مصر موتورز مجتمع السيارات - من وجهه نظركم ايه العربيات اللى خساره فيها الفلوس

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

رد: من وجهه نظركم ايه العربيات اللى خساره فيها الفلوس

اي عربيه نازله بمواصفات خارجيه وبتنزلنا بمواصفات عشان يكسبو من ورانا دون شعور بالانسان البسيط
اي عربيه خاليه من وسائل الامان والناس بره مصر بتشوف فيها كام اير باجز الاول
اي عربيه متشال منها الكماليات عشان تحقق اعلي ربح
وطبعا بطريقتي كدا يبقي عربيات مصر كلها لاتصلح انها تباع او تشتري
عشان اجيب عربيه فيها وسائل امان وكماليات كويسه اعدي الـ 100الف اما كنش 150 كمان
ولو مش قادر اشتري نعش متحرك في حدود 70.000

رد: من وجهه نظركم ايه العربيات اللى خساره فيها الفلوس

اى سيارة لاتحترم شعور المصريين ولا تكون على قد ثمنها زى الادا والشاهين

رد: من وجهه نظركم ايه العربيات اللى خساره فيها الفلوس

اقتباس:

المشاركة الأصلية كتبت بواسطة ahmad elmowafy (المشاركة 503928)

النيسان بكل انواعها

نيسان ايه حرام عليك نيسان دي من افضل العربيات اللي بتخش مصر وخاصة الاوتوماتيك فيها ملوش حل كل اما اركب العربيه دي احس بجد اني راكب عربيه بجد وفلوسها مش خساره فيها بس مشكلتها قطع غيارها فوق حبتين واستهلاكها للبنزين هي الاعلي في فئة 1600 والشكل اللي يعتبر كلاسيك شويه بس بجد سواقتها ممتعه بالنسبالي جدا :110105no44::110105no44:

رد: من وجهه نظركم ايه العربيات اللى خساره فيها الفلوس

دلوقتي اكتر من عضو قال الكوري وناس تانية قالت الألماني وناس تالتة قالت الصيني وناس رابعة قالت السوق المصري كله عربيات لا تستحق تمنها وناس راحت أبعد من كدة وحاولت تحلل الأسباب منهم ناس قالت الجمارك وناس قالت جشع التوكيل الي بينفض العربيات علشان يكسب.
إيه رايكوا تاخدو بصة على الموضوع بتاعي دا في قسم الجمارك وعلشان اديكوا فكرة دا مش بس بنتكلم فيه عن الجمارك لا عن كل جوانب السوؤ في سوق السيارات المصرية بس المشرفين شايفين إنه لازم يتحط في بابا الجمارك.
http://www.masrmotors.com/vb/showthread.php?t=46350
لينا كمان صفحة على الفيس بوك هتحسو إنها مش أكتف قوي لأننا عددنا لسة صغير شوية وأنا أأمل إننا نتناقش على صفحات المنتدى وا الفيس نقاش علمي بناء بإسلوب حضاري متطور يوصلنا لنتيجة تحللنا المشكلة.
أنا حاليا مع حركة المقاطعة لشراء أي سيارة زيرو حتى إشعار آخر والي شايف إنه متضطر قوي لعربية يحاول يشوف حاجة مستعملة مؤقتا.MAD

رد: من وجهه نظركم ايه العربيات اللى خساره فيها الفلوس

مع أحترامى للجميع أنا شايف أن القرش مش وحشة أبدا بس هى شكلها شبابى أوى فابعض الناس مش قادرة تتقبلها وسعرها عالى فعلا لكن العربية فعلا تقيله وجامدة ولو كانت نزلت 2000 سى سى كان الناس خلصوا عليها