكلة محيراني
اقتباس:
اشكرك يا هندسة بس انا فتحت الكبوت فعلا وشغلت التكييف وفعلا سمعت نفس صوت المروحة ماتغيرش ممكن تكون هي اصلا شغالة على السرعة التانية اللي هي اعلى بس ولا ايه على فكرة التوليدو 96 هي هي جولف 3 بكل حاجاتها بمتورها اصل ايه السبب في اني عايز اغير القميص واجيب مروحة بكامل حجم الريداتير حاسس ان لما التكييف شتغل والعربية تسخن المروحة مش بتلحق تبرد المية اللي في الريادتير كلها يعني المية تعدي على الريداتير المفروض وهي تغادرة تكوم بردت انا حاسس انها بتخرج منه للموتور وهي لسة سخنة فتسخنة زيادة مش تبرده ولما الموتور معليهوش حمل الاقي العربية بتبرد لان المروحة بحالتها دي كافية للتبريد مش عارف انا حاتجنن عندي ملاحظة ليك اخويا عنده شاهين 1400 موديل 2006 صوت مروحتها اعلى بكتير من صوت مروحتى يبقى الكلام دا معناة ايه؟!! |
رد: عندي مشكلة محيراني
اقتباس:
وإحتمال تكون شغالة على السرعة الأولى بس وفي الحالة دي لو خليناها تشتغل على السرعة التانية مع التكييف هتبرد الموتور أسرع اقتباس:
الحقيقة لابد نتأكد الأول من موضوع السرعتين لأني متأكد إنه لو ظبطنا إن السرعة التانية تبقى مع التكييف مش هتحتاج تعمل تعديل خالص اقتباس:
طبيعة مروحة الشاهين إن صوتها عالي بجدارة وهذا طبيعي جداً فيها ولا يعني هذا انها بايظة - |
رد: عندي مشكلة محيراني
طبعا لو فرضنا ان السرعة اللي شغالة دلوقتي هي السرعة الاولى
اعتقد يبقى خلاص حتى لو التانية مش شغالة لوحدها احاول اخليها هي اللي اساسية وتبقى السرعة التانية هي اللي شغالة على طول اما المشكلة بقى تبقى هي دي السرعة التانية اللي شغالة وتبقى طبعا على حالتها كدا والعيب الموجود مش كافية للتبريد ولازم اعمل التعديل الجزئي دا اني اغير المروحة بواحدة اكبر منها فية مهندس اللي هو مدير الورشة في التوكيل قاللي معلومة ان التكييف مش نازل اصلا في العربية والتكييف اتركب هنا في مصر بس للاسف اتركب على الريداتير اللي بتاع العربية اللي من غير تكييف المهم حتى هو عنده عربية اخت بتاعتي قاللي عربيتة فوق 140 او 150 بتسخن جامد عشان كدا قولتلة انا بتسخن مع التكييف في سرعة من 80 مش اقل من كدا قاللي ممكن اعملك تعديل بأنة يغير الريداتير بواحد اعرض منه وعليه مروحتين مش واحدة بس عايزيني اكلمة الاربعاء عشان هو اجازة اليومين دول قلتلة حافكر وانا بصراحة مش عايز اغير واعدل التعديل الكبير دا كان نفسي الاقي مروحة اكبر او احد مروحتين على نفس الريداتير الموجود حاليا منها انى لسة جايبة جديد من شهر واحد وطبعا كدا حاشيلة مش حاستفاد منه ومنها مابقاش غيرت كتير داخل العربية مش عارف رايك ايه لو انت مكاني معلش ماتزهقش منى ومن اسئلتي المملة بس اشكرك وربنا يباركلك |
رد: عندي مشكلة محيراني
مبدئياً إتفقنا لو قدرنا نشغل السرعة الثانية يبقى تمام لو منفعش وهنفكر في قصة مروحة أكبر الموضوع هيكون فيه مجازفة وتكلفة لأن المروحة مهما كانت سرعتها لو كان لرادياتير غير مناسب فلن تحل المشكلة كلياً لكن ممكن نجازف ونشوف ممكن ينفع وممكن لأ عموماً كان الشيخ طارق قال إن المروحة بتاعت الأوبل أسترا 1600 اللي أنا جبتها ب 350 جنيه قال إنه ممكن يجيبها ب 150 جنيه فقط لكن طبعاً المهم أولاً نعرف مقاسات تلك المروحة تنفع عندك ولا لأ أنا هحاول بكرة أشوف مقاساتها وبرضه إنت حاول تشوف موضوع السرعة التاني - |
رد: عندي مشكلة محيراني
اقتباس:
ولك جزيل الشكر مقاس الريداتير بتاعي كنت كاتبهولك فوق 54 سم* 33 سم |
| الساعة الآن 06:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017