المشاركة الأصلية كتبت بواسطة ramy01011 (المشاركة 187392)

السلام عليكم هحكي لكم حكايتي مع البيجو 3007 موديل 2006 من البداية للنهاية و انتوا احكموا
انا اول ما سافرت الامارات سنه 2006 اول ما طلعت الرخصة جريت جري و روحت اشتريت العربية زيرو كانت ايامها ب 54 الف و كنت طاير بيها فيها تقريبا كل الكماليات و كانت اول عربية زيرو اركبها في حياتي طبعا كل السنة اللي أعرقهم قالوا لي لا هات لك يباني احسن خصوصا الجو هنا موش بتاع بيجو خالص بس انا نفضت لهم و قلت لا الاوربي اوربي و دي بيجو يا جماعة المهم توكيل البيجو عندنا شركة النبوده للسيارات و بأمانة التوكيل بتاعها من احسن الحاجات اللي شوفتها في العربية دي
نيجي بقي لمميزات العربية
1- ثبات تحفة 2- رغم انها كانت اقل فئة لاكن كانت فيها كل الكماليات اللي الواحد نفسه فيها يعني جنط 15 4 زجاج كهرباء -فتيس اوتو استرترونك كاسيت سي دي - مثبت سرعة - طارة ملتي فنكشن.
3- عربية تحس و انت فيها بالامان بجد و دي كانت احلي حاجة فيها
4- وسع داخلي تحفة 5- شنطة بجد عمري في حياتي ما شوفت شنطة عربية بتشيل زيها و مع ميزة ان الكراسي الخلفية بتنتوي و ان الشنطة طويلة كمان بيخليها بجد تحمل حاجات كتيير اوي.
5- عفشتها قوية جدااا.
نيجي بقي للعيوب و اة من العيوب
1- عربية تكيفها زباااااااااالة و متزعلوش مني في الكلمه بس بجد تكيفها سئ جدا رغم المفروض ان العربية مواصفات خليجي.
2- سخونية العربية و الفيوزات اللي ضربت تخيلو كنت ماشي بيها و مرة واحده لقيت مؤشر الحرارة وصل للاخر و العربية وقفت خالص مرة و احدة طبعا بما اني كنت في الضمان كلمت التوكيل و بعتوا لي عربية شالتها من مكانها و روحت استلمتها منهم بعدها بيومينو قالوا لي كل موديلات 2006 و 2007 نازلة بنفس العيوب.
3- الفتيس بجد زي الزفت كل شوية احسن زي ما تكون العربية بتنط عارفين زي لما في المانيوال بتشيل رجلك من الدبرياج مرة واحدة و انت بتنقل فالعربية تنط منك ده كان بيحصل معايا و انا ماشي عادي في امان الله و بردو مرة راجت واقفة خالص و بردو جم شالوها وودوها التوكيل و فضلت هناك اسبوعين و قالوا ان فيه قطة في الفتيس لازم تيجي من فرنسا و الحمد لله اني كنت في الضمان لاني عرفت بعد كدة ان تمن القطعة دي 15 الف درهم. المهم بعد ما اتصلحت و بعد فترة حسيت بنفس الرجه تاني و كنت خلاص قفلت من العربية فقمت بايعها و عارفين خسرت في تمنها كام ؟ بعتها ب 30 الف درهم و كان باقي عليها للبنك لسة 40 الف يعني بعتها و دفعت من جيبي للبنك 10 الاف درهم عارفين واحد صحبي كان معايا ايامها و كان شاري سيفك 2006 ب 55 ألف بعد ما اشتريت عربيتي بكام يوم و باعها بردو بعد ما بعت عربيتي بس علشان كان عايز يغير عارفين بعها بكام باعها ب 45 الف تقريبا كسب فيها.

علي فكرة انا لما اشتريت عربيتي كان فيه معايا 4 جايين معايا من مصر لفرع الشركة هنا في الامارات و الاربعة اشتروا زيي البيجو واحد جاب اخت بتاعتي وواحد جاب الفئة الاعلي و دول كانوا بيقكروا زي حلاتي 4 سنين و ينزلوها مصر و 2 جابوا رقم واحد اللي هيا 2000 سي سي عايز اقولكم و الله دلوقت ولا واحد فيهم معاة العربية دي كلهم باعوا العربيات لمشاكل كلها عيوب تصنيع و للامانة واحد بس فيهم راح باعها للمعرض و أشتري 308 بس علشان ميخسرش فلوس كتير و علشان التوكيل اقنعه ان 308 احسن.
المجمل يا جماعة بجد 307 عربية حلوة و تشد العين اة بس بجد عربية مشاااااااااكلها كتير اوي اوي و ده عن تجربة ليا و 4 اصحابي لعربيات من الزيرو ا و لحد 55 الف و فيهم ناس لحد 70 الف.
و كلهم دلوقت و لا واحد فيهم معاه

المشاركة الأصلية كتبت بواسطة mahmoudfs (المشاركة 191305)

مشكور اخي العزيز على المعلومات.
ولاكن اخي الغالي انا عندي العيوب التى ذكرتها لا توجد عندي.
1 التكييف عندي قوي جدا حتى اني لا قدر عليه!! ولا ياخذ عزم من المحرك.
المشكله عندك ممكن تكون من فلتر الهواء متسخ جدا بالغبار او نقص في الغاز ...الخ يعني لازم تكشف عليها.
2 اما سخونه العربيه . لازم تعرف انه كل انواع السيارات الاوروبيه لازم تكون سخونه المحرك من 80 الي 95 و هذه الحراره طبيعيه جدا لهاذا المحرك ذو المواصفات الاوربيه لكي يتم لك توفير الوقود و عزم اكبر.اما اذا كان عندك الحراره ترتفع تصل الى 100 لازم تروح كهربائي مختص لتبديل الكتوت المروحه سرعه الاولى ذو اللون الاخضرو ان شاء الله ما ترتفع عندك الحراره .
لازم تكون السرعه المروحه الاولى تفتح على 95 و الثانيه على 100 و الثالثه على 105.
و ممكن فحص السرعات عبر نزع الفيسه الخضراءالموجوده على راس المحرك .
3. اما مشاكل الغير ..الفتيس.. هذه مشكله في كل انواع السيارات و يمكن تلاشيها اذا تم تغير الزيت المخصص و الفحص الازم في الموعد الازم.
تحياتي لكم
http://static.preloved.co.uk/uploads...61319-605m.jpg

المشاركة الأصلية كتبت بواسطة ramy01011 (المشاركة 191362)

أخي العزيز : العربية كانت زيرو من الوكالة و طبعا علشان احافظ علي الضمان كنت بعمل كل السيرفس في الوكالة يعني الزيوتو كل حاجة بمواعيدها و علي فكرة احنا اتبعت لنا رسالة من الوكيل لكل العربيات موديل 2007 علشان المشكلة اللي في الحرارة و كان نص الرسالة فيه عيب تصنيع في العربية و يرجي الذهاب للتوكيل لاجراء الازم يعني العربيه فيها عيوب تصنيع و بردو هرجع و اقول انا موش محدش يقول عليا انا مفتري علي العربية و الله حصل نفس المشاكل مع اصحابي

المشاركة الأصلية كتبت بواسطة mahmoudfs (المشاركة 193336)

والله يا اخي شي محير شركه قويه ولها اسم في السوق العالمي و مبيعات مخيفه بتغلط خلط مثل هذه..
بصراحه انا اول مره بسمع عن شركه بيجو بها عيب مصنعي .مثل هذه العطب .مع العلم البيجو درجه حرارته فوق النصف في ماشر الحراره.بيكون طبيعي.
ممكن اخي تكون عربيته نخب ثالث يعني استيراد بسعر باخس. او ملعوب بها .لازم تراجع حساباتك.
و معلومات لك شركه بيجو ستروين بتدي كفاله ثلاث سنوات على كل شي.
تحياتي