رد: تقرير مفصل عن شيفرولية CRUZE (النسخة مصرية + صور)
 

الواضح ان حضرتك انسان مهذب جدا وبترد علي كل استفسارات الناس
بس عندي سؤال لحضرتك
ان لية شهر بالظبط ومش راسي للاسف علي نوع للعربية الي عايز اخلص واجبها وانا الي موقف الشرة لغاية مستقر علي عربية
وكل مافكر في حاجة تطلع عربية غيرها يعني انا لو مكنش لية نصيب في دي هجيب الالنترا لانها عجبني قوة المحرك بتاعها
وهية الي كان عليها الاختيار قبل ماشوف دي في المعرض
بس دي طبعا مش هقدر اعلي فوق المانوال بتاعها لان سقفي110 في الفلوس والي مقلقني قدرة الماتور 107 حصان وفي التوكيل اتكلموا عن العزم ان النسبة مابين العزم والهورس باور هية الي بتحكم وانا الصراحة مبفهمش في الحاجات دي
فياريت لو حضرتك تتكرم علية وتوضحلي الامور دي لان مثلا اية الفرق ان موتور 1600سي سي يدي 107 وواحد يدي121 مش دة معناة ان الموتور اقوي كدة
يريت توضحلي الفكرة خاصة ان المبلغ الي هدفعة فيها مثلا يخليني اجيبها اتوماتك في الالنترا
وليك كامل احترامي

رد: تقرير مفصل عن شيفرولية CRUZE (النسخة مصرية + صور)
 

شكر على كل الكلام الجميل دوت

و انا هرد عليك على حسب معلومات المتواضعة

الفرق ممكن يكون فى تكنولوجيا تصنيع محرك السيارة

او فى وزن العربية او تربو او طريقة تصنيع المحرك او معرفش غير كدة ptmnlo123per1127

و لو انت محتار فى شراء سيارة معية ممكن تعمل مقارنة بيها و الناس اى هتقدر تفيدك هتفيدك

فى اللبنك دة

http://www.masrmotors.com/vb/forumdisplay.php?f=3

رد: تقرير مفصل عن شيفرولية CRUZE (النسخة مصرية + صور)
 

هو موضوع العلاقه بين العزم و القوه ده مش سهل ... و محتاج حد متخصص يرد على حضرتك فيه ..

لكن كل اللي اقدر افيدك فيه بالنسبه للنقطه دي ...
إن العربيه منظومه متكامله ... الموضوع مش قوه موتور و عزم وبس

الوزن الاجمالي او نسبه القوه للوزن مهمه جدا
يعني مثلا الماتريكس و الفيرنا و الجيتس ليهم نفس الموتور .. لكن الماتريكس اتقلهم و بالتالي اقلهم في السرعه و التسارع بتاعها ابطاء

العزم بيفيد انه يوصل العربيه لقوتها بسلاسه ... علشان كده عربيات النقل عزمها عالي جدا علشان تستحمل الاوزان التقيله .... او مثلا لما تكون العربيه راكب فيها 4 او 5 ركاب و طالعه مطلع جامد ... العزم القوي بيساعد العربيه انها تطلع بسلاسه ..
لكن على حد علمي مش معنى العزم العالي ان العربيه يبقى تسارعها عالي (والله اعلم ) ...

لكن في حاجات تانيه كتير بتفرق في اداء العربيه
نسب التروس و نوع الفتيس
مقاس الكاوتش ..
عدد دورات الموتور اللي بتتحقق عندها القوه القصوى مهمه جدا
يعني مثلا عربيه بتحقق 100 حصان على 3000 دد ... و عربيه تانيه بتحقق 120 حصان على 4500 دد .... يبقى مين الاحسن فيهم ...

ممكن حضرتك تبص على الموضوع ده ...
هي معلومات بسيطه بشرح بسيط ... لكن ممكن توضح الفكره العامه ...

http://www.masrmotors.com/vb/showthread.php?t=3359

وفعلا زي ما قال لانسر ... التجربه هي اللي تقول اداء العربيه عامل ازاي ... خصوصا انها لسه جديده و محدش جربها ...
لأن مفيش حد يقدر يحكم على اداء عربيه من مواصفاتها الفنيه ... لكن بتكون مؤشر عام مش أكتر ...

رد: تقرير مفصل عن شيفرولية CRUZE (النسخة مصرية + صور)
 

كان نفسى فى صور للكروز مانيوال

رد: تقرير مفصل عن شيفرولية CRUZE (النسخة مصرية + صور)
 

شكرا جزيلا على التقرير الوافى المرتب شغل محترفين من lancerstyle